ဘုရားဖြစ်ရန် အမျိုးသမီးများ ဆုထူးပန်နိုင်

တချို့သော အမျိုးသမီးတို့သည် မိမိတို့၏ အမျိုးသမီးဘ၀ကို နိမ့်ကျသော ဘ၀ဟုထင်မြင်ယူဆကြသည်။ အရာရာတွင် အမျိုးသားများ၏ နောက်လိုက် သာ ဖြစ်ကြရပေသည်။အလွန်မြင့်မြတ်သော ဘုရားအဖြစ်သို့ မရနိုင်ကြပေ။ ဆုထူးပန်ရန် မဖြစ်နိုင်ဟုထင်မြင်ယူဆ နေကြသည်။ ဒီလို မဟုတ်ပါ။ အမျိုး သမီးများသည် အမျိုးသားများနှင့်တန်းတူ ဆောင်ရွက်နိုင်သော အခွင့်အရေး ရှိသည်။ ဘုရားဖြစ်ရန်ဆုထူးပန်ဆင်နိုင်သည်။မြတ်စွာဘုရားလက်ထက်တော် အခါက အမျိုးသမီးများ ဘုရားဆုတောင်းကြသည့် သာဓကများ ရှိသည်။

မြတ်စွာဘုရား ခုနစ်ဝါမြောက်ဝါဆိုခါနီးတွင် တာဝတိံသာ နတ်ပြည်သို့ ကြွသွား ၍ အဘိဓမ္မာတရားဟောကြားသည်။ဝါကျွတ်သောအခါ အဘိဓမ္မာတရား ဟော ကြားပြီးဆုံးသောကြောင့်လူ့ပြည်သို့ပြန်ကြွဆင်းတော်မူသည်။ ဘုရားရှင်ပြန်ဆင်း သောလမ်းတွင် နတ်ပရိသတ်များစုံလင်စွာ ရှိခိုးပူဇော်ကြသည်။ မြတ်စွာဘုရား၏ တန်ခိုးတော်ကြောင့် အထက်မှသည်အောက်အ၀ီစိတိုင်အောင် ဟင်းလင်းပြင်ဖြစ် ကာ လူတွေလည်း နတ်ဗြဟ္မာတွေကိုတွေ့မြင်ကြရသည်။ ၃၆ -ယူဇနာရှိသော ပရိသတ်တွင် အားလုံးလိုလို ဘုရားအဖြစ်ဆုတောင်းကြတော့သည်။ အမျိုးသား အမျိုးသမီး ခွဲခြားမှု ဟူ၍ မရှိတော့။

ထို့ကြောင့် အမျိုးသမီးများသည် ဘုရားဖြစ် ရန်ဆုထူးပန်နိုင်ကြသည်ကိုသိကြလေသည်။ (ဓမ္မပဒ၊ ဌ-၂၊ ၁၄၆)ဘုရားအဖြစ်ကို ဆုတောင်းကြသောအမျိုးသမီးတို့သည် အမျိုးသမီးဘ၀အဖြစ်တော့ ဘုရားအဖြစ်ကို မရနိုင်၊ထို့ကြောင့် ဘုရားဆုပန်သော အမျိုးသမီးသည် အမျိုးသား ဖြစ်ကြောင်း တရားကိုအရင်လိုက်နာကျင့်ကြံရမည်။ အမျိုးကောင်းသား ယောကျာင်္း တစ်ဦးဖြစ်ရန်အမျိုးသမီးများလိုက်နာကျင့်ကြံရမည့် တရားများမှာ-

(၁) ရတနာသုံးပါးတို့၌ ကြည်ညိုခြင်း၊
(၂) ငါးပါးသီလကို ဖြည့်ကျင့်ခြင်း၊
(၃) အမျိုးသမီးအဖြစ်၊ မိန်းမအဖြစ်ကို မနှစ်သက်ခြင်း၊
(၄) အမျိုးသားအဖြစ်၊ ယောကျာင်္းအဖြစ်ကို နှစ်သက်ခြင်း၊

ဟူသောတရားလေးပါးကို လိုက်နာကျင့်ကြံရမည်။ ရတနာသုံးပါး ကြည်ညိုရမည်ဟု ဆိုရာတွင်ဘုရားဂုဏ်တော် ကိုးပါး၊ တရားဂုဏ်တော် ခြောက်ပါး၊ သံဃာဂုဏ်တော် ကိုးပါးတို့၌ဉာဏ်သက်ဝင်ကာ ယုံကြည် ကြည်ညိုရမည်ကို ဆိုလိုသည်။ငါးပါးသီလကို ဖြည့်ကျင့်ရမည်ဟု ဆိုရာတွင် ငါးပါးသီလ၏ အကျိုးနှင့် အပြစ်ကိုသိ၍ လုံခြုံအောင် စောင့်ထိန်း ဖြည့်ကျင့်ရမည်ကို ဆိုလိုခြင်း ဖြစ်သည်။

