၂၀၂၀တွင် NLDပြန်လည်အနိုင်ရရှိပါက တိုင်းပြည်အန္တရာယ်မှာ အလွန်ကြောက်စရာ ကောင်းကြောင်း ဒေါက်တာသက်သက်ခိုင်ပြောဆို

၂၀၂၀တွင် NLDပြန်လည်အနိုင်ရရှိပါက တိုင်းပြည်အန္တရာယ်မှာ အလွန်ကြောက်စရာ ကောင်းကြောင်း ဒေါက်တာသက်သက်ခိုင်ပြောဆိုဟု သတင်းဖော်ပြခဲ့သည့် သူရိယနေဝန်းဂျာနယ်ကို ၇ ရက်အတွင်း မတောင်းပန်ပါက တရားစွဲမည်ဟု ဆို

၂၀၂၀ ရွေးကောက်ပွဲကာလတွင် NLDပြန်လည်အနိုင်ရရှိပါက တိုင်းပြည်အန္တရာယ်မှာ အလွန်ကြောက်စရာကောင်းကြောင်း ဒေါက်တာသက်သက်ခိုင်ပြောဆိုဟု သတင်းဖော်ပြခဲ့သည့် သူရိယနေဝန်းဂျာနယ်ကို ၇ ရက်အတွင်း မတောင်းပန်ပါက တရားစွဲမည်ဟု ဒဂုံမြို့နယ်ပြည်သူ့လွှတ်တော်ကိုယ်စားလှယ် ဒေါက်တာသက်သက်ခိုင်က ၄င်း၏ရှေ့နေဦးစွမ်းထက်ပိုင်မှတဆင့် စက်တင်ဘာ ၂၂ ရက်ထုတ် ကြေးမုံသတင်းစာတွင် ထည့်သွင်းကြော်ငြာလိုက်သည်။

“အရေးတော်ပုံတပ်သားမင်းဒင်(တာဝန်ခံအယ်ဒီတာ) သူရိယနေဝန်းဂျာနယ်နှင့် အများသိစေရန်ကြော်ငြာခြင်း”ဟု ခေါင်းစဉ်တပ်ထားသည့် ယင်းကြော်ငြာတွင် ၈.၉.၂၀၁၈ရက်စွဲပါ Vol-1, No-214ဖြင့် ထုတ်ဝေခဲ့သော ဂျာနယ်၌ ဒေါက်တာသက်သက်ခိုင်၏ ဓာတ်ပုံကို ပူးတွဲဖော်ပြလျက် “၂၀၂၀ ရွေးကောက်ပွဲကာလတွင် NLDပြန်လည်အနိုင်ရရှိပါက တိုင်းပြည်အန္တရာယ်မှာ အလွန်ကြောက်စရာ ကောင်းကြောင်း ဒေါက်တာသက်သက်ခိုင်ပြောဆို”ဟု ထင်ရှားစွာရေးသားထုတ်ဝေခဲ့ရာတွင် ဒေါက်တာသက်သက်ခိုင်မှ လူကြီးမင်းတို့၏ ဂျာနယ်တိုက်ကိုသော်လည်းကောင်း၊ အခြားဂျာနယ်တိုက်နှင့် မီဒီယာများကိုသော်လည်းကောင်း၊ လူကြီးမင်းတို့ရေးသားထားခဲ့သည့် အကြောင်းအရာနှင့် ပတ်သက်၍ တစ်ကြိမ်တစ်ခါမျှ ပြောဆိုခဲ့ဖူးခြင်းမရှိကြောင်း ပါရှိသည်။

