တရားဝင်ဖျက်သိမ်းထားသည့် ငွေစက္ကူမှလွဲ၍ ကျန်ငွေအားလုံး သုံးစွဲခွင့်ရှိ၊ လက်မခံပါက တရားစွဲနိုင်

ဗဟိုဘဏ်မှ တရားဝင်သုံးစွဲခွင့် ဖျက်သိမ်းကြောင်း ကြေညာထားသည့် ၇၅ ကျပ်တန် ၊ ၂၅ ကျပ်တန် ၊ ၃၅ ကျပ်တန်၊ ၄၅ ကျပ် တန်၊ ၉၀ တန် အစရှိသည့် ငွေစက္ကူများမှ လွဲ၍ ကျန် ငွေစက္ကူအကြွေများအားလုံး သုံးစွဲခွင့်ရှိကြောင်း မြန်မာနိုင်ငံတော် ဗဟို ဘဏ်၊ သတင်းနဲ့လုံခြုံရေးဌာနမှ တာဝန်ရှိသူတစ်ဦးက ပြောသည်။

ဗဟိုဘဏ်မှ တရားဝင်သုံးစွဲခွင့်ဖျက်သိမ်းထားသည့် ငွေအကြွေမှ လွဲ၍ ကျန်ရှိသည့် ၁ ကျပ်တန်က အစ အကြွေတွေသည် ဗဟို ဘဏ်၏ တရားဝင်သုံးစွဲလျက်ရှိသည့် ငွေစက္ကူထဲတွင် ပါဝင်သည့်အတွက် နေရာတိုင်းမှာ သုံးစွဲခွင့်ပြုထားကြောင်း၊ တရားဝင် သုံး စွဲခွင့်ပြုထားသည့် ငွေစက္ကူများကို လက်မခံပါက ဗဟိုဘဏ် ဥပဒေအရ ရဲစခန်းတွင် တိုင်ချက်ဖွင့်လှစ်အရေး ယူနိုင်ကြောင်း သိရ သည်။

“ငါးကျပ်တန်အပါအဝင် တခြားငွေအကြွေ တစ်ကျပ်ကစ သုံးစွဲခွင့် ရပ်စဲထားတာမရှိဘူး။ ၃၅ ၊၇၅၊ ၂၅ စတာတွေ ပဲဖျက်သိမ်း ထားတယ်။ ကျန်တာ တရားဝင်ငွေစက္ကူဖြစ်တယ်။ တရားမဝင်ဘူးလို့အပြင်မှာ ပြောနေတဲ့ကိစ္စတွေကတော့ ဗဟိုဘဏ်နဲ့ မသက် ဆိုင်ဘူး။

အပြင်မှာသုံးတဲ့အခါ ပုဂ္ဂိုလ်ရေး ခံစားချက်အရ ယူတာမယူတာ သူတို့အပိုင်းပေါ့။ တကယ်လို့ သုံးတာကို လက်မခံဘူး ဆိုရင် ရဲအမှု ကနေဆက်လုပ်လိမ့်မယ်။ ဗဟိုဘဏ်နဲ့ သက်ဆိုင်ရင်ဗဟိုဘဏ်ကလုပ်ပေးသွားမယ်”လို့ မြန်မာနိုင်ငံတော် ဗဟို ဘဏ်၊ သတင်းနဲ့ လုံခြုံရေးဌာနမှ တာဝန်ရှိသူတစ်ဦးက ပြောသည်။

ငွေစက္ကူ အကြွေဖြစ်သည့် ၂၀ ကျပ်တန်နှင့် ၅ ကျပ်တန် အချို့ကို ဘဏ်အနည်းစုမှ တခါတရံတွင် ပြန်အမ်းငွေအဖြစ် ပေးချေ လေ့ရှိပြီး အစိုးရရုံးအနည်းစုတွင်လည်း တစ်ခါတစ်ရံ အသုံးပြုလေ့ရှိကြောင်း သိရသည်။

ပြီးခဲ့သည့်ရက်ပိုင်းက ဖြစ်ပွားခဲ့သည့် ငါးကျပ်တန်နှင့် ဂိတ်ကြေးပေးဆောင်ခဲ့ရာမှ ဂိတ်တာဝန်ကျဝန်ထမ်းက လက်မခံကြောင်း ပြောဆိုခဲ့သည့် ရုပ်သံဖိုင်တစ်ခု ပျံ့နှံ့ခဲ့ပြီး ဝန်ထမ်းကို အလုပ်ထုတ်ပယ်သည်အထိ အရေးယူဆောင်ရွက်မှုလုပ်ခဲ့ကြောင်း သိရ သည်။

ယင်းဖြစ်စဉ်နှင့် ပတ်သက်၍ လူမှုကွန်ရက်စာမျက်နှာ သာမက ပြင်ပလူ့အသိုင်းဝိုင်းမှာပါ နှစ်ဖက်စလုံးကို ဝေဖန်ပြော ဆိုမှုများ ဖြစ်ပေါ်ခဲ့ကြောင်းလည်း သိရသည်။– စုသက်နှင်း(အကုန်သိ သတင်းဌာန)

Loading...

Facebook Comments