အမျိုးသားသုံး သန္ဓေတားဆေးကို ပထမဆုံးအကြိမ် စမ်းသပ်အောင်မြင်

11-beta-MNTDC အမည်ရ အမျိုးသားသုံး သန္ဓေတားဆေးကို သိပ္ပံပညာရှင်များက စမ်းသပ်နေကြပါတယ်။ သူဟာ ထိရောက်မှု ရှိသလား ၊ ဘေးထွက် ဆိုးကျိုး ရှိသလား ဆိုတာကို အမေရိကန်မှ သိပ္ပံပညာရှင်များက လေ့လာစမ်းစစ် နေပါတယ်။ အခုတော့ အမျိုးသား ၄၀ ဦးနဲ့ စမ်းသပ်ခဲ့လိုက်ရာမှာ ရလဒ်များက ကောင်းမွန်ခဲ့ပါတယ်။ သူဟာ ဘေးထွက် ဆိုးကျိုး သိပ်မရှိဘဲ သုတ်ပိုးများကို လျော့နည်းသွားစေတယ်လို့ ပညာရှင်များက ပြောပါတယ်။

အမျိုးသား ၄၀ ထဲက ၃၀ ကို ၂၈ ရက်ကြာ ဆေးတိုက်ခဲ့ကြပါတယ်။ ကျန်တဲ့ ၁၀ ယောက်ကို ဆေးမတိုက်ဘဲ စမ်းသပ်ခဲ့ ကြတာ ဖြစ်ပါတယ်။ ဆေးသောက်သူများဟာ LH နဲ့ FSH ဟော်မုန်းများ နည်းပါးသွားတာကို မြင်ရပါတယ်။ အဲဒီ ဟော်မုန်းများဟာ သုတ် ထုတ်လုပ်မှုအတွက် အဓိက လိုအပ်တဲ့ ဟော်မုန်းများ ဖြစ်ပါတယ်။ ဘေးထွက် ဆိုးကျိုးကလည်း နည်းပါးပြီး လူအနည်းငယ်ကသာ မောပန်းခြင်း၊ ခေါင်းမူးခြင်း၊ ယားယံခြင်းများ ဖြစ်တယ်လို့ သိရပါတယ်။

ဒါဟာ စမ်းသပ်မှု အဆင့် ၁ ဖြစ်ပြီး အဆင့် ၂ ကို ပညာရှင်များက ဆက်လက် စမ်းသပ်ကြမှာ ဖြစ်ပါတယ်။ လက်ရှိမှာ ဒီဆေးဟာ သန္ဓေတားဖို့အတွက် ရာနှုန်းပြည့် စိတ်မချရသေးပါဘူး။ အဲဒီအတွက် ဆက်လက် ဖန်တီးကြရဦးမှာ ဖြစ်ပါတယ်။

Los Angeles Biomedical Research Institute (LA BioMed) မှ အမျိုးသား မျိုးပွားမှု ဇီဝပညာရှင် Christina Wang က “ ဒီဆေးက လိင်စိတ်ဆန္ဒ မကျဆင်းစေဘဲ သုတ်ပိုးထုတ်လုပ်မှုကို လျှော့ချပေးပါတယ်။ ဒီလို ပြုလုပ်ဖို့ အတွက် ဟော်မုန်း ၂ ခုကို ၁ ခုအဖြစ် ပေါင်းလိုက်တာ ဖြစ်ပါတယ်။ “ လို့ ရှင်းပြပါတယ်။ စွမ်းရည်ပြည့်တဲ့ အမျိုးသား သန္ဓေတားဆေးကို နောက် ၁၀ နှစ်လောက်မှ ဈေးကွက်ထဲရောက်နိုင်မယ်လို့ ပညာရှင်များက ပြောပါတယ်။

Credit:myanmarmobileapp.org

Loading...

Facebook Comments