ဘဝကို ကုန်ပစ္စည်းသဖွယ် တရုတ်လက်ထဲ ထိုးအပ်ခံနေရတဲ့ အမျိုးသမီးလေးမျာ

အသက် ၂၅ နှစ်အရွယ် သမီးတယောက်မိခင်၊ ခေတ်ဆန်ဆန် ဝတ်စားထားသူနဲ့ ခပ်ရိုးရိုး၊ ခပ်အေးအေး မိဘနှစ်ဦးတို့နဲ့ တွေ့ဆုံလိုက်တဲ့ ခဏတာမှာပဲ မြန်မာအမျိုးသမီးတွေကို တရုတ်နိုင်ငံကို ရောင်းကုန်အဖြစ် ဘယ်လောက်များ ကုန်ကူးဖို့ ကြိုးစားနေကြလဲ၊ အဲ့ဒီထဲကမှ တင်တောင်းတယ်ဆိုတဲ့ ငွေကြေးပမာဏထက် ဘယ်လောက်များ ကြားပွဲစားတွေက ခေါင်းပုံဖြတ်နေကြသလဲဆိုတာကို မျက်ဝါးထင်ထင် တွေ့မြင်လိုက်ရတယ်။

အတန်းပညာ ၇ တန်းအထိသာ နေခဲ့ဖူးတဲ့ မပြည့်ပြည့် (အမည်လွှဲ) ကို သေသေချာချာ မေးစမ်းလိုက်တော့မှ ယခုနှစ် မတ်လကုန်ပိုင်းမှာပဲ သူက တရုတ်ပြည်ကို လေယာဉ်ပျံနဲ့သွားရတော့မယ်ဆိုတာ၊ သူ့ကို ကျပ်သိန်း ၅၀ (တရုတ်ငွေ ယွမ် ၂၃၀၀၀ ကျော်) နဲ့ တရုတ်အမျိုးသား တဦးကို လက်ထပ်ဖို့ ဦးလေးလုပ်သူနဲ့ မိသားစုတွေက ချိတ်ဆက်ပေးတာဆိုတာ သိလိုက်ရတယ်။

မပြည့်ပြည့်ကိုယူမယ့် တရုတ်အမျိုးသားနဲ့ အဖော်တယောက်က မတ်လ ၁၀ ရက်နေ့ကတည်းက သန်လျင်မြို့နယ်ထဲက သူ့ဦးလေး အိမ်မှာ တည်းခိုနေပြီး မပြည့်ပြည့်ကလည်း အဲ့နေ့ထဲက အဲ့ဒီအိမ်မှာ သွားအိပ်နေရတော့မယ်။ သူ့ရဲ့ မှတ်ပုံတင်၊ သန်းခေါင်စာရင်းတွေကအစ မပြည့်ပြည့် ဦးလေး မိသားစုတွေက သိမ်းထားလိုက်ပါပြီ။ သူ့ဦးလေးရဲ့ ချွေးမဖြစ်သူက တရုတ်နိုင်ငံသူ အစစ်ဖြစ်ပြီး သူ့ချွေးမကနေတဆင့် မြန်မာအမျိုးသမီးတွေနဲ့ တရုတ်နိုင်ငံသားတွေကို ချိတ်ဆက်ခဲ့ကြတာဖြစ်တယ်။

မပြည့်ပြည့်နဲ့ အဆိုပါတရုတ်အမျိုးသား ရန်ကုန်မှာ သွားလာနေတဲ့အခါ အသုံးပြုနေတဲ့ စကားပြန်လုပ်ပေးသူက မပြည့်ပြည့် ကို ပြန်ပြောပြချက် အရ တရုတ်ငွေ ယွမ် ၁ သိန်း (ကျပ်သိန်း ၂၁၀ ကျော်)နဲ့ လက်ထပ်ဖို့ တရုတ်အမျိုးသား ဘက်က ပေးရတယ်လို့ မပြည့်ပြည့်က သူသိခဲ့ရတဲ့ အခြေအနေကို ပြန်ရှင်းပြပါတယ်။

ဆိပ်ကြီးခနောင်တိုမြို့နယ်ရှိ လူကုန်ကူးခံရသည့် အမျိုးသမီး၏ နေအိမ်တွင် လာရောက် တောင်းယူပြီး သံဃာတော်များကို ဆွမ်းကပ်သည့်နေက တွေ့ရသော တရုတ်နိုင်ငံသား ချိရှောင်ချန်း / ဧရာဝတီ
သူ့အတွက် နိုင်ငံကူးလက်မှတ်ကိုလည်း သူ့ဦးလေးမိသားစုတွေက အမြန်လိုက်လုပ်တာ ၂ ရက်အတွင်း ရလာတယ်၊ ဗီဇာကိုလည်း ဒီနေ့တင် မနက်ဖြန်ရ ဆိုတဲ့နည်းလမ်းနဲ့ လုပ်ပြီးသွားပြီ။ လေယာဉ်လက်မှတ်နဲ့တကွ ဒီနှစ် မတ်လကုန်ပိုင်းမှာပဲ တရုတ်ပြည်ကို ခေါ်သွားတော့မယ်၊ တရုတ်ပြည်ရောက်မှ သူ့ကို လက်ထပ်မယ်ကို သူသိထားသမျှ ဆက်ပြောတယ်။

