မြန်မာဂန္ထ၀င်အဆိုတော်ကြီးဦးမင်းနောင် (ကိုမင်းနောင်)ကွယ်လွန်လေပြီ

မြန်မာဂန္ထ၀င်အဆိုတော်ကြီး ဦးမင်းနောင် (ကိုမင်းနောင်)သည် ၂၀၁၉ ဇန်န၀ါရီ ၃၁ ရက် ညနေ ၅း၄၅ နာရီက အာရှတော်ဝင်ဆေးရုံ ၇ လွှာ၊ အခန်းနံပါတ် ၁၇ တွင် ကွယ်လွန်သွားခဲ့ပြီ ဖြစ်ပါသည်။
အမေရိကန်မှ သားသမီးများ လာရောက်ပြုစုကြသော်လည်း သူနေထိုင်မကောင်းဖြစ်နေသည်မှာ ကြာပြီဖြစ်၍၎င်း။ အသက်အရွယ်အရလည်း ကြီးရင့်ပြီးဖြစ်၍ ပြန်လည်နေကောင်းရန် မည်သို့မျှ မတတ်နိုင်ကြဘဲ လက်လွှတ်ကြရခြင်း ဖြစ်သည်။ ဇနီးအဆိုတော်ရီလေး (ဒေါ်ရီလေး)ကလည်း အတတ်နိုင်ဆုံးပြုစုခဲ့သည်။ သို့သော် သေခြင်းတရားကို မည်သူမျှမတားနိုင်၍ လက်လွှတ်ဆုံးရှုံးခဲ့ရသည်။

ကိုမင်းနောင် (ဦးမင်းနောင်)သည် ကျော်ကြားထင်ရှားသော တေးများစွာကို သီဆိုခဲ့ပြီး ရုပ်ရှင်မင်းသားအဖြစ်လည်း ရိုက်ကူးခဲ့သေးသည်။ နိုင်ငံတော်က စည်သူဘွဲ့ပေးအပ်ခဲ့သည်။

ကိုမင်းနောင်သည် ကွယ်လွန်ချိန်တွင် အသက် ၈၉ နှစ်
ရှိပြီဖြစ်ကြောင်း သိရပါသည်။

ကျန်ရစ်သော ရုပ်ကလာပ်ကို ဖေဖော်ဝါရီလ ၂ ရက် နေ့လယ် ၃ နာရီမှာ ရေဝေးသုသာန်တွင် မီးသဂြိ်ုဟ်မည်ဖြစ်ကြောင်း သိရသည်။

ကွယ်လွန်ချိန်တွင် ဇနီးဖြစ်သူ အဆိုတော်ကြီး ဒေါ်ရီလေး၊ သားသမီးများဖြစ်ကြသော ကိုမင်းဦး၊ မောင်နေလင်း၊ သမီးကလျာမင်းမင်းဦးတို့ ကျန်ရစ်ခဲ့ပါသည်။

Credit : News Watch

Loading...

Facebook Comments