မန္တလေးမြို့တည်ခိုခန်းတစ်ခုတွင် မှတ်ပုံတင်မပေးပဲတည်းခိုသည့် အမျိုးသမီး သေဆုံးနေ

မန္တလေးမြို့ ချမ်းမြသာစည်မြို့ နယ်၊ မြို့ သစ်(၁)ရပ်ကွက် ၆၆×၆၇လမ်း၊ ငုရွှေဝါနှင့်စိန်ခြယ်လမ်းကြား အေးသုခလမ်းသွယ်ရှိ တည်းခိုးခန်းတွင် မှတ်ပုံတင်ပေးထားခြင်းမရှိပဲလာရောက်တည်းခိုးသည့် အမျိုးသမီးတစ်ဦးကို ယနေ့ နေ့လယ်ပိုင်းက သေဆုံးနေလျှက်တွေ့ရှိခဲ့ကြောင်း နယ်မြေရဲစခန်းမှသိရသည်။

ယမန်နေ့ ဧပြီ(၂)ရက် ည(၁၁)နာရီအချိန်က ၎င်းအမျိုးသမီးသည် အမည်မသိအမျိုးသားတစ်ဦးနှင့်အတူ အခန်းအမှတ် C-001တွင်လာရောက်တည်းခိုခဲ့ကြပြီး အတူတည်းခိုသူအမျိုးသားမှာ ဧပြီ(၃)ရက် နေ့လယ် ၁နာရီခွဲအချိ န်က ပြန်လည်ထွက်ခွာခဲ့ပြီးနောက် မန်နေဂျာဖြစ်သူက အခန်းအားကြည့်ရှု့စစ်ဆေးခဲ့ရာ အမျိုးသမီး သေဆုံးနေသည်ကိုတွေ့ရှိခဲ့သည့်အတွက် နယ်မြေရဲစခန်းကို အကြောင်းကြားခဲ့ခြင်းဖြစ်သည်။

ထို့သို့အကြောင်းခဲ့သည့်အပေါ် အမှတ်(၃)မှုခင်းတပ်ဖွဲ့ခွဲမှူး ဒုရဲမှူးစိုးနိုင်နှင့်တပ်ဖွဲ့ဝင်များ၊ အမှတ်(၁၁)နယ်မြေရဲစခန်းမှ ဒုရဲမှူးဇော်နိုင်နှင့်တပ်ဖွဲ့ဝင်များ၊ ချမ်းမြသာစည်မြို့ နယ်ရဲမှူးဇော်ဝင်းနိုင်၊ မှုခင်းအကူဌာနစုမှ ရဲအုပ်အောင်နိုင်ဦးနှင့်တပ်ဖွဲ့ဝင်များသည် အသိသက်သေများနှင့်အတူ သွားရောက်စစ်ဆေးခဲ့ရာ ၎င်းအခန်းအတွင်းရှိ ကုတင်ပေါ်တွင် ပက်လက်အနေအထားဖြင့် စောင်ခြုံပြီးမျက်နှာတွင် တဘက်အဖြူ ရောင်အုပ်လျှက်ပြင်ပဒဏ်ရာမတွေ့ရှိရဘဲ သေဆုံးနေသည်ကိုတွေ့ရှိခဲ့ရသည်ဟု မှုခင်းမှတ်တမ်းတွင် ဖော်ပြထားသည်။

” ကျွန်တော်တို့သေဆုံးမှုနဲ့ပတ်သက်ပြီး မည်သူမည်ဝါဖြစ်ကြောင်းသိရှိနိုင်ရေးအတွက် ဌာနဆိုင်ရာတွေ ချိတ်ဆက်ပြီးလုပ်ဆောင်နေပါတယ်။ ပြစ်မှုကျူးလွန်သူကိုလည်း အမြန်ဆုံးဖမ်းမိရရှိရေး လုပ်ဆောင်နေပါတယ်” ဟု ရဲအရာရှိကတစ်ဦးက ပြောသည်။

ယင်းတည်းခိုခန်းတွင် အမည်မသိအမျိုးသမီးသေဆုံး မှုနှင့်ပတ်သက်၍ ပြစ်မှုကျူးလွန်ပြီး ထွက်ပြေးတိမ်းရှောင်နေသူ အမျိုးသားအား စုံစမ်းဖော်ထုတ်အရေးယူနိုင်ရန် အမှတ်(၁၁)နယ်မြေရဲစခန်းတွင် (ပ)၂၁၃/၂၀၁၉၊ရာဇသတ်ကြီး ဥပဒေပုဒ်မ-၃၀၂ဖြင့်အမှုဖွင့်ထားသည်။

Credit: မင်းသန့် MUNA

Loading...

Facebook Comments