ဂိတ်ကြေးပေးဆောင်ရာတွင် ၅ ကျပ်တန်ကိုလက်မခံသည့် တိုးဂိတ်ဝန်ထမ်းကို ကုမ္ပဏီမှ အလုပ်ထုတ်ပယ်

ဂိတ်ကြေးပေးဆောင်ရာတွင် ၅ ကျပ်တန်ကို လက်မခံသည့် တိုးဂိတ်ဝန်ထမ်း အမျိုးသမီးတစ်ဦးကို မိတ္ထီလာ – မန္တလေး အပိုင်း B.O.T စနစ်ဖြင့်ဆောင်ရွက်နေသည့် သော်တာဝင်းကုမ္ပဏီမှ အလုပ်ထုတ်ပယ်လိုက်ကြောင်း ဆောက်လုပ်ရေးဝန်ကြီးဌာနမှ မတ်လ ၉ ရက်နေ့တွင် သတင်းထုတ်ပြန်သည်။

မိတ္ထီလာ – မန္တလေး အပိုင်းရှိ သပြေဝတိုးဂိတ်သို့ မတ်လ ၃ ရက်နေ့က အိမ်စီးကားတစ်စီးရောက်ရှိလာပြီး လမ်း/တံတားအသုံးပြုခ ၄၀၀ ကျပ်ကို ပေးရာတွင် ၅ ကျပ်တန် ၁၀ ရွက် ပါဝင်ခဲ့ခြင်းဖြစ်သည်။

ယာဉ်ပေါ်ပါ အမည်မသိ အမျိုးသမီးမှ လမ်း/တံတားအသုံးပြုခ အဖြစ် (၂၀၀)ကျပ်တန် (၁)ရွက်၊ (၁၀၀) ကျပ်တန် (၁)ရွက်၊ (၅၀)ကျပ် တန် (၁)ရွက်နှင့် (၅)ကျပ်တန် (၁၀) ရွက်တို့အား ပေးဆောင်ခဲ့ခြင်းလည်းဖြစ်သည်။

သို့ရာတွင် တိုးဂိတ်ဝန်ထမ်း ဖြစ်သည့် ငွေကောက်တာဝန်ကျ အမျိုးသမီးမှ “ (၅)ကျပ်တန်များ မယူနိုင်ကြောင်း၊ အခြားနေရာတွင် သွားသုံးပါ” ဟု ပြောကြားခဲ့ရာ ၁၀ မိနစ်ခန့် အချေအတင် အငြင်းပွားခဲ့ကြသည်။

အဆိုပါဖြစ်စဉ်ကို စိစစ်ရာတွင် ငွေကောက်တာဝန်ကျ ဝန်ထမ်း၏ ဖြေရှင်းပုံ နည်းလမ်းမှားယွင်းသည်ဟုဆိုကာ ကုမ္ပဏီ အနေဖြင့် ဝန်ထမ်းစည်းကမ်းနှင့်အညီ အဆိုပါဝန်ထမ်းအား အလုပ်မှ ထုတ်ပယ်ပြီး အရေးယူ ဆောင်ရွက်ခဲ့သည်ဟု ဆောက်လုပ်ရေးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

ထို့ကြောင့် အလားတူ ဖြစ်စဉ်မျိုးထပ်မံ မဖြစ်ပွားစေရန် တိုးဂိတ်များတွင် တာဝန်ထမ်းဆောင်သည့် ဝန်ထမ်းများအား မွမ်းမံသင်တန်းများ ဖွင့်လှစ်သင်ကြားစေခြင်း၊ ခရီးသွားပြည်သူများနှင့် ဆက်ဆံရာတွင် အဆင်ပြေချောမွေ့စေရေးတို့အတွက် တာဝန်ရှိသူ အဆင့်ဆင့်မှ စစ်ဆေးကြပ်မတ် ဆောင်ရွက်သွားမည်ဟု ၎င်းထုတ်ပြန်ချက်တွင် ထည့်သွင်းရေးသားခဲ့သည်။

Credit :www.mizzimaburmese.com

Loading...

Facebook Comments