သေဒဏ်ကို ဖျက်သိမ်း မထားသဖြင့် ကြိုးမိန့်ကျ အကျဉ်းသားများ အချိန်မရွေး ကြိုးစင်ပေါ်ရောက်နိုင် ဟုဆို

ရန်ကုန်၊ ဖေဖော်ဝါရီ ၁၇

မြန်မာ့တရားစီရင်ရေးတွင် သေဒဏ်ကို ဖျက်သိမ်းထားခြင်းမရှိသဖြင့် ကြိုးမိန့်ကျ အကျဉ်းသားများကိုအချိန် မရွေး ကြိုးပေးကွပ်မျက်မှုမျိုးရှိလာနိုင်ကြောင်း တရားလွှတ်တော်ရှေ့နေ ဦးသိန်းသန်းဦးက ပြောသည်။ ”သေဒဏ်က နဂိုကတည်းက ရှိပါတယ်။ သေဒဏ်ကျတဲ့ ပြစ်မှုတွေ ရှိတယ်။ သေဒဏ်ဖျက်သိမ်းမထားပါဘူး”ဟု မြန်မာနိုင်ငံလွတ်လပ်သော ရှေ့နေများအသင်း၊ အထွေထွေအ တွင်းရေးမှူး တရားလွှတ်တော်ရှေ့ နေ ဦးသိန်းသန်းဦးက ဒီမိုကရေစီတူဒေးသို့ ဖေဖော်ဝါရီ ၁၆ ရက်တွင် ပြောသည်။

၁၉၈၈ ခုနှစ်နောက်ပိုင်းမှ ယခုအချိန်ထိ သေဒဏ်ကိုဖျက်သိမ်းထားခြင်းမရှိသော်လည်း ကျင့်သုံး ခြင်းကိုမတွေ့ရကြောင်း ၎င်းကပြောသည်။ ”၈၈နောက်ပိုင်းမှာ သေဒဏ် ပေးတာမရှိဘူး။ လွတ်ငြိမ်းချမ်း သာခွင့်ပေးတဲ့အတွက် သေဒဏ်သမားတွေက တစ်သုတ်ပြီးတစ် သုတ်လွတ်သွားတာပေါ့”ဟု ၎င်းက ဆက်လက်ပြောသည်။ လွတ်ငြိမ်းချမ်းသာခွင့်ကြောင့် သေဒဏ်ကျခံရသူအချို့သည် တစ်ကျွန်း(သို့မဟုတ်)ထောင်ဒဏ်အနှစ် နှစ်ဆယ်ဖြစ်သွားကြောင်း တရားလွှတ်တော်ရှေ့နေ ဦးသိန်းသန်းဦးက ပြောသည်။ ”အခုလက်ရှိ သေဒဏ်ကျ နေတဲ့အကျဉ်းသားတွေရှိတယ်။ သူတို့ကို သေဒဏ်အဖြစ် မပေးရ သေးဘူး။ မပေးသေးတာပေါ့။ သေဒဏ်ကဖျက်ထားတာမဟုတ် ပါဘူး”ဟု ၎င်းက ပြောသည်။

သေဒဏ်ကျခံထိုက်သည့် ပြစ်မှုများမှာ တင်ကူးကြံရွယ်ချက်ဖြင့် လူသတ်မှုပုဒ်မ-၃ဝ၂(၁)(ခ)၊ ခုနစ်နှစ်ထိ ထောင်ဒဏ်ချမှတ်ခြင်းခံထိုက်သောပြစ်မှုကို ကျူးလွန်နေစဉ် လူသတ်မှုပါကျူးလွန်သည့် ပုဒ်မ-၃ဝ၂(၁)(ဂ)၊ နိုင်ငံတော်သစ္စာဖောက်ဖျက် ပုန် ကန်မှုပုဒ်မ-၁၂၂ တို့ဖြစ်ကြောင်း ရာဇသတ်ကြီး၌ ဖော်ပြထားသည်။ ခရိုင်တရားရုံးက သေဒဏ်အမိန့်ကို ချမှတ်ပါက သေဒဏ် အတည်ပြုမှုအတွက် သက်ဆိုင်ရာ တိုင်းဒေသကြီး/ပြည်နယ် တရား လွှတ်တော်သို့ အတည်ပြုမှုဖွင့်ရ မည်ဖြစ်သည်။ သေဒဏ်ကျခံရသူအနေဖြင့်လည်း သက်ဆိုင်ရာတိုင်းဒေသ ကြီး /ပြည်နယ်တရားလွှတ်တော်၊ ပြည်ထောင်စု တရားလွှတ်တော်ချုပ်(တစ်ဦးထိုင်)၊ အထူးအယူခံ (နှစ်ဦးထိုင်)၊စာချွန်တော်အထိ အဆင့်ဆင့်တက်နိုင်ပြီး ၎င်းတို့ပယ်ချပါက နိုင်ငံတော်သမ္မတထံ အ သနားခံစာတင်နိုင်ကြောင်း တရား လွှတ်တော်ရှေ့နေ ဦးသိန်းသန်းဦးက ပြောသည်။