သူက သန်လျင်မြို့နယ်က ဖုန်းကတ်ရောင်းတဲ့ဆိုင်မှာ စကားစပ်မိရင်းနဲ့ သူ့ကိုတရုတ်ကိုခေါ်သွားရင် ဟိုရောက်တဲ့အခါ ဘာဆက်ဖြစ်နိုင်မယ်ဆိုတာ မသေချာတဲ့အကြောင်း ဖုန်းကတ်ဆိုင်နားက ရပ်မိရပ်ဖလိုဖြစ်နေသူတဦးက ပြောပြရာကနေ သူဟာ တရုတ်ပြည်ကို ပါသွားတော့မှာကို ကြောက်စိတ်ဖြစ်ပေါ်လာစေတယ်လို့ သူက ပြောပါတယ်။

အစကတော့ ဟိုမှာ ကောင်းကောင်း မွန်မွန်နေရမယ်၊ သူ့ကိုတင်တောင်းတဲ့ငွေ ကျပ်သိန်း ၅၀ ကလည်း အိုးပိုင်အိမ်ပိုင် မရှိတဲ့ သူ့မိဘတွေ အတွက် အဆင်ပြေစေမယ်ဆိုတဲ့ မျှော်လင့်ချက်လေးနဲ့ လက်ခံလိုက်တာ၊ သူ့အိမ်မှာလည်း အဆင်မပြေမှုတွေနဲ့ ဦးလေးဖြစ်သူဆီက ငွေဆွဲယူထားတာ ၈ သိန်းဝန်းကျင်လောက်ဖြစ်နေတဲ့အပြင် သူ့ကိုသားမှတ်မှတ် မယားမှတ်မှတ် ပေါင်းမယ်ဆိုတဲ့ စကားတွေကို မျှော်တွေးပေမယ့် အခုမှသူဘာဆက်လုပ်လို့ လုပ်ရမယ်မှန်း မသိဘူးဖြစ်နေပါတယ်။

“ကျမသမီး တရုတ်ပြည်ကို မပါသွားရင်တော်ပြီ။ ဟိုက ယူထားတဲ့ ပိုက်ဆံကို ပြန်ပေးဖို့ကလည်း ကျမတို့မှာ ပေးစရာက မရှိနဲ့ ဘာလုပ်လို့ လုပ်ရမှန်း မသိဘူး။ ဘယ်သူပဲ ကူညီကူညီ ကျမတို့က ပူးပေါင်းမယ်” လို့ သူရဲ့မိခင်ဖြစ်သူက ပြောတာနဲ့ လိုက်ပါကူညီပေးနေတဲ့ သန်လျင်မြို့နယ်က ဒေသခံတွေကို ရန်ကုန်မြို့၊ လူကုန်ကူးမှုတိုက်ဖျက်ရေး ရဲတပ်ဖွဲ့က ရဲမှူးဖြစ်သူနဲ့ တိုက်ရိုက်ချိတ်ဆက် ဆောင်ရွက်လိုက်ကြပါတော့တယ်။

ရဲမှူးကလည်း တရုတ်နိုင်ငံသားနဲ့အတူ ရန်ကုန်လေဆိပ်ကို ဆင်းတဲ့အချိန် လူကုန်ကူးဖို့လာတဲ့ တရုတ်နိုင်ငံသားတွေနဲ့ လိုက်ပို့ပေးမယ့် ချိတ်ဆက်ပေးခဲ့သူတွေကို စောင့်ဖမ်းတဲ့ တပြိုင်ထဲမှာပဲ သန်လျင်မြို့နယ်မှာရှိတဲ့ သူ့ဦးလေးဖြစ်သူကို စောင့်ဖမ်းဖို့ ချက်ချင်း စီစဉ်လိုက်ကြတယ်။

မပြည့်ပြည့်ကတော့ ဟန်မပျက် အဲ့ဒီနေ့ည မိသားစုတွေကို ဖိတ်ထားတဲ့ ညစာစားပွဲကို သွား၊ တင်တောင်းမယ်ဆိုတဲ့ ငွေကြေးကို ရသမျှ တောင်းဖို့လုပ်နေ၊ မနက်ဖြန် သူ့ကိုတင်တောင်းမယ့် ကျပ်သိန်း ၅၀ ထဲက ကျပ် ၁၀ သိန်းဖိုး ရွှေဆင်ပေးမယ်ဆိုတာကိုလည်း ယူဖို့ ပြောထားတယ်။

ဒါပေမယ့် နောက်တနေ့ လေယာဉ်ကွင်းမဆင်းခင် မနက်ပိုင်း သာကေတမြို့နယ်က ရွှေဆိုင်မှာ ရွှေသွားဝယ်အပြီးမှာ ဝယ်ခဲ့တဲ့ ရွှေတွေကို ယူပြီးတော့ မပြည့်ပြည့်က ထွက်ပြေးသွားပါတော့တယ်။ သူ့ရဲ့ လက်ကိုင်ဖုန်းကိုလည်း နာရီအတန်ကြာ ပိတ်ထားပြီး အားလုံးနဲ့ အဆက်သွယ် ဖြတ်တောက်ထားလိုက်ပါတော့တယ်။

