နှစ် (၂၀) ပေါင်းသင်းလာခဲ့တဲ့ ခင်ပွန်းကိုဘာကြောင့်လူငှားသတ်ခဲ့ရသလဲဆိုတာ ဇနီးဖြစ်သူထွက်ဆို

“နှစ် (၂၀)နီးပါးပေါင်းသင်းလာသည့်ခင်ပွန်း၏ နှိပ်စက်မှုဒဏ်မခံနိုင်၍ သေနတ်သမားငှား၍ ပစ်သတ်ကြောင်း ဇနီးသည်ထွက်ဆို”

ထိုင်းနိုင်ငံ၊ နခွန်လန်းခရိုင်အတွင်း ဆောက်လုပ်ရေးလုပ်ငန်းရှင်တစ်ဦး သေနတ်ဖြင့် ပစ်သတ်ခံရမှုမှာ ဇနီးဖြစ်သူက နှစ်ပေါင်း (၂၀)အတွင်း ညှင်းပန်းနှိပ်စက်မှုများကို သည်းမခံနိုင်၍ သေနတ်သမားအကူအညီဖြင့် သတ်ပစ်လိုက်ခြင်းဖြစ်ကြောင်း ရဲတပ်ဖွဲ့ထံ ထွက်ဆိုထားသည်ဟု ဘန်ကောက်ပို့စ်သတင်းအရ သိရသည်။

အသက် (၆၂)နှစ်အရွယ်အမျိုးသမီးက အသက် (၆၃)နှစ်အရွယ် ခင်ပွန်းဖြစ်သူကို သေနတ်သမားငှား၍ ပစ်သတ်ရန် စီစဉ်ခဲ့ခြင်းဖြစ်ပြီး အကူအညီပေးသည့် သားမက်အပါအဝင် သေနတ်ပစ်ခတ်သူ၊ ဆိုင်ကယ်မောင်းပေးသူတို့ကို ရဲတပ်ဖွဲ့က ဖမ်းမိထားကြောင်း သိရသည်။

ဆောက်လုပ်ရေးလုပ်ငန်းရှင်သည် ၂၀၁၉ ခုနှစ်၊ ဖေဖေါ်ဝါရီလ (၈)ရက်နေ့က ဇနီးဖြစ်သူအား ကျောင်းသို့လိုက်ပို့ပြီး ကားပြန်အထွက်တွင် ဆိုင်ကယ်စီးလာသူနှစ်ဦးက သေနတ်ဖြင့် ပစ်သတ်သွားခဲ့ခြင်းဖြစ်သည်။

ဇနီးဖြစ်သူက ရဲတပ်ဖွဲ့ထံ ဖုန်းဆက်အကြောင်းကြားခဲ့သော်လည်း ရဲတပ်ဖွဲ့ဝင်များရောက်လာချိန်တွင် အဆိုပါ လုပ်ငန်းရှင်မှာ သေဆုံးနေခဲ့ပြီဖြစ်ကြောင်း သိရသည်။

ယင်းနောက် ရဲတပ်ဖွဲ့က အမှုကိုဖေါ်ထုတ်ရာ အရက်နှင့် လောင်းကစားစွဲနေသည့်ခင်ပွန်းဖြစ်သူက ပေါင်းသင်းနေထိုင်သည့် နှစ်ပေါင်း (၂၀)ခန့်အတွင်း သေနတ်ဖြင့်ချိန်ပြီး သတ်ပစ်မည်ဟု ခြိမ်းခြောက်ခြင်းအပါအဝင် ညှင်းပန်းနှိပ်စက်မှုများကို မကြာခဏကြုံနေရသဖြင့် သည်းမခံနိုင်တော့၍ သတ်ပစ်ခြင်းဖြစ်သည်ဟု သေဆုံးသူ၏ဇနီးကထွက်ဆိုကြောင်း သိရသည်။

အဆိုပါ အမျိုးသမီးမှာ အိမ်တွင်းအကြမ်းဖက်မှုဖြင့် မကြာခဏကြုံနေရသည့်အတွက် ခင်ပွန်းဖြစ်သူအား သတ်ပစ်ရန် သားမက်အား ပထမအကြိမ် တိုင်ပင်ခဲ့စဉ်က သားမက်ဖြစ်သူက တားမြစ်ခဲ့ပြီးနောက် ဖေဖေါ်ဝါရီလ (၈)ရက်နေ့တွင် သေနတ်သမားကို ရှာဖွေနိုင်ခဲ့ကာ သတ်ပစ်ခဲ့ခြင်းဖြစ်သည်ဟု သိရသည်။

အဆိုပါလူသတ်မှုနှင့်ပတ်သက်၍ ဆက်စပ်ဖွယ်ရှိသည်ဟု သံသယရှိသူများကိုလည်း ရဲတပ်ဖွဲ့က ဖမ်းဆီးနိုင်ရန် ဝရမ်းထုတ်ထားကြောင်း သိရသည်။

တာချီလိတ်သတင်းအေဂျင်စီ

Loading...

Facebook Comments