ပရိတ်သတ်တွေကို အထူးတောင်းပန်လိုက်တဲ့ စိုင်းစိုင်းခမ်းလှိုင်

အနုပညာလောကမှာပရိသတ်အများဆုံးနဲ့ အခိုင်အမာရပ်တည်နေတဲ့စိုင်းစိုင်းကတော့ အောက်တိုဘာလ (၁၄)ရက်မှာပြုလုပ်မယ့်ရှိုးပွဲကို အမျိုးသားဇာတ်ရုံမှာ ကျင်းပမှာဖြစ်ပါတယ်။

ဒီရှိုးပွဲအတွက် ပရိသတ် ၁ ဦးကို လက်မှတ် ၂ စောင်နဲ့ရောင်းချပေးခဲ့ရာမှာတော့ ၁ နာရီအတွင်းအကုန်လုံး ရောင်းကုန်သွားတာပဲဖြစ်ပါတယ်။

“၀၉:၃၀ မှာလက်မှတ်စရောင်းပါတယ်၊ ၁၀:၃၀ မှာလက်မှတ်အားလုံးကုန်သွားပါပြီ။ တစ်နာရီအတွင်းတစ်ရုံလုံး Sold Out Congratulations Saiကဲဘာဆက်လုပ်မရမလဲ? ” လို့ စိုးနိုင်ထွန်းဆိုတဲ့ Account ပိုင်ရှင်က စိုင်းစိုင်းကို Facebook မှာTag တွဲပြီးရေးသားထားတာပဲဖြစ်ပါတယ်။

ဒါနဲ့ ပတ်သက်လို့ စိုင်းစိုင်းခမ်းလှိုင်ကလည်း လက်မှတ်တွေကုန်သွားပြီး မရလိုက်တဲ့သူတွေအတွက် တောင်းပန်ထားတာကို တွေ့ရပါတယ်။
“လက်မှတ်အားလုံးချက်ခြင်းကုန်သွားပါပြီ။ ဒီနေ့မရလိုက်တဲ့ ပရိသတ်များကို အထူးတောင်းပန်ပါတယ်။ ကျေးဇူးလည်းတင်ပါတယ်။ လက်မှတ်မရလိုက်တဲ့ပရိသတ်များခင်ဗျာ။ ကျွန်တော်တို့ တစ်ရက် ထပ်တိုးနိုင်အောင် တိုင်ပင်နေပါတယ်။ အရှေ့တစ်ရက်တိုးသင့် /အနောက်တစ်ရက်တိုးသင့် ဝိုင်းဝန်းစဉ်းစား၊ အကြံပေးပါဦး။ လက်မှတ်ကုန်သွားလို့ပျော်လည်းပျော်တယ်။ ၂ ရက်ဆက်ဆိုရရင် ပွဲပန်းနိုင်ပေမယ့် ဖြစ်အောင်ကြိုးစားပါ့မယ်” ဆိုပြီးရေးသားထားတာပဲဖြစ်ပါတယ်။

လက်မှတ်မရလိုက်တဲ့ပရိသတ်တွေကလည်း အစောကြီးတည်းကသွားတန်းစီပြီးစောင့်နေရတာမရလိုက်လို့ စိတ်မကောင်းဖြစ်တယ်ဆိုပြီးတော့ မှတ်ချက်တွေ ရေးသားထားကြပါတယ်။

Photo: Sai Sai Kham Leng’s Facebook

Loading...

Facebook Comments