အဲ့ဒီလိုနဲ့ လူကုန်ကူးမှုတိုက်ဖျက်ရေး ရဲတပ်ဖွဲ့က စီစဉ်ထားတဲ့ အစီအစဉ်တွေဟာ ကစဥ့်ကလျားဖြစ်ကာ တရုတ်လူမျိုးတွေကလည်း သန်လျင်မြို့နယ်ကနေ ထွက်သွား၊ ချိတ်ဆက်ပေးတဲ့သူတွေကလည်း အိမ်ကိုသော့ခတ်ပြီးတော့ ရှောင်တိမ်းသွားပါတော့တယ်။

ချိတ်ဆက်ပေးတဲ့ မပြည့်ပြည့်ရဲ့ ဦးလေးမိသားစုတွေက ရက်အတန်ကြာတော့မှ ခရီးထွက်သွားတယ်ဆိုပြီး ဟန်မပျက် အိမ်ကို ပြန်လာမှ ပတ်ဝန်းကျင်မှာရှိတဲ့ သန်လျင်မြို့၊ ဒေသခံတွေက လူကုန်ကူးမှုတိုက်ဖျက်ရေး ရဲတပ်ဖွဲ့ထံ အလျင်အမြန်အကြောင်းကြားကာ လက်ရဖမ်းဆီးမိလိုက်ပါတယ်။ ဒါပေမယ့် တရုတ်နိုင်ငံသားတွေကိုတော့ ဖမ်းဆီးနိုင်ခဲ့ခြင်းမရှိခဲ့ဘူး။

လူကုန်ကူးမှု တားဆီးတိုက်ဖျက်ရေး ရဲတပ်ဖွဲ့ဝင်တွေထံက နောက်ပိုင်း သိရှိချက်အရ ဒီအမှုမှာ ပတ်သက်နေတဲံ တရုတ်နိုင်ငံသားဟာ နောက်တနေ့ လေယာဉ်နဲ့ ရန်ကုန်အပြည်ပြည်ဆိုင်ရာ လေဆိပ်ကနေ တရုတ်ပြည်ကို ထွက်ခွာသွားတယ်လို့ သိရပါတယ်။

မြန်မာနိုင်ငံတဝှမ်း ၂၀၁၈ ခုနှစ်က လူကုန်ကူးမှု ၂၀၆ မှုဖြစ်ခဲ့ပြီး ၂၀၁၇ ခုနှစ်က ၂၂၅ မှုဖြစ်ခဲ့ကြောင်း မြန်မာနိုင်ငံ လူကုန်ကူးမှု တိုက်ဖျက်ရေးအဖွဲ့ရဲ့ စာရင်းတွေအရ သိရပါတယ်။ လူကုန်ကူးမှု ဖြစ်တွေအများဆုံးကတော့ အဓ္ဓမလက်ထပ်ခြင်းဖြစ်ပြီး လူကုန်ကူးမှုအားလုံးရဲ့ ၇၅ ရာခိုင်နှုန်းကျော်အထိ ရှိနေပါတယ်။

မြန်မာနိုင်ငံအနေနဲ့ လူကုန်ကူးမှု ပြဿနာများရဲ့ အဓိကအကြောင်းအရင်းက ပြည်ပနိုင်ငံတွေကို ရွှေ့ပြောင်းသွားလာမှုအပေါ် အခြေခံတဲ့ လူကုန်ကူးမှုနဲ့ တရုတ်နိုင်ငံရဲ့ မိသားစုစီမံကိန်းပေါ်လစီ (One Child Policy) ရဲ့ သက်ရောက်မှုတွေကြောင့် ဖြစ်ပေါ်လာတဲ့ အဓမ္မ လက်ထပ်ခြင်းတို့ပဲ ဖြစ်တယ်လို့ ၂၀၁၈ ခုနှစ် လူကုန်ကူးမှုနှင့် ပက်သက်တဲ့ မြန်မာနိုင်ငံရဲတပ်ဖွဲ့ရဲ့ အစီရင်ခံစာ စာအုပ်မှာလဲ ဖော်ပြထားပါတယ်။

“အခုနောက်ပိုင်း တရုတ်တွေက မြန်မာနိုင်ငံထဲက အမျိုးသမီးတွေကို တရားဝင်လက်ထပ်ပြီးတော့မှ ခေါ်သွားတာမျိုးလည်း ရှိတယ်။ ဟိုရောက်မှ လက်ထပ်မယ်ဆိုပြီး လေယာဉ်နဲ့ရော ကားနဲ့နယ်စပ်လမ်းကရော မျိုးစုံ လူကုန်ကူးနေကြတယ်။ တချို့အမှုမှာဆိုရင် တရုတ်တွေကိုယ်တိုင် ဟိုဘက်ကပွဲစားကနေတဆင့် ရှာတာမဟုတ်ဘူး။ ရန်ကုန်အထိ ဆင်းလာပြီး ဒီရောက်မှ လူရှာတာ” ဟု ရဲမှူး ခင်မောင်ကြွယ်က ဆိုပါတယ်။

