စည်ပင်လမ်းပေါ်အုတ်တံတိုင်းစည်းရိုးတိုးချဲ့ကာရံတဲ့ စိုက်ပျိုးရေးဦးစီးအရာရှိကို တရားစွဲ

စည်ပင်လမ်းပေါ်အုတ်တံတိုင်းစည်းရိုးတိုးချဲ့ကာရံတဲ့ စိုက်ပျိုးရေးဦးစီးအရာရှိကို တရားစွဲ
ပဲခူး၊မတ် ၁၀
စည်ပင်လမ်းပေါ်ခြံစည်းရိုးအုတ်တံတိုင်းတိုးချဲ့ကာရံနေတဲ့အပေါ်ရပ်ဆိုင်းထားဖို့တားမြစ်စာပို့ထားပေမယ့် လိုက်နာခြင်းမရှိဘဲ ဆက်လက်လုပ်ဆောင်နေတဲ့အတွက်ပဲခူးမြို့၊မဇင်းရပ်ကွက်၊ခေမာဇေယျာလမ်းနေစိုက်ပျိုးရေးဦးစီးအရာရှိတစ်ဦးကိုတရားစွဲဆိုလိုက်ပြီလို့ပဲခူးမြို့နယ်၊စည်ပင်သာယာရေးအဖွဲ့၊တာဝန်ရှိသူတစ်ဦးဆီကသိရပါတယ်။ပဲခူးတိုင်းဒေသကြီးစည်ပင်သာယာရေးဥပဒေပုဒ်မ၂၁(ခ)အရတားမြစ်မှုကိုမလိုက်နာဘဲဆက်လက်လုပ်ဆောင်နေတဲ့အတွက်ပုဒ်မ(၈၁)အရအရေးယူပေးဖို့တရားရုံးကိုဦးတိုက်လျှောက်ပြီးတရားစွဲဆိုခဲ့တာဖြစ်ပါတယ်။အမှုနဲ့ပတ်သက်ပြီးပဲခူးမြို့နယ်၊စည်ပင်သာယာရေးအဖွဲ့မှဦးမျိုးမင်းဇော်(အငယ်တန်းအင်ဂျင်နီယာ၂)ကတရားလိုပြုလုပ်တိုင်ကြားခဲ့တဲ့အတွက်မန္တလေးတိုင်းဒေသကြီး၊မြစ်သားမြို့နယ်မှာတာဝန်ထမ်းဆောင်နေတဲ့မြို့နယ်စိုက်ပျိုးရေးဦးစီးအရာရှိဦးအောင်တင်ထွန်းကို ပဲခူးမြို့နယ်၊တွဲဘက်တရားသူကြီး(၂)ရုံးက အမှုအမှတ်-၁၂၀၁/၂၀၁၈၂၀၁၉နဲ့မကြာမီရက်အတွင်းခေါ်ယူစစ်ဆေးမယ်လို့သိရပါတယ်။
သတင်း/ဓာတ်ပုံ၊ ဧရာ(ပဲခူး)

Loading...

Facebook Comments