မြစ်ဆုံစီမံကိန်းကြောင့်ပြောင်းရွှေ့ခံဒေသခံများ နေထိုင်သည့် မလိယန်တွင် တရားမ၀င် ရွှေတူးဖော်မှုများရှိနေ

မြစ်ဆုံစီမံကိန်းကြောင့် ပြောင်းရွှေ့ခံ၊ ဒေသခံများနေထိုင်သည့် မလိယန်ကျေးရွာရွာထိပ်တွင် ဓါတုပစ္စည်းများသုံးကာ တရားမဝင် ကျောက်ရွှေတူးဖော်နေကြောင်း သတင်းရရှိသည်။

အဆိုပါရွှေတူးဖော်သူများသည် ကျေးရွာအပေါ်ပိုင်းရှိ ဒေသခံများအသုံးပြုနေသည့် ချောင်းရေကို အသုံးပြုကာ တူးဖော်နေခြင်းဖြစ်ကြောင်း မလိယန်ဒေသခံတစ်ဦးက ဆိုသည်။

“ဓါတုပစ္စည်းတွေ သုံးပြီးတူးနေတယ်။ ဒီဓါတုပစ္စည်းတွေက ကျွန်တော်တို့ ရွာလယ်ကနေ ဖြတ်လာတဲ့ ဒေသခံတွေအသုံးပြုနေတဲ့ ချောင်းရေထဲကျလာမယ်။ ကျွန်တော်တို့ ဒီတစ်ရွာလုံးက ဒီရေကိုအသုံးပြုတာများတယ်။ ရေချိုးတယ်။ သုံးတယ်။ ကျွဲ၊ နွားတွေလည်း ဒီရေပဲသောက်တာ။”ဟု မလိယန်ဒေသခံတစ်ဦးကဆိုသည်။

အဆိုပါရွှေတူးဖော်သူများသည် ယခုရက်ပိုင်းမှ စတင်တူးဖော်လာခြင်းဖြစ်ပြီး မည်သူ့ခွင့်ပြုချက်ကြောင့် တူးဖော်ခြင်းဖြစ်သည်ကို မသိရှိကြောင်း ရွာခံများကဆိုသည်။

သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာ သတ္တုတွင်းဦးစားဌာန(ကချင်ပြည်နယ်ရုံးခွဲ)မှ အရာရှိတစ်ဦးက ထိုမလိယန်နယ်မြေတစ်လျှောက်တွင် ၎င်းတို့ဌာနမှ တရားဝင်ရွှေလုပ်ကွက် ချပေးထားခြင်း မရှိကြောင်းဆိုသည်။

ဝိုင်းမော်မြို့နယ် နောင်းချိန်း၊ မန်ဒေါင်ဘက်တွင် လုပ်ကိုင်ရန် လာရောက်လျှောက်ထားသူများ ရှိသော်လည်း တရားဝင် မှတ်ပုံတင်ချပေးထားခြင်း မရှိသေးကြောင်း အဆိုပါအရာရှိက ဆိုသည်။

အဆိုပါရွှေတူးဖော်သူများသည် မလိယန်ရွာဒေသခံများ၏ ဥယာဉ်ခြံမြေများရှိ နေရာများနှင့် ယခင် မြစ်ဆုံစီမံကိန်း လုပ်ဆောင်စဉ် ASIA WORLD ကုမ္ပဏီမှ ဖောက်လုပ်ထားသော လှိုင်ဂူများတွင် တူးဖော်နေခြင်းဖြစ်ကြောင်း ဒေသခံများကဆိုသည်။

Credit : Kachinwaves

Loading...

Facebook Comments