လူကုန်ကူးခံရသူတချို့မှာ လူကုန်ကူးမှုအကြောင်းတွေကိုမသိ

ပြီးခဲ့တဲ့ ဧပြီလဆန်းမှာ တရုတ်နိုင်ငံသားနဲ့တကွ ချိတ်ဆက်ပေးသူတွေကို ဖမ်းမိလိုက်နိုင်တဲ့ ဆိပ်ကြီးခနောင်တို မြို့နယ်က အသက် ၁၉ နှစ်အရွယ် မခင် (အမည်လွှဲ) ကို တရုတ်နိုင်ငံသားနဲ့ လက်ထပ်ဖို့ စီစဉ်တဲ့အမှုမှာဆိုရင် မခင်ရော၊ မခင်မိဘတွေကပါ လူကုန်ကူးတယ်ဆိုတာကို မသိကြပါဘူး။

ကျပ် ၄၅ သိန်းနဲ့ တင်တောင်းမယ်၊ အိမ်မှာလည်း ဘုန်းကြီးကို မင်္ဂလာဆွမ်း တရုတ်နိုင်ငံသားပါ လာပြီးတော့ ကပ်တယ် ဆိုတဲ့အတွက် သမားရိုးကျ မိန်းမတောင်းတယ်လို့ပဲ ယူဆခဲ့ကြောင်း မခင်ရဲ့ မိခင်ဖြစ်သူက ပြောပါတယ်။

ဖခင်ဖြစ်သူက ကနဦးကန့်ကွက်နေပေမယ့် သမီးဖြစ်သူက ဒီအစီအစဉ်ကို သဘောကျသဖြင့် နောက်ဆုံး လိုက်လျောကာ သူ့ကို လေယာဉ်ဖြင့် တရုတ်နိုင်ငံခေါ်သွားမည့်အရေးကို လိုက်လျောခဲ့ရကြောင်း၊ တရုတ်အမျိုးသားနဲ့ ချိတ်ဆက်ပေးသူ တွေက သူ့သမီးကို တရုတ်နိုင်ငံ၊ ဘယ်မြို့ကိုခေါ်သွားမယ်ဆိုတာ သူမသိဘူးလို့ ဆက်ပြောတယ်။

“ကျမတို့တော့ ဘယ်ခေါ်သွားမယ်ဆိုတာ မသိဘူးရှင့်။ ဒါမျိုးက လူကုန်ကူးတယ်ဆိုတာ အခုမှ ကြားဖူးတာ။ ကျမကလည်း ၁ တန်းအထိပဲ ကျောင်းနေဖူးတာ။ စာတောင်ဖတ်တတ်တာမဟုတ်ဘူး။ ကိုယ့်သမီးကို ကိုယ့်ဓလေ့အတိုင်း တောင်းရမ်းလက်ထပ်တယ်လို့ပဲ ယူဆနေတာ” လို့ သူက ဆိုတယ်။

မခင်တယောက်ကလည်း အလုံမြို့နယ်က အလုပ်ရုံတစ်ခုမှာ အလုပ်လုပ်နေရင်း ရင်းနှီးပြီးသားဖြစ်တဲ့ လှိုင်သာယာက အဒေါ်လိုဖြစ်နေသူက ချိတ်ဆက်တဲ့အပြင် အဲ့ဒီအဒေါ်ရဲ့ ညီမကိုယ်တိုင် တရုတ်နိုင်ငံသားနဲ့ လက်ထပ်ပြီး အဆင်ပြေနေတဲ့ အကြောင်းကို မိမိရှေ့မှာတင် ဗီဒီယိုဖြင့် စကားပြောခွင့်ရတဲ့အတွက် ယုံကြည်မိတယ်၊ တရုတ်နိုင်ငံသားနဲ့ တကယ် တွေ့ဆုံတဲ့ အခါ မိမိကိုယ်တိုင် အဲ့ဒီသူကို သဘောကျမိတဲ့အတွက် လက်ခံလိုက်တာဖြစ်တယ်လို့ မခင်က ပြောပါတယ်။

မခင် ကိုယ်တိုင်ကလည်း လူကုန်ကူးတယ်ဆိုတဲ့ စကားလုံးကိုတောင် တခါမှမသိ မကြားခဲ့သလို ဘယ်လိုအခြေအနေက လူကုန်ကူးတယ်၊ တရုတ်နိုင်ငံသားတွေနဲ့ လက်ထပ်တဲ့အခါ ရောင်းစားခံရတာမျိုးတွေ၊ ရိုက်နှက်နှိပ်စက်ခံရတယ် ဆိုတာမျိုးတွေ တခါမှ မသိခဲ့ဖူးလို့ သူက ဆိုပါတယ်။

