ခရီးသည်နှစ်ဦးက အငှားယာဉ်မောင်းကို ဓားဖြင့်ထိုးကာ ကားလုပြေး

အမျိုးသားနှစ်ဦးက နေပြည်တော်တွင် ကျောက်ပန်းချီကားများတင်ရန်အတွက် ရန်ကုန်မြို့၊ တောင်ဥက္ကလာပ မြို့နယ် နန္ဒဝန်ဈေးအနီးရှိ အငှားယာဉ်ဂိတ်မှ အငှားကားတစ်စီးအား ခေါ်ဆောင်သွားပြီးနောက် အမြန်လမ်း တွင် ယာဉ်မောင်းဖြစ်သူအား ဓားဖြင့်ထိုးထားခဲ့ကာ ကားအားလုယူမောင်းပြေးသွားကြောင်း အမြန်လမ်းမကြီး ရဲတပ်ဖွဲ့မှူးရုံးမှ သိရသည်။

ခရီးသည်နှစ်ဦးက ဓားဖြင့် ထိုးသဖြင့် အငှားယာဉ်မောင်းဖြစ်သူ ဦးဝင်းဆွေဆိုသူမှာ ဝမ်းဗိုက်ဒဏ်ရာရရှိခဲ့ပြီး စိုးရိမ်ရသည့် အနေအထားရှိကြောင်း၊ ဖေဖော်ဝါရီလ ၇ ရက်၊ နံနက် ၂ နာရီခွဲအချိန်တွင်ဆေးရုံသို့ ပို့ဆောင် ထားကာ ကျူးလွန်သူနှစ်ဦးဖမ်းဆီးရမိရေးအတွက် ဆောင်ရွက်နေကြောင်း အမြန်လမ်းမကြီးရဲတပ်ဖွဲ့မှူးရုံးမှ သတင်းထုတ်ပြန်ထားသည်။

“လူနာကိုတော့ နေပြည်တော် ကုတင်တစ်ထောင်ဆေးရုံကို ပို့ထားပါတယ်။ တရားခံတွေ ဖမ်းမိရေးအတွက် စုံစမ်းဆောင်ရွက်နေကြပါတယ်။”ဟု အမြန်လမ်းမကြီး ရဲတပ်ဖွဲ့မှူးရုံးတာဝန်ကျ ရဲအရာရှိတစ်ဦးမှ ပြောသည်။

ဖြစ်စဉ်မှာ ဖေဖော်ဝါရီလ ၆ ရက်နေ့၊ ညနေ ၅ နာရီခန့်အချိန်တွင် အဆိုပါ ခရီးသည်နှစ်ဦးက အငှားယာဉ်အား ငှားသွားခဲ့ပြီးနောက် ည ၁ဝ နာရီခွဲခန့်အချိန်တွင် ဖြူးတွင် ထမင်းစားပြီး ဆက်လက်ထွက်ခွာရာ မိုင်တိုင် ၁၇၉/ ၁နှင့် ၁၇၉/၂. အကြား လမ်းဘေးတွင် ခေတ္တရပ်တန့်နား၍ အငှားယာဉ်မောင်းမှာ ခရီးသည်နှစ်ဦးနှင့် ဘီယာ အတူတူ ထိုင်သောက်ရင်းမှ ခရီးသည်နှစ်ဦးက ယာဉ်မောင်းကို ဓားဖြင့်ထိုးကာ ကားအားလုပြေးသွားခြင်း ဖြစ်ကြောင်း သိရသည်။

ယာဉ်မောင်းဖြစ်သူ၏ ကနဦး ထွက်ဆိုချက်အရ ကားအားခေတ္တရပ်နားစဉ် စကားများရာမှဓားဖြင့်ထိုးပြီး လက်လွန်၍ ကားယူကာထွက်ပြေးသွားခြင်းဖြစ်ကြောင်း အမြန်လမ်းမကြီးရဲတပ်ဖွဲ့မှူးရုံး၏ ထုတ်ပြန်ချက်တွင် ပါရှိသည်။

ဓားဖြင့်အထိုးခံရသည့်အချိန်မှာ ဖေဖော်ဝါရီလ ၇ ရက်နေ့၊ နံနက် ၂ နာရီခန့်အချိန်ဖြစ်ပြီး ယာဉ်မောင်းအား ဓားဖြင့်ထိုး၍ ထားခဲ့သည်ကို ခရီးသည်ယာဉ်တစ်စီးမှ တွေ့ရှိခဲ့သဖြင့် ၎င်းတို့မှ အမြန်လမ်းမကြီးရဲတပ်ဖွဲ့၊ သာဂရဲစခန်းသို့ အကြောင်းကြားရာခဲ့ရာမှ ရဲတပ်ဖွဲ့မှ သွားရောက် စစ်ဆေးနိုင်ခဲ့ခြင်းဖြစ်ကြောင်းသိရသည်။

Loading...

Facebook Comments