ဖွေးဖွေးကန်တော့တာ လက်မခံတဲ့ မို့မို့မြင့်အောင်

ဆယ်စုနှစ်များစွာရပ်တည်နိုင်ပြီးအောင်မြင်မှုတွေထိန်းထားနိုင်တဲ့ စွယ်စုံရသရုပ်ဆောင်မင်းသမီး အကယ်ဒမီများရှင် မို့မို့မြင့်အောင် က ဖွေးဖွေးနဲ့အမှတ်တရလေးတွေပြောပြပေးထားတဲ့ရှိပါတယ်။ သူပြောပြသွားတဲ့အမှတ်တရတွေက ဘာတွေဖြစ်မလဲဆိုတာကိုပြောချင်လွန်းလို့ မိတ်ဆွေတွေသိအောင်ပြောပြပေးလိုက်ပါတယ်နော်။

ဖွေးဖွေးနဲ့ရိုက်ကွင်းပေါ်မှာ ပြန်ဆုံဖြစ်တဲ့အကြောင်းကို “ရှုတင်ပထမဆုံးနေ့ကဖွေးဖွေးကလေ မေမို့ကြီး သမီးရင်တွေခုန်နေတယ်။ ဘာလို့ခုန်တာလဲ ငါ့သမီးရယ် ဆိုတော့ မေမို့ကြီးနဲ့သမီးနဲ့ဆယ်နှစ်ရှိပြီတဲ့မဆုံရတာ ကိုယ်တောင်သတိမထားမိဘူးပေါ့နော် အဲ့တော့ ငါ့သမီးဟုတ်လားဆယ်နှစ်ဆိုတော့ ဟုတ်တယ် ဆယ်နှစ်လောက်ရှိမှပြန်ဆုံတာဆိုတော့ ရင်တွေခုန်နေတယ်လို့ပြောတယ်။ ဖွေးဖွေးက သူကလေ ဆပွားနိုင်တဲ့ကလေးပေါ့နော် ပညာကိုသူကပွားယူနိုင်တယ်။ သူကိုသင်တာက On Scenes မှာသင်တာပါ အခြေခံကနေစသင်ပေးတာမဟုတ်ပါဘူး ။On Scenes မှာကိုမျိုးမင်းက မမို့ရေ ဒါလေးလုပ်ပေးပါဆိုတော့ သူ့ကို မျက်ရည်အစစ်နဲ့ ငိုနိုင်အောင် မမို့သင်ပေးလိုက်တာပေါ့နော် ။

နောက်ထပ် မျက်လုံးအကြည့်တွေပေါ့ ။အဲ့ဒါလောက်ပဲသင်ပေးလိုက်တာ ။သူကသူ့ဟာသူပွားယူနိုင်တာ ။ သူကိုယ့်ကိုလာ ကန်တော့တယ် ကားပြီးတော့ မမို့ကသူကိုတစ်ခွန်းပဲပြောလိုက်တယ်။ သမီးမကန်တော့နဲ့ကန်တော့တာ မေမို့မလိုချင်ဘူး ။ဘာဖြစ်လို့လဲဆိုတော့ ကန်တော့လိုက်ရင် ဒီမှာတင်စိတ်တစ်လုံးပြီးသွားမယ်။ မေမို့ကိုအကြွေးတစ်ခုပဲထားပေးပါ မေမို့ပေးလိုက်တဲ့ပညာတွေပွားယူပါ ။ အဲ့ဒီကတိပဲအဲ့တုန်းကသူ့ကိုတောင်းလိုက်တယ်.။ သူမှတ်မိမမှတ်မိတော့မသိဘူး ကိုယ်ကတော့ သေချာမှတ်မိတယ်။ ဘာဖြစ်လို့လဲဆိုတော့ သူဟာတစ်ချိန်ကျရင်တော်မယ့်ကလေးဆိုတာကိုယ်ကတွက်လိုက်မိသွားတာ ။ သူကခဏလေးသင်ပေးတာနဲ့သူကတက်လွယ်တယ်။ အဲ့ဒီတော့သူပွားယူလို့ရနိုင်တယ်။ အဲ့ဒီတော့ မေမို့သင်ပေးထားတဲ့ပညာတွေ ပွားယူပေးပါ့မယ်ဆိုတဲ့ကတိပဲပေးပါဆိုတော့ မှတ်မှတ်ရရရွှေပိတောက်ဆေးရုံမှာ မမို့ သူ့ကိုအဲ့ကတိတောင်းလိုက်တာ ။”ဆိုပြီးပြောပြသွားပါတယ်။

နောက်ပြီး တစ်ခေတ်တစ်ယောက်ထွန်းပေါက်လေ့ရှိတဲ့ရုပ်ရှင်လောကအစဉ်လာအရ ဖွေးဖွေး ဟာ တစ်ခေတ်လုံးရဲ့ တစ်ယောက်ဖြစ်နိုင်လားဆိုတဲ့အမြင်ကိုလည်း သူက “ဖြစ်လာမှာပါ ဖွေးဖွေးလေးလည်းဖြစ်လာမှာပါ ။ တော်တယ်။ သူကလေ Acting ကို ကြိုးစားတယ်။ အခုထိလည်းကိုယ်နဲ့အတူတူရိုက်နေရင်လာမေးတုန်းပဲ ။

ဒါပေမယ့် သူ့ကိုကိုယ်သင်ပေးလိုက်တဲ့တစ်ခုမှာပြန်ပြီးတော့ စိတ်တစ်ခုကို နှုတ်လိုက်တဲ့ဟာသင်ပေးဖို့ မသင်လိုက်တဲ့အခါကျတော့ သူပြန်မနှုတ်တတ်တော့ သူမောဟိုက်တာပေါ့နော်။ အဲ့ဒီခါကျတော့ သမီးရေအဲ့တာကိုပြန်နှုတ်ရမယ်လေ ။ မနှုတ်ရင်သမီး မောနေမှာလို့ပြောတော့ အဲ့တာကြောင့်သမီးရင်တုန်ပန်းတုန်တွေဖြစ်တာကိုး အဲ့ဒီတော့မှအဖြေသိရတာပေါ့နော် ။အဲ့ဒီတော့သူ့ကိုဆွဲနှုတ်တဲ့အတတ်ပညာကိုပြန်သင်ပေးရတယ်။”ဆိုပြီးပြောပြသွားခဲ့ပါတယ်။

Credit:Nanmalgyi

Loading...

Facebook Comments