“ကျမကို ကျပ် ၄၅ သိန်း(တရုတ်ငွေ ယွမ် ၂၁၀၀၀ ကျော်) တင်တောင်းမယ်၊ တလကို ကျပ် ၅ သိန်းလည်း ထောက်ပံ့ပေးမယ်ဆိုတဲ့အပြင် ကောင်းကောင်း မွန်မွန်ထားမယ်၊ တနှစ်ပြည့်ရင်လည်း ဒီကို ပြန်လာရမယ်ဆိုတော့ ဝမ်းသာတာပေါ့။ နောက်ပြီး ချိတ်ပေးတဲ့သူရဲ့ ညီမ ကိုယ်တိုင်က အဆင်ပြေနေတာကို ကိုယ်က ကြားရတဲ့အပြင် သူ့ကိုမြင်လိုက်တဲ့အခါ ကိုယ်ကလည်း သဘောကျတော့ လက်ခံလိုက်တာ” လို့ မခင်က ဆိုပါတယ်။

အခုလို ဖြစ်ပျက်လာခဲ့တဲ့အတွက် လူကုန်ကူးမှုဆိုသည်က ဘယ်လိုပုံစံတွေလဲ၊ တရုတ်ပြည်ရောက်သွားရင် ဘာတွေ ဖြစ်ပျက်လာနိုင်မလဲကို လူကုန်ကူးရဲတပ်ဖွဲ့ဝင်တွေရဲ့ ပြောဆိုမှုကြောင့် သိခဲ့ရပေမယ့် တကယ်လို့များ တရုတ်ပြည်ကို ရောက်သွားခဲ့မယ်ဆိုရင် ဆိုတဲ့ ကြောက်စိတ်မျိုးတော့ မဖြစ်မိဘူးလို့တောင် မခင်က ပြောပါသေးတယ်။

ကြောက်စိတ်မဖြစ်ဘူးဆိုရင် တရုတ်အမျိုးသားနဲ့ လက်ထပ်ဖို့ နောက်ထပ် ကမ်းလှမ်းမှုမျိုးရှိလာရင် လက်ခံမလားလို့ မေးလိုက်တဲ့ အခါမှာတော့ အဖြေမပေးပေမယ့် ရယ်လျှက်သာ နေသည်။

မခင်ရဲ့ အမှုမှာတော့ ချိတ်ဆက်ပေးတဲ့ ပွဲစား၊ စကားပြန်နဲ့ အတူ မခင်ကို လာရောက် တောင်းရမ်း လက်ထပ်မယ်ဆိုတဲ့ တရုတ်နိုင်ငံသားကိုပါ လူကုန်ကူး ရဲတပ်ဖွဲ့က ဖမ်းဆီးနိုင်ခဲ့ပါတယ်။
လူကုန်ကူးသူများက ပညာရေးနိမ့်ပါးတဲ့၊ ငွေကြေးလိုအပ်ချက်ရှိတဲ့၊ ဆင်းရဲနွမ်းပါးတဲ့ မိသားစုတွေကို အဓိက ပစ်မှတ်ထားပြီး လူကို ရောင်းကုန်တစ်ခုလို အသုံးချကာ ငွေကြေးခေါင်းပုံဖြတ်ကြလေ့ရှိတယ်လို့ လူကုန်တားရဲတပ်ဖွဲ့မှ ရဲမှူး ခင်မောင်ကြွယ်က ရှင်းပြပါတယ်။

မြန်မာနိုင်ငံရဲ့ လူကုန်ကူးမှု အမှုဖြစ်စဉ်တွေမှာ ရန်ကုန်မြို့က ၂ နှစ်ဆက်တိုက် ထိပ်ပိုင်းကိုရောက်နေပြီးတော့ အဲ့ဒီထဲမှာမှ လူကုန်ကူးမှုကို အရင်က မဖြစ်ခဲ့ဖူးတဲ့ ရန်ကုန်၊ တောင်ပိုင်းခရိုင်ဟာ အခုဆိုရင် ၂၀၁၈ ခုနှစ်ကစပြီး လူကုန်ကူးမှုတွေ ဖြစ်ပျက်လာနေပါတယ်။

မြန်မာတနိုင်ငံလုံးထဲမှာ ရန်ကုန်တိုင်းဟာ လူကုန်ကူးမှုဖြစ်စဉ်ကို ယခုနောက်ပိုင်းနှစ်တွေမှာ အမြဲတမ်းထိပ်ဆုံးက ရှိနေပြီး အများစုကလည်း တရုတ်နိုင်ငံကို လူကုန်ကူးကြတဲ့ ဖြစ်စဉ် အများဆုံးလို့ သူက ဆက်ပြောတယ်။

ရန်ကုန်တိုင်းက ၂၀၁၇ ခုနှစ်တွင် လူကုန်ကူးမှု ၆၀ အမှုအရေအတွက် ရှိခဲ့ပြီး ၂၀၁၈ ခုနှစ်တွင်လည်း ၅၅ အရေအတွက် ရှိခဲ့သည်။

“ကျနော်တို့ ရန်ကုန်ကတော့ နှစ်တိုင်းထိပ်ဆုံးက ဦးဆောင်နေပြီ။ ဖြစ်တာအများဆုံးက လှိုင်သာယာ၊ ရွှေပြည်သာ၊ မြောက်ဥက္ကလာလို နေရာတွေ အဖြစ်များတယ်။ ဒါပေမယ့် ဒီနှစ်ထဲမှာဆို တောင်ပိုင်းခရိုင်က အမှုဖြစ်စဉ်တွေ နည်းနည်း ပိုစိတ်လာတယ်” ဟု သူက ဆိုသည်။

