ချစ်သူအား ဂျာမနီကို ဆွေပြမျိုးပြခေါ်သွားမယ်ဆိုတဲ့ မစ်ကီ

ဂျာမနီနိုင်ငံသား အဆိုတော် မစ်ကီကိုတော့ တော်တော်များများလည်း ရင်းနှီးပြီးသား ဖြစ်မှာပါ။ ဥရောပသားဖြစ်ပေမယ့်လည်း မြန်မာစကားကို လည်လည်ဝယ်ဝယ်ပြောတတ်ပြီး ချစ်စရာကောင်းတဲ့ အပြုအမူလေးတွေကြောင့် ပရိသတ်လည်း အခိုင်အမာ ရရှိလာတာ ဖြစ်ပါတယ်။ မစ်ကီကတော့ မြန်မာနိုင်ငံကို ချစ်ရုံသာမက မြန်မာမလေးနဲ့လည်း ချစ်ကြိုးသွယ်နေပြီ ဖြစ်ပါတယ်။ မစ်ကီကတော့ သူ့ချစ်သူလေးကို ဂျာမနီကို ဆွေပြမျိုးပြခေါ်သွားမယ့် အကြောင်းနဲ့ သူတို့ရဲ့ မင်္ဂလာသတင်းအကြောင်းတွေကို ပြောကြားသွားခဲ့ပါတယ်။

The Radar နဲ့ အင်တာဗျူးမှာတော့ မစ်ကီက “ကျွန်တော်သူ့ကို မသိခင်ကတည်းက မြန်မာနိုင်ငံကို ချစ်နေပြီ။ အခုသူနဲ့သိတော့ ပိုချစ်သွားတယ်။ သူနဲ့ ဘယ်လိုစသိလည်းဆိုတော့ အွန်လိုင်းမှာ စကားပြောတာ ၃ နှစ်လောက်ရှိပြီ။ ဒါပေမယ့် တကယ်အပြင်မှာ စသိတာက မနှစ်က သင်္ကြန်မှာ စကားစပြောဖြစ်တယ်။ သူ့ကိုသဘောကျသွားတယ်။ အစကျွန်တော်လုံးဝ မထင်ဘူး။ ရည်းစားဖြစ်သွားမယ်ဆိုတာ။ ဒါပေမယ့်လည်း တကယ်ချစ်တဲ့သူတွေ ဖြစ်နေပြီဆိုတော့ ကျွန်တော်အရမ်းဝမ်းသာတယ်။ မြန်မာနိုင်ငံမှာ ဆက်နေဖို့အကြောင်း ပိုများလာတယ်။ သူက လှတော့လှတယ်။ အကုန်လုံးတော့မဟုတ်ဘူး။ သူ့ခေါင်းထဲမှာတွေးခေါ်တာတွေကို ပိုသဘောကျနေတယ်”

မစ်ကီချစ်သူ စုစုဝေကတော့ “သူ့စိတ်ဓါတ်လေးတွေ သဘောကျလာတယ်။ သူ့ကိုလေ့လာပြီး ကြာလာတဲ့အမျှ သူ့မှာ ယောကျာ်းကောင်းဆိုတဲ့အရာတွေ ရှိလာတယ်။ သူညီမ ကိုးကွယ်တဲ့ ဗုဒ္ဓဘာသာကို ကိုးကွယ်တယ်။ ညီမတို့ရဲ့ မြန်မာစကားကိုပြောတယ်။ တော်တော်များများ အဲ့မှာကို အဆင်ပြေနေပါတယ်။ အခုချိန်မှာတော့ တယောက်နဲ့ တယောက် ဆိုးတူကောင်းဖက် ဖြေရှင်းသွားမယ်”

မစ်ကီကတော့ “ကျွန်တော်အနာဂတ်အတွက်ပါပဲ။ အချင်းချင်းကို ချစ်တယ်။ မြတ်နိုးတယ်။ ဒုက္ခတခုခုရောက်ရင် တူတူကျော်ဖြတ်မယ်။ မင်္ဂလာဆောင်ရမယ် အဲ့ဒါတွေ ကျွန်တော့်မှာ မရှိတော့ဘူး။ ကျွန်တော်တုိ့က ယဉ်ကျေးမှု မတူဘူးလေ။ ကျွန်တော်တို့ဆီမှာလည်း ဆောင်တော့ ဆောင်တယ်လေ။ ကျွန်တော်သူ့ကို ဖိအားမပေးဘူး။ သူကျွန်တေ်ာ့အမြင်ကို လက်ခံတယ်။ မင်္ဂလာမဆောင်ရလည်း ချစ်တယ်။ ဆောင်ပြီးတော့လည်း ချစ်မှာပဲလေ။ မင်္ဂလာဆောင်ပြီးမှ ပိုချစ်လာကြတာ မဟုတ်ဘူး။ အဲ့ဒါကြောင့် ဒါတွေက လောလောဆယ် မလိုအပ်ဘူးလေ။ အချင်းချင်း သစ္စာရှိတယ်။ ယုံကြည်တယ်။ တနေ့နေ့တော့ အဲ့လိုလုပ်ဖြစ်မှာပါ”

စုစုဝေကတော့ “တော်တော်များများ မေးနေကြတယ်။ ဘယ်တော့လဲမသိဘူး။ ညီမတို့ အချိန်တော့ယူရဦးမယ်လေ။ အချိန်မှန်တဲ့အချိန်မှာတော့ ညီမတို့ လုပ်သွားမှာပါရှင့်”မစ်ကီက “၇လပိုင်းလောက်မှာ ဂျာမနီကိုသွားမယ်။ သူ့ကိုခေါ်သွားမယ်။ သူ့ကို မိသားစုနဲ့ သွားပြီးတော့ မိတ်ဆက်ချင်တယ်။ သူငယ်ချင်းတွေနဲ့ မိတ်ဆက်ပေးချင်တယ်။ သူ့ကို ဂျာမနီနိုင်ငံကို လိုက်ပြီးတော့ ပြချင်တယ်။ ၉ လပိုင်းလောက်မှာ မြန်မာနိုင်ငံကို ပြန်လာမယ်။ နေရာတော်တော်များများကို သွားကြမယ်” ဟု ပြောကြားသွား ခဲ့ပါတယ်။

Credit: Nanmalgyi

Loading...

Facebook Comments