စနေသားသမီးများ ဒီတပတ် ဆောင်ရန် ရှောင်ရန်များ (Sep 15 မှ Srp 21 ထိ)

ယခုကာလက အပြောင်းအလဲများ ကြုံရတတ်တဲ့ ကာလဖြစ်သလို အကောင်းတွေ စုဝေးတတ်တဲ့ အတွက် လုပ်သမျှ ဖြစ်နေတတ် ပါတယ်။

ဒီရက်အတွင်း လူမှုရေး ၊စီးပွားရေး၊ပညာရေး အောင်မြင်လိုသော ကိစ္စများ အ တွက် ဗုဒ္ဓဟူး သားသမီးများနှင့် တိုင်ပင်ဆောင်ရွက်ပါ။

အဝေးက ၀မ်းသာစရာ သတင်းကောင်းတွေ မကြာခဏ ကြားရတတ် ပါတယ်။ လုပ်ငန်း အပြောင်းအလဲ ရှိပေမယ့် ကောင်းတဲ့ အပြောင်းအလဲပါ။ အတိုက်အခံ က တော့ ရှိနေစမြဲပါ။ စိတ်မလျော့ပါနဲ့။

မိသားစုအတွင်း အလှူမင်္ဂလာပွဲတွေ ဖြစ်လာတတ်ပါတယ်။ အိမ်ခြံမြေ ကိစ္စတွေ၊ စာချုပ်စာတမ်း ကိစ္စတွေ စပ်တူရှယ်ယာ လုပ်ငန်းတွေ သိပ်မကောင်းပေမယ့် ကားနဲ့ ရေထွက် ကုန် သမားတွေ လုပ်ငန်းကောင်းတဲ့ ကာလဖြစ်ပါတယ်။

ပညာရေးကတော့ ကံကောင်းပေမယ့် အပေါင်းအဖော် တွေကို သတိထားမှ ဖြစ်ပါလိမ့်မယ်။ ကျန်းမာရေးကတော့ ဆေးမှားတာတွေ ဖြစ်တတ်ပါတယ်။ ဒီကာလမှာ အိမ်ထောင်များကြား အထစ်အငေါ့လေးတွေ ရှိတတ်ပေမယ့် ချစ်သူများ အကြား ကြည်နူးစရာ ပျော်ရွင်စရာတွေ ဆိုက်ရောက်လာ ပါလိမ့်မယ်။

ငွေကြေး အကျပ်အတည်းမှ လွတ်မြောက်ရန်။ ။ ဘုရားသို့ သွားကာ ပန်းကိုးမျိုး၊ သစ်သီးကိုးမျိုးဖြင့် ဘုရားရှင်အား ခုနှစ်ရက် ပူဇော်ပါ။

ပြည်ပ ထွက်ခွာလိုသူများ။ ။ စာသင်သံဃာတော်အား လွယ်အိတ် လှူပေးပါ။

အလုပ်ရရှိရန် အခက်အခဲ ဖြစ်နေသူများ။ ။ဗုဒ္ဓဟူးထောင့် အရပ်ရှိ ဘုရားစေတီတွင် ပဋ္ဌာန်းနှင့် ဓမ္မစကြာကို ရွတ်ဖတ် ပူဇော်ပေးပါ။

အိမ်ထောင်ရေး၊နှလုံးသားရေး အဆင်မပြေသူများ။ ။ တတ်နိုင်သလောက် အချိန်ပေးကာ မေတ္တာပို့ပါ။ ဓာတ်ဗူး အသစ်ထဲ နှစ်ဦးစလုံး၏ ဓာတ်ပုံထည့်ကာ တစ်ပတ်တိတိ ထားပေးပါ။

လူမှုရေး အတိုက်အခံ များသူများ။ ။ ဘုရားစေတီသို့ သွားကာ သက်စေ့ မေတ္တာသုတ် ရွတ်ဆိုပေးပါ။

ကျန်းမာရေး မကောင်းသူများ ။ ။ဘုရားတွင် သက်စေ့ ဗောဇ္ဇင်သုတ် ရွတ်ဖတ် ပူဇော်ပေးပါ။

ထီ ကံကောင်းလိုသူများ။ ။ အိမ်၏ ဗုဒ္ဓဟူးထောင့် အရပ်ရှိ ထီဆိုင်တွင် ၄/ ၇ / ၉ တစ်ခုခု အပူးဂဏန်း ပါအောင် ထိုးပါ။

Credit: saladmm

Loading...

Facebook Comments