အပြည်ပြည်ဆိုင်ရာ အလုပ်သမားအဖွဲ့ချုပ် (ILO) ကလည်း ကမ္ဘာပေါ်တွင် လူသားသန်း ၂၀ ကျော်က နှစ်စဉ် အဓမ္မစေခိုင်းခံနေရကြောင်း ထုတ်ပြန်ထားသည်။ ဒါ့အပြင် နှစ်စဉ် အမေရိကန်ဒေါ်လာ ဘီလီယံ ၁၅၀ ခန့်က ဒီလူကုန်ကူးမှုကနေ အမြတ်အစွန်းရနေပြီး လူကုန်ကူး ခံရသူ အများစုက အမျိုးသမီးတွေဖြစ်ကြတယ်၊ လူကုန်ကူးမှုရဲ့ ၄၉ ရာခိုင်နှုန်းအထိ ဖြစ်တယ်လို့ ကမ္ဘာ့ကုလသမဂ္ဂ မူးယစ်ဆေးဝါးနဲ့ ပြစ်မှုဆိုင်ရာရုံး ( UNODC ) က ထုတ်ပြန်ထားပါတယ်။

ယခုကဲ့သို့ ရန်ကုန်တောင်ပိုင်းခရိုင်က အမှုဖြစ်စဉ်တွေ တိုးတက်လာရခြင်းကလည်း အရင်က အဖြစ်များတဲ့နေရာတွေကို မိမိတို့က ဖိဖိစီးစီး တားဆီးကာကွယ်လာတဲ့အခါမှာ စားကျက်နယ်မြေ ရွေ့လျားလာတဲ့ သဘောမျိုးဖြစ်တယ်၊ မွန်ပြည်နယ် မော်လမြိုင်မြို့ ပတ်ဝန်းကျင်မှာ ဆိုရင်လည်း ယခင်က ထိုင်းနိုင်ငံကို လူကုန်ကူးနေရာကနေ ယခုနောက်ပိုင်း တရုတ်အမျိုးသားတွေနဲ့ လက်ထပ်တဲ့ လူကုန်ကူးဖြစ်စဉ်တွေ ဖြစ်ပျက်လာခဲ့ကြတာဖြစ်တယ်လို့ မြန်မာနိုင်ငံ ရဲတပ်ဖွဲ့၊ လူကုန်ကူးမှု တားဆီးကာကွယ်ရေးအဖွဲ့က ဒုရဲမှူးကြီး သက်နောင်က ရှင်းပြပါတယ်။

ဒါ့အပြင် ယခင်အချိန်များက လူကုန်ကူးတယ်ဆိုတာ ပြည့်တန်ဆာလုပ်ငန်း လုပ်ကိုင်နေကြသူတွေ၊ အိမ်ထောင်ကွဲခဲ့ကြတဲ့ အမျိုးသမီးတွေကို အဓိက ပြစ်မှတ်ထား ကုန်ကူးခဲ့ကြပေမယ့် အခုနောက်ပိုင်းမှာ အပျိုဝင်စ အရွယ်များကိုပါ ဘဝနေရေး ခက်ခဲမှုအပေါ် အခွင့်အရေးယူပြီးတော့ တရုတ်အမျိုးသားတွေနဲ့ လက်ထပ်တဲ့ ဖြစ်ပျက်မှုတွေ ဖြစ်လာတာလို့ သူက ပြောပါတယ်။

“အရင်က သာမန်အပျို မိန်းကလေးတွေကို တရုတ်မှာ ဘာလုပ်ရမယ်ဆိုပြီး လိမ်ခေါ်ပြီးမှ တရုတ်တွေနဲ့ ယူခိုင်းတာ။ အခုနောက်ပိုင်းကြတော့ တရုတ်နဲ့ လက်ထပ်ရမယ်ဆိုပြီး တိုက်ရိုက်ကိုခေါ်လာတယ်။ ဒါကလည်း တဖက်မှာ မိသားစု စားဝတ်နေရေး၊ အဆင်ပြေရေးကို ကြည့်ပြီးတော့ ရင်းစရာရှိ ကိုယ်သာရင်းလိုက်တော့မယ်ဆိုတဲ့ အတွေးတွေနဲ့ လုပ်လာကြတဲ့ သဘောမျိုးပေါ့” လို့ သူကဆိုပါတယ်။

လူကုန်ကူးမှု တားဆီးရေးမှာ ဘာတွေ အခက်အခဲရှိကြလဲ

အထူးသဖြင့် တရုတ်နိုင်ငံကို ရောက်ရှိသွားပြီးမှ လူကုန်ကူးဖြစ်စဉ် သတင်းရရှိတဲ့အခါ ဘယ်နေရာကို ရောက်ရှိနေလဲဆိုတဲ့ အချက်အလက်ကို မရနိုင်တော့တဲ့အတွက် ပြန်လည်ကယ်ဆယ်ရေးက အရမ်းကို အခက်အခဲရှိတယ်လို့ ရဲမှူး ခင်မောင်ကြွယ်က ပြောပါတယ်။

