သမီးရည်းစားနှစ်ဦးရန်ဖြစ်ရာ မိန်းကလေးလက်ချက်နဲ့ ကောင်လေး ဆေးရုံရောက်

ရန်ကုန်မြို့ တာမွေမြို့နယ်တွင် ဖေဖော်ဝါရီ ၂၆ ရက် အင်္ဂါနေ့က သမီးရည်းစားနှစ်ယောက် စကားများရန်ဖြစ်ကြရာ ကောင်မလေး၏ လက်ချက်ဖြင့် ကောင်လေးမူးမေ့လဲကျပြီး ဆေးရုံတင်ပို့ခဲ့ရကြောင်း သတင်းရရှိသည်။

ကိုကြီးနှင့် ညီအစ်ကိုမောင်နှမများ ပရဟိတအဖွဲ့ ၏ လူမှုကွန်ယက်ပေါ်တွင် ဖော်ပြထားသော သတင်းအရ တာမွေမြို့နယ် သမိန်ဗရမ်းလမ်းမပေါ်ရှိ ဆိုင်တစ်ဆိုင်၏ အရှေ့တွင် သမီးရည်းစား နှစ်ယောက်ရန်ဖြစ်ကြပြီး ကောင်မလေးက ရည်းစားဖြစ်သူကောင်လေးအား ပုလင်းဖြင့် ဦးခေါင်းကို ရိုက်ခဲ့ရာ ကောင်လေးမှာ မူးမေ့လဲကျသွာခဲ့သည်။

ထို့နောက် ကောင်မလေးက ကွဲသွားသော ပုလင်းကွဲစတစ်ခုကိုယူကာ သူမ၏လက်အား ပြန်လှီးခဲ့ပြီးနောက် လမ်းမပေါ် သတိလစ်မေ့လဲကျသွားခဲ့ကြောင်း ဖော်ပြထားသည်။ ဒဏ်ရာရရှိသူ နှစ်ဦးစလုံးအား ကိုကြီးနှင့် ညီအစ်ကိုမောင်နှမများ ပရဟတိအသင်းမှ လူနာတင်ယာဉ်ဖြင့် အနီးဆုံးဆေးရုံဖြစ်သည့် သျှင်ပါကူ အထူးကုဆေးရုံသို့ ပို့ဆောင်ခဲ့ပြီး ထိုမှတစ်ဆင့် ရန်ကုန်ပြည်သူ့ဆေးရုံကြီးသို့ ဆက်လက်၍ အမြန်ဆုံး ပို့ဆောင်ပေးခဲ့ရကြောင်း ဖော်ပြထားသည်။

ကိုကြီးနှင့် ညီအစ်ကိုမောင်နှမများ ပရဟိတအဖွဲ့သို့ ပိုပိုလေးမှ ဆက်သွယ်မေးမြန်ခဲ့ရာ ဖြစ်စဉ်တစ်ခုလုံးကို မသိရှိရပဲ သွားရင်းလာရင်း ကြုံကြိုက်သဖြင့် ကူညီပေးခဲ့ခြင်းသာ ဖြစ်ကြောင်း ပြန်လည်ဖြေကြားခဲ့သည်။

Credit: popolay

 

Loading...

Facebook Comments