“ဂျာနယ်ရဲ့ အပေါ်မှာကို ထင်ရှားစေလောက်မယ့် highlight လုပ်ပြီးတော့ သေသေချာချာတိတိပပကို ရေးထားတာပါ ခင်ဗျာ။ လက်ရှိအခြေအနေထိတော့ ကျွန်တော့်အပေါ်မှာတော့ ဖုန်းဆက်ပြီးတော့ ဆယ်သွယ်တဲ့အရာတော့ မရှိပါဘူး။ ကျွန်တော်တို့ကလည်း သူတို့ကို ပြန်ဆက်သွယ်ဖို့အတွက်ကို တောင်းဆိုထားတာမျိုးမရှိဘူးလေ။ ကျွန်တော်တို့က ဒီဟာကို ပြေလည်အောင်ဖြေရှင်းပေးဖို့အတွက် တောင်းဆိုထားတာပါခင်ဗျာ”ဟု အထက်တန်းရှေ့နေ ဦးစွမ်းထက်ပိုင်က News Watch သို့ ပြောကြားသည်။

ဒေါက်တာသက်သက်ခိုင် ပြောဆိုခြင်းမရှိသည့် မမှန်ကန်သော သတင်းများကို ဓာတ်ပုံ၊ အမည်နှင့် တိတိပပ ပူးတွဲရေးသားဖော်ပြခဲ့ခြင်းသည် ပုဂ္ဂိုလ်ရေးဂုဏ်သိက္ခာများနှင့် နိုင်ငံအပေါ်ထားရှိသည့် နိုင်ငံရေးဂုဏ်သိက္ခာများ များစွာကျဆင်းခဲ့ရကြောင်းလည်း ယင်းကြော်ငြာချက်တွင် ဖော်ပြထားသည်။

မမှန်မကန်သတင်းရေးသားဖော်ပြမှုများကို ဤသတင်းစာကြော်ငြာသည့်နေ့မှစ၍ ၇ ရက်အတွင်း ကြေးမုံနှင့် မြန်မာ့အလင်းသတင်းစာများနှင့် လူကြီးမင်းတို့ ထုတ်ဝေလျက်ရှိသော ဂျာနယ်၌ အဆိုပါကိစ္စရပ်များအား ဒေါက်တာသက်သက်ခိုင်မှ ပြောဆိုခဲ့ခြင်းမရှိသည့် အကြောင်းအရာများဖြစ်ကြောင်း ရှင်းလင်းချက်ကို ထင်ရှားသောစာမျက်နှာ၌ အနီးစပ်ဆုံးအချိန်၌လည်းကောင်း ပြန်လည်ရှင်းလင်းပေးရန်နှင့် လူသိရှင်ကြားဝန်ချတောင်းပန်ကြောင်း ကြော်ငြာစာ ထည့်သွင်းဖော်ပြတောင်းပန်ပေးရန် တောင်းဆိုကြောင်းလည်း ယင်းကြော်ငြာတွင် ပါရှိသည်။

ယင်းကြော်ငြာချက်ပါ အကြောင်းအရာများနှင့် ပတ်သက်၍ မေးမြန်းနိုင်ရန် ဒေါက်တာသက်သက်ခိုင်ထံ ဆက်သွယ်ခဲ့သော်လည်း ဖုန်းကိုင်ဖြေဆိုခဲ့ခြင်း မရှိခဲ့ပေ။

ယင်းသတင်းဖော်ပြချက်နှင့် ပတ်သက်၍ သူရိယ်နေဝန်းဂျာနယ်မှ ကိုရန်ပိုင်စိုးက“လောလောဆယ်က ကျွန်တော်တို့က ဒါနဲ့ပတ်သက်ပြီးတော့ လိုက်နေသေးတော့ နည်းနည်းလေးခဏလောက် ဆိုင်းပေးပါဦး။ သတင်းစာမှာပါတဲ့ အချက်အလက်တွေနဲ့ ပတ်သက်ပြီးတော့ ကျွန်တော်တို့ နည်းနည်းလေး ဟိုဟာလုပ်နေလို့ပါ”ဟု ပြောကြားခဲ့သည်။

မင်းထင်

Loading...

Facebook Comments