သားဖြစ်သူ ရွှေထူးကို မဆဲကြဖို့ ဝမ်းနည်းစွာ မေတ္တာရပ်ခံလာတဲ့ မိခင်ဖြစ်သူ ဒေါ်ယဉ်ကျေး

ဒီနေ့ စက်တင်ဘာ ၁၉ ရက်နေ့ဟာ အဆိုတော် ရွှေထူးရဲ့ မွေးနေ့ဖြစ်ပြီး မိဘမဲ့ဂေဟာမှာ မိသားစု၊ ချစ်သူနဲ့အတူ သွားရောက် အလှူပြုလုပ်ခဲ့တာဖြစ်ပါတယ်။ အရင်က ပြတ်ဆဲခဲ့တဲ့ Relationship နဲ့ပတ်သက်ပြီး အဝေဖန်ခံနေရတဲ့ ရွှေထူးရဲ့အချစ်ရေးမှာ မိခင်ဖြစ်သူက တော်တော်လေးစိတ်မကောင်းဖြစ်နေခဲ့တာဖြစ်ပါတယ်။သားဖြစ်သူ ရွှေထူးကို ဆဲကြဆိုကြ ဝေဖန်နေကြတဲ့ ကောမန့်တွေဟာ မိခင်ဖြစ်သူ ဒေါ်ယဉ်ကျေးရဲ့ မျက်ရည်တွေကို စီးဆင်းစေခဲ့တာလည်းဖြစ်ပါတယ်။ ရွှေထူးမိခင်ကတော့ သူမရဲ့သား ရွှေထူးအပေါ်မှာ မဆဲပါနဲ့တော့လို့ တောင်းဆိုလိုက်တာဖြစ်ပါတယ်။

မေတ္တာရပ်ခံချင်တာက မဆဲပါနဲ့လို့ ငိုပြီးပြောချင်တာ။ ရင်ထဲမှာ အရမ်းခံစားရတယ်။ ကိုယ့်သားလေ တီက သိပ်ချစ်တာကိုး။ ခုလိုဆဲတာတွေ လာမေးရင် မပြောချင်ဘူး တီအရမ်းခံစားရတယ်။ အမှန် တီ့သားက အရမ်းဆိုးဆိုးဝါးဝါးကြီးလုပ်နေတာမဟုတ်ဘူးလေ။ ယောက်ကျားပီပီသသနဲ့ သူအကုန်လုံးကိုပွင့်ပွင့်လင်းလင်းပြောပြီးမှ လုပ်တာလေ။ အဲမှာဆဲတဲ့ပြောတဲ့လူတွေကလည်း ဒါကြောင့် ဆဲချင်နေကြတာကိုး။ တီ့သားမှမဟုတ်တာ။ အမေစုကိုတောင်မှသူတို့ဆဲကြတာလေ။ သားထက်အများကြီး အရည်အချင်းရှိတဲ့၊ အရည်အသွေးရှိတဲ့သူတွေကိုတောင်မှ သူတို့ဆဲနေကြတာပဲ။ အဲတော့ဒီအပေါ်မှာ တီလိုက်ခံစားနေရင် တီလည်း အိပ်ယာထဲကနေ ထနိုင်မှာမဟုတ်ဘူး။ ဒါပေမယ့် အမေတစ်ယောက်အနေနဲ့တော့ အရမ်းခံစားရတာပေါ့။ အားရင်ငိုတာပဲ။ တီ ငိုတယ် တီ့မှာဘာမှမရှိဘူး။ တီ အားကိုးစရာ ဒီမျက်ရည်ပဲ။

အဲလိုစိတ်ပျော့ စိတ်ပြေသွားရင် တီကိုယ့်ကိုပြန်ပြီးထူထောင်တာပဲ။ ဘာလို့လဲဆို သားသမီးတွေရှေ့မှာ တီရပ်ရဦးမယ်လေ တီပဲရှိတာလေ။ ဒီသားသမီးတွေက တီ့ရဲ့အားနဲ့ နေနေကြတာ။ ပိုက်ဆံရှိတာ ချမ်းသာတာ တီစိတ်မဝင်စားဘူး။ တီ စိတ်ချမ်းချမ်းသာသာလေးပဲနေချင်တယ်။ ခု ဆဲကြဆိုကြတယ် အန်တီသားကို ကျွဲတွေ၊ နွားတွေ သူတို့မိဘတွေ သူတို့ကိုပြောရင် ဘယ်လိုခံစားရမလဲဆိုတဲ့ ကိုယ်ချင်းစာတရားလေး မြင်ရင်ပဲ အန်တီကျေနပ်ပါပြီ။ ဆဲရမှ ကျေနပ်မယ်ဆိုရင်လဲ ဆဲပါ အန်တီဘာမှမပြောပါဘူး။ အားပေးတဲ့ပရိသတ်တွေကိုတော့ တအားချစ်တာ အန်တီအိမ်မှာ ထမင်းတောင် ခေါ်ပြီး တစ်သက်လုံးကျွေးထားချင်တာ။ တီအရမ်းမေတ္တာပေးတယ်။

တချို့ကလေးတွေ အန်တီ့သားပေါ် ပြောကြဆိုကြတာ သားလေးကိုချစ်လွန်းလို့ ဖြစ်ကြတာ အန်တီနားလည်တယ်။ ဂရုဏာဒေါသနဲ့ဖြစ်ကြတာ။ သို့သော်လည်းပဲ သူတို့တွေက ဦးနှောက်မရှိတဲ့ အတွေးအခေါ်မရှိတဲ့ ကလေးတွေမဟုတ်ဘူး သူတို့မှာလည်း သူတို့ဆုံးဖြတ်ပိုင်ခွင့်ရှိတဲ့အခါကျတော့ ပရိသတ်တွေမှာလည်း သူတို့ဆုံးဖြတ်ပိုင်ခွင့်နဲ့ပြောကြတာ ပြောပါစေ။ သို့သော်လည်းပဲ နောက်ပိုင်းဆက်ချစ်ပေးပါ။ ဒီလောက်ပြောခဲ့ရရင် ကျေနပ်ကြပါတော့ ။ ရပ်ပေးကြပါတော့ ဒါလေးပါပဲ။ရွှေထူးဟာ အရမ်းအားငယ်တတ်တဲ့သားတစ်ယောက်ဖြစ်ပြီး ယခုအချိန်ထိ မိခင်ရင်ခွင်ထဲမှာ အားငယ်တဲ့အခါ လာရောက်ငိုကြွေးနေတုန်းလို့ဆိုပါတယ်။ဒေါ်ယဉ်ကျေးအနေနဲ့တော့ ဘယ်အခြေအနေပဲရောက်ရောက် သားဖြစ်သူရှေ့ကနေ မားမားမတ်မတ်ရပ်တည်ပေးဖို့ ရွှေထူးကလည်း တောင်းဆိုထားတာဖြစ်ပါတယ်။ သူမအနေနဲ့တော့ ရှေ့မှာ အများသိကြတဲ့အတိုင်း စိတ်ဆင်းရဲမှုတွေကို အများကြီးကြုံခဲ့ရတယ်လို့လည်း ဆိုပါတယ်။

We Love Cele
Ref;Myanmar Celebrity အင်တာဗျူးမှဖြေကြားချက်အချို့ကိုကောက်နှုတ်ဖော်ပြထားခြင်းဖြစ်ပါသည်။
Photos-MC & Htoo Khant

Loading...

Facebook Comments