ဦးခေါင်းပေါ်ပေါက်သည့်ပွေး(ဒက်) အကြောင်းသိကောင်းစရာ

ကလေးများတွင် အဖြစ်များပါသည်။ အိမ်မွေးတိရစ္ဆာန်များမှတစ်ဆင့်ကူးစက်တတ်ပါသည်။ လူကြီးများတွင်လည်း ဖြစ်တတ်ပါသည်။

ရောဂါလက္ခဏာများ

အနည်းငယ် ယားယံခြင်းမှလွဲ၍ အခြားလက္ခဏာများ မရှိပါ။ရောင်ရမ်းနေသည့်အကွက်များ၊ အဖတ်များ ကွာကျခြင်းနှင့်အတူ ဆံပင်ကျွတ်တတ်ပါသည်။ အကွက်သည် တဖြည်းဖြည်းကြီးထွားမှုရပ်သွားလျှင်

ခေါင်း၏အခြားနေရာတွင် အကွက်သစ်ထွက်လာပါသည်။ဆံပင်များ ကျိုးပြတ်သွားပြီး ကတုံးဆံပင်ပေါက်စအရှည် ၁/၈ လက်မအရွယ်သာ ကျန်ရစ်ခဲ့တတ်ပါသည်။ အဖတ်များကွာကျနေသည့်နေရာတွင် ဘက်တီးရီးယားပိုးများဝင်လာနိုင်ပြီး အရည်များ ထွက်ကျနေတတ်ပါသည်။

ရောဂါကြာချိန်

ဆေးကုသမှုခံယူလျှင် ရက်သတ္တပတ်အနည်းငယ်အတွင်း ပျောက်ကင်းနိုင်ပါသည်။ဆေးကုသမှုမခံယူလျှင် မှိုပိုးများ အလိုအလျောက်သေဆုံးနိုင်ပြီး အပျိုပေါက်၊လူပျိုပေါက်အရွယ်ထိ ပွေးကွက်များ ရှိတတ်ပါသည်။

ဖြစ်ပွားရခြင်း အကြောင်းရင်း

မှိုပိုးအမျိုးမျိုးကြောင့် ဖြစ်တတ်ပါသည်။ အချို့က ဆံပင်ကို ထိခိုက်တတ်ပြီးအချို့က ဦးခေါင်းအရေပြားကို ထိုးဖောက်တတ်ပါသည်။ မှိုပိုးအမျိုးအစားပေါ်မူတည်ပါသည်။ အခြားပွေးရှိသည့်ကလေး သို့မဟုတ်တိရစ္ဆာန် (အထူးသဖြင့် ခွေးနှင့်ကြောင်) မှတစ်ဆင့် ကူးစက်နိုင်ပါသည်။

အိမ်၌ ပြုစုကုသနည်း

ဆေးကုသမှု စတင်ခံယူလျှင် နောက်တစ်ဖန်ပြန်မဖြစ်ရန် ဂရုစိုက်ရပါမည်။ အိပ်ရာခင်း၊ ခေါင်းအုံးစွပ်များကို မကြာခဏ ရေနွေးနှင့်ဆူအောင်ပြုတ်ပြီးလျှော်ပေးပါ။ ခေါင်းပြီးသည့်ဘီးများကို မကြာခဏ အသစ်လဲပေးပါ။ ပိုးသတ်ဆေး (Antiseptic and disinfectant) များသည် မှိုပိုးကိုသေအောင် မလုပ်ပေးနိုင်ပါ။

ဆရာဝန်နှင့် ပြသသင့်သည့် အချိန်

ကလေး၏ခေါင်းပေါ်မှာ ဆံပင်အကွက်လိုက်ပြောင်နေလျှင်

အဖတ်များ ကွာကျနေလျှင်

ဆရာဝန်ကုသပေးနိုင်မည့် နည်းလမ်းများ

ရောဂါရှိနေသည့်အကွက်မှ အဖတ်များကို အသာအယာခြစ်ထုတ်ပြီး အဏုကြည့်မှန်ပြောင်း (Microscope) အောက်တွင်ကြည့်ကာ မှိုပိုးအမျိုးအစားကို

ခွဲခြားနိုင်ပါသည်။မှိုပိုးသတ်သောက်ဆေးများ ပေးနိုင်ပါသည်။

ကာကွယ်နည်းများ

ပွေး၊ “ဗောက်၊ ဒက်များရှိသည့် အိမ်မွေးတိရစ္ဆာန်များကို ရှောင်ကြဉ်ပါ။လူအများစုဝေးပြီး အိပ်ရသည့်နေရာများကို ရှောင်ပါ။

ရောဂါအခြေအနေ

မှိုပိုးများသေဆုံးသွားလျှင် ဆံပင်၏ဦးရေပြား ပုံမှန်ပြန်ဖြစ်သွားပါသည်။

Credit:#ဒေါက်တာခင်မိုးမိုး

Loading...

Facebook Comments