အယူခံအဆင့်ဆင့်တက် ရောက်မှုမှာ အချိန်ကာလအား ဖြင့် နှစ်နှစ်ကျော်ကြာမြင့်ကြောင်း ၎င်းကပြောသည်။ အယူခံအဆင့်ဆင့်အားလုံးကုန်ဆုံးပါက အချိန်မရွေးကြိုးပေး ကွပ်မျက်နိုင်ကြောင်း ၎င်းက ဆက်လက်ပြောသည်။ ”ကြိုးပေးတာကို အချိန်ကာလသတ်မှတ်တာမရှိဘူး။ သမ္မတ အသနားခံစာပြီးရင် မရှိတော့ဘူး။ ပြည်ထဲရေးဝန်ကြီးဌာနရဲ့ ဆုံးဖြတ်ချက်ပဲ။ ဘယ်တော့ ကြိုး ပေးမှာလဲဆိုတာ”ဟု တရားလွှတ် တော်ရှေ့နေ ဦးသိန်းသန်းဦးကဆက်လက် ပြောသည်။ ၂ဝဝ၈ ခုနှစ် ဖွဲ့စည်းပုံ အ ခြေခံဥပဒေပုဒ်မ-၂ဝ၄ (ခ)အရ သမ္မတသည် ကာလုံနှင့် ညှိနှိုင်း ကာ အထွေထွေလွတ်ငြိမ်းချမ်း သာခွင့်ပေးပါက သေဒဏ်ကျခံသူ များပါဝင်ပြီး တစ်ကျွန်းပြစ်ဒဏ် ပြောင်းသွားကြောင်း ၎င်းကဆက် လက်ပြောသည်။

သေဒဏ်အမိန့်ပေးသော် လည်း ကြိုးပေးစီရင်မည်ဟု တစ်ထစ်ချပြော၍မရဘဲ ဥပဒေအခွင့်အ ရေး၊ လူမှုရေးအခွင့်အရေးနှင့်နိုင်ငံ သားအခွင့်အရေးများရှိကြောင်း အငြိမ်းစားထောင်မှူးကြီး ဦးခင် မောင်မြင့်က ပြောသည်။ သေဒဏ် အမိန့်ချမှတ်ပါက ပြစ်ဒဏ်စီရင်မှုကို ပီပီပြင်ပြင်လုပ် သင့်ကြောင်း ပြည်သူလူထုနှင့် ဥပဒေပညာရှင်တို့က လိုလားလျက်ရှိသည်။ စမ်းချောင်းမြို့နယ်တွင် နေထိုင်သူ ပြည်သူတစ်ဦးက ”သေဒဏ်ကချသာချတာ။ ဘယ်လိုစီရင် လိုက်လဲဆိုတာမသိရဘူး။ ဒီအ ပေါ်မှာ ပီပီပြင်ပြင်လုပ်သင့်တယ်” ဟု ဒီမိုကရေစီတူဒေးသို့ ဖေဖော် ဝါရီ ၁၆ ရက်တွင် ပြောသည်။

သေဒဏ်ချမှတ်မှုအပေါ် ကျေနပ်မှုမရှိပါက အထက်တရား ရုံးအဆင့်ဆင့်သို့ တရားလိုနှင့် တရားခံနှစ်ဦးနှစ်ဖက်စလုံး တက် ရောက်ခွင့်ရှိကြောင်း ကျောက်တံ တားမြို့နယ်တွင် နေထိုင်သည့် ဥပဒေပညာရှင်တစ်ဦးကပြောသည်။ တရားလွှတ်တော်ရှေ့နေ ဦးကိုနီနှင့် တက္ကစီယာဉ်မောင်း ကိုနေဝင်းတို့ လုပ်ကြံခံရမှုနှင့်ပတ်သက်ပြီး ဖေဖော်ဝါရီ ၁၅ ရက်တွင် မြောက်ပိုင်းခရိုင်တရားရုံး၊အထူးခုံရုံးက တရားခံကြည်လင်းကို မသေမချင်းကြိုးကွင်းစွပ်သတ်စေ နှင့် ထောင်ဒဏ်၂၃နှစ်၊ တရားခံ အောင်ဝင်းဇော်ကို မသေမချင်း ကြိုးကွင်းစွပ်သတ်ရန်၊ တရားခံ ဇေယျာဖြိုးကို ထောင်ဒဏ်ငါးနှစ်နှင့် အောင်ဝင်းထွန်းကို ထောင်ဒဏ်သုံး နှစ်ကျခံရန် စီရင်ချက်ချခဲ့သည်။

Credit :Yangon Media Group

Loading...

Facebook Comments