ဒါ့အပြင် တချို့သော လူကုန်ကူးခံရသူများကလည်း လူကုန်တားရဲတပ်ဖွဲ့ရဲ့ အမှုမဖွင့်ခင် ကနဦးတိုင်ချက်အတွက် စစ်ဆေးတဲ့အခါ ဖြစ်စဉ်အမှန်များကို ပြောပြတတ်ကြပေမယ့် တကယ်တမ်း လူကုန်တားရဲတပ်ဖွဲ့က တရားလိုလုပ်တဲ့ တရားရုံးမှာ စစ်ဆေးတဲ့အခါ ယခင်ပြောဆိုချက်တွေနဲ့ ကွဲလွဲထွက်ဆိုတတ်ကြတဲ့အတွက် လူကုန်ကူးကြတဲ့သူတွေကို တရားစွဲဆိုရေးမှာ အခက်တွေ့ကြရတယ်လို့ သူက ဆက်ပြောပါတယ်။

“အဓိကကတော့ လူကုန်ကူးခံရသူက ငွေကြေးရလိုမှုတွေနဲ့ ဖြစ်ခဲ့ကြတော့ တရားစွဲခံရသူတွေရဲ့ ငွေကြေးညှိနှိုင်းမှုတွေနဲ့ မူလ ကျနော်တို့ဆီမှာ ပြောဆိုခဲ့တာတွေနဲ့ ကွဲလွဲထွက်ဆိုတတ်ကြတယ်။ အဲ့ဒီအတွက် အခုနောက်ပိုင်းမှာ ကျနော်တို့က လူကုန်ကူးခံရတဲ့သူတွေကို အမှုဖွင့်လိုက်ပြီဆိုတာနဲ့ ကနဦး တရားရုံး ထွက်ဆိုချက်မျိုးကို အတည်ဖြစ်အောင် လုပ်ကြရတယ်။ အဲ့ဒီလိုမှ သူက တကယ်အမှုရင်ဆိုင်ရတဲ့ တရားရုံးမှာ အဓိကသက်သေအဖြစ် ထွက်ဆိုတဲ့အခါ တလွဲထွက်လို့ မရတော့အောင် လုပ်ထားရတာ” လို့ သူက ဆိုပါတယ်။

အဲ့ဒီအပြင် လူကုန်တားရဲတပ်ဖွဲ့က နယ်မြေအလိုက် ဖွဲ့စည်းထားတဲ့ ရဲတပ်ဖွဲ့မဟုတ်သလို ဖွဲ့စည်းပုံအရ အင်အားများစွာလည်း မရှိတဲ့အတွက် နယ်မြေရဲတပ်ဖွဲ့ရဲ့ ပူးပေါင်းဆောင်ရွက်မှုက အဓိက အရေးကြီးတယ်လို့ ရန်ကုန်တိုင်းအတွင်းရှိ လူကုန်တားတပ်ဖွဲ့မှ နယ်မြေခံ ရဲအရာရှိတစ်ဦးက ပြောပါတယ်။

သန်လျင်မြို့နယ်က လူကုန်ကူးမှုဖြစ်စဉ်မှာ လူကုန်ကူးသူတို့ ရှောင်တိမ်းအပြီး ၎င်းတို့နေအိမ်ကို ပြန်ရောက်သည့်ချက်ချင်း ဖမ်းဆီးရမိနိုင်ရေး အတွက် လူကုန်တားရဲတပ်ဖွဲ့မှ နယ်မြေခံရဲစခန်းကို အကူညီတောင်းခံတဲ့အခါ ရဲတပ်ဖွဲ့ဝင် ၂ ဦးကိုသာ အကူညီပေးပြီး ဖမ်းဆီးရေးမှာ လက်နက်လည်း မပါတဲ့အတွက် တကယ်များ ဖမ်းဆီးခံရမယ့်သူများက ခုခံကာကွယ်ရင် ဘယ်လိုဆောင်ရွက်ရမလဲဆိုတာကို အဓိက စဉ်းစားခဲ့ရတယ်လို့ အဆိုပါ ဖမ်းဆီးရေးမှာ ပူးပေါင်းပါဝင်ခဲ့တဲ့ သန်လျင်မြို့နယ်က အရပ်ဖက်အဖွဲ့အစည်းက ဒေသခံတစ်ဦး ပြောပြတယ်။