အမျိုးသမီးအဖြစ်၊မိန်းမအဖြစ်ကို မနှစ်သက်ခြင်းဟု ဆိုရာတွင် မိန်းမအဖြစ်၌ တည်ရှိ ပါကစကြ၀တေးမင်း၊ သိကြားမင်း၊ ဗြဟ္မာမင်း တို့၏ စည်းစိမ်ကို မရနိုင်။ပစ္စေကဗုဒ္ဓါ၊ သဗ္ဗညု မြတ်စွာဘုရားအဖြစ်ကို မရနိုင်။ ထို့ကြောင့်အမျိုးသမီးအဖြစ်၊ မိန်းမ အဖြစ်ကိုမလိုချင်၊မနှစ်သက်ခြင်းရှိနေရမည်။ထိုကဲ့သို့ မနှစ်သက်ခြင်းသည်ပင်အမျိုးကောင်း သား ယောကျာင်္းဖြစ်ဖို့ရာအကြောင်းတစ်ပါး ဖြစ်၏။အမျိုးသား ယောကျာင်္းအဖြစ်ကို နှစ်သက်ခြင်းဟုဆိုရာတွင် အမျိုးသား ယောကျာင်္းအဖြစ်၌ တည်ရှိပါက စကြ၀တေးမင်းမှ အစ နောက်ဆုံးသဗ္ဗညု မြတ်စွာဘုရားတိုင်အောင် ဖြစ်နိုင် သည်။

ထိုမွန်မြတ်သော ဘ၀များကိုရနိုင်သော အမျိုးသားယောကျာင်္းအဖြစ်ကို နှစ်သက် စိတ်ရှိရမည်။မြတ်စွာဘုရားလက်ထက်တော်အခါကဤအမျိုးသား ယောကျာင်္းဖြစ်ကြောင်း တရားလေးပါး ကိုလိုက်နာကျင့်ကြံ၍ဒုတိယဘ၀၌အမျိုးသမီးအဖြစ်မှ အမျိုးသား ယောကျာင်္းအဖြစ်ကိုရောက် သွားသောသာဓကများ ရှိသည်။ အခါတစ်ပါး ကပ္ပိလ၀တ်ပြည်သူ ဂေါပိကာအမည်ရှိသာကီဝင်မင်းသမီးသည် ဘုရား၊တရား အလွန်ကြည်ညိုသည်။ ငါးပါးသီလ လုံအောင်စောင့်သည်။ အမျိုးသမီးအဖြစ်ကို မနှစ်သက်။

အမျိုးသားယောကျာင်္းအဖြစ်ကိုနှစ်သက်သည်ဖြစ်၍ ရဟန်းတော်သုံးပါးကို ပြုစုလုပ်ကျွေး လျှက် နေသည်။ ဂေါပိကာကွယ်လွန်သောအခါ ဒုတိယဘ၀တွင် တာဝတိံသာနတ်ပြည်၌ သိကြားမင်း၏ သားတော်ဂေါပကနတ်သား ယောကျာင်္းဖြစ်ရလေ၏။ထိုသာဓကကို ထောက်ထား၍အမျိုးသမီးတို့သည် ဤတရားလေးပါးကို ပြည့်စုံအောင် ကျင့်နိုင်သော် ဒုတိယဘ၀၌ယောကျာင်္းကောင်းစင်စစ် ဖြစ်နိုင်သည်။ ယောကျာင်္းဘ၀ ရပြီးသောအခါတွင်လည်းအရင်ဘ၀က တောင်းခဲ့သော ဘုရားဆုပြည့်ကြောင်း ပါရမီ ကို ဖြည့်ကျင့်ပါကဘုရားအဖြစ်ကို ရောက်နိုင်သည်။ သို့ဖြစ်၍ အမျိုးသမီးများလည်း ဘုရားဖြစ်ရန်ဆုထူးပန်နိုင်ကြပေသည်။သဒ္ဓမ္မရံသီရိပ်သာ ဆရာတော် အရှင်ကုဏ္ဍလာဘိဝံသမှ ကူးယူ တင်ပြပါသည်။

Credit: theesaychin

Loading...

Facebook Comments