ဆိပ်ကြီးခနောင်တိုမြို့နယ်ရှိ လူကုန်ကူးခံရသည့် အမျိုးသမီး၏ နေအိမ် / ဧရာဝတီ
“ကျနော်တို့ ပြည်သူတွေဆိုတာ တကယ်တမ်း ဖမ်းဆိုရင် ဖမ်းလို့ရတဲ့သူတွေမဟုတ်ဘူး။ ရဲတပ်ဖွဲကပဲ ဖမ်းရမှာ။ လူကုန်တားက ရဲ ၂ ဦး ချက်ချင်း ရောက်လာတယ်။ ဒါပေမယ့် စခန်းက တခြားအမှုတွေ များနေလို့ လူမရှိဘူးဆိုပြီး သူ့စခန်းက ၂ ဦးပဲ ထည့်ပေးတယ်။ ဒီ ၄ ဦးနဲ့ လက်နက်လဲမပါပဲ ဘယ်လိုဝင်ဖမ်းမလဲ။ အမျိုးသမီးတွေပါ ဖမ်းရမယ်ဆိုတာမှာတောင် အမျိုးသမီးရဲမေ မပါဘူး။ ကျနော် တော်တော် အားမရဖြစ်ခဲ့ရတယ်။ ကျနော်တို့ ချက်ချင်းအကြောင်းကြား၊ လူကုန်တားက ချက်ချင်းလာတယ်။ နယ်မြေရဲကိုက ဒါမျိုးဆို သိပ်အရေးမစိုက်သလို ဖြစ်နေတာ” လို့ သူက ဆိုပါတယ်။

ယခုလို ဖြစ်ပျက်မှုမျိုးက ရဲတပ်ဖွဲ့ဝင်တွေကြားမှာ ပုဂ္ဂိုလ်ရေး ခံစားချက်မျိုးကြောင့်သာဖြစ်ပြီး ရာခိုင်နှုန်းအားဖြင့် အလွန်နည်းပါးတဲ့ အဖြစ်အပျက်မျိုးသာဖြစ်ကြောင်း၊ မိမိတို့ရဲတပ်ဖွဲ့တွင် ဘယ်လိုပူးပေါင်းဆောင်ရွက်ရမယ်ဆိုတာ လုပ်ထုံးလုပ်နည်းနဲ့ လမ်းညွှန်ချက်တွေ ရှိပြီးသားဖြစ်တယ်လို့ မြန်မာနိုင်ငံ လူကုန်ကူးမှု တားဆီးကာကွယ်ရေး ရဲတပ်ဖွဲ့မှ ဒုရဲမှူးကြီး သက်နောင်က ပြောပါတယ်။

ယနေ့ လူကုန်ကူးမှုနဲ့ ဖြစ်ပျက်နေတဲ့ အခြေအနေတွေ အားလုံးဟာ တိုင်းပြည်ရဲ့ ဆင်းရဲမွဲတေမှုတွေသာ လျော့ပါးလာနိုင်မယ်ဆိုရင် တားဆီးကာကွယ်ရေးမှာ ပိုမိုထိရောက်စေမယ်လို့ သူက သုံးသပ်ပါတယ်။ ပြည်သူတွေကို ပညာရည်နိမ့်ပါးတယ်ဆိုပြီး ပညာရေးတဖက်ထဲကို ဇောက်ချလုပ်ကိုင်နေရုံနဲ့ လျော့ပါးမှာမဟုတ်သလို တိုင်းပြည်ရဲ့ ကဏ္ဍအားလုံးကို တိုးတက်လာမှ နှိမ်နင်းနိုင်မှာဖြစ်တယ်လို့ ဆိုပါတယ်။

“ကိုယ့် ဝင်ငွေနဲ့ ထွက်ငွေ မျှတနေမယ်၊ တည်ငြိမ်နေမယ်ဆိုရင် ဘယ်သူကမှ ကိုယ့်မွေးရပ်ဇာတိကို စွန့်ခွာပြီး တိုင်းတပါးကို သွားကြမှာမဟုတ်ဘူး” လို့ သူက ဆိုပါတယ်။

တရုတ်အမျိုးသားတွေနဲ့ လက်ထပ်ဖို့ စဉ်းစားကြတဲ့ မြန်မာမိန်းကလေးတွေအနေနဲ့ အထူးသတိထားရမှာက တရုတ်နိုင်ငံကို ရောက်သွားမယ် ဆိုရင် ဘာဆက်ဖြစ်နိုင်မယ်၊ ဘာသာစကား ကျွမ်းကျင်မှုမရှိတဲ့နယ်ပယ်မှာ ဘယ်လိုလုပ်ရမယ်ဆိုတာတွေကို သေသေချာချာ စဉ်းစားသင့်တယ်လို့ ရဲမှူးခင်မောင်ကြွယ်က အကြံပြုပါတယ်။

“အခု တရုတ်တွေနဲ့ လက်ထပ်တဲ့ဖြစ်စဉ်တွေကို ကြည့်လိုက်မယ်ဆိုရင် ကျနော်တို့ ကားဝယ်စီးသလိုပဲဗျာ။ ကိုယ်ဝယ်စီးတဲ့ကား ဈေးကောင်းရကြည့်။ ပြန်ရောင်းကြမှာပဲ။ ၆ လ၊ ၁ နှစ် စီးပြီးလည်း ပြန်ရောင်းတာပဲ။ ကိုယ်စီးရတာ အမြတ်ပဲမဟုတ်လား” လို့ သူက ဆိုပါတယ်။

Did you find apk for android? You can find new Free Android Games and apps.
Topics: တရုတ်, မြန်မာအမျိုးသမီး, လူကုန်ကူးမှု

Loading...

Facebook Comments