တိုက်ပွဲဖြစ်ပွားပြီး AA တပ်ဖွဲ့ နယ်စပ်ခြံစည်းရိုးဖျက်၍ ဘင်္ဂလားဒေ့ရ်ှထဲသို့ ၀င်ပြေး

ရခိုင်တပ်မတော်( AA) နှင့် တပ်မတော်အကြား ယမန်နေ့ နေ့လယ်ပိုင်းက မြန်မာ-ဘင်္ဂလားဒေ့ရှ် နှစ်နိုင်ငံနယ်စပ်ခြံစည်းရိုးအနီးတွင် တိုက်ပွဲဖြစ်ပွားပြီး AA တပ်ဖွဲ့ဝင်များသည် နယ်စပ်ခြံစည်းရိုးကို ဖျက်၍ ဘင်္ဂလားဒေ့ရ်ှနိုင်ငံထဲသို့ ထွက်ပြေးသွားကြောင်း တပ်မတော်က သတင်းထုတ်ပြန်သည်။

အဆုိုပါတုိုက်ပွဲဖြစ်စဉ်တွင် AA တပ်ဖွဲ့က ထောင်ထားသည့် မိုင်းနင်းမိ၍ နယ်ခြားစောင့်ရဲတပ်ဖွဲ့ဝင် ၂ ဦး ထိခိုက်ဒဏ်ရာရရှိကြောင်း၊ မြန်မာ-ဘင်္ဂလားဒေ့ရှ် နှစ်နိုင်ငံနယ်စပ် ခြံစည်းရိုး၊ နယ်စပ်မှတ်တိုင်အမှတ်၊ ဘီပီ-၅၆ လုံခြုံရေးစခန်းတွင် နယ်မြေလုံခြုံရေး ဆောင်ရွက်လျက်ရှိသော နယ်ခြားစောင့် ရဲတပ်ဖွဲ့မှ တပ်ဖွဲ့ဝင်အချို့သည် ဘီပီ-၅၆ စခန်း၏ တောင်ဘက် မီတာ ၁၇ဝဝ သို့အရောက်၌ AA အဖွဲ့မှ ထောင်ထားသော နင်းမိုင်းတစ်လုံး နင်းမိပေါက်ကွဲခဲ့ပြီး AA အဖွဲ့မှအင်အားအချို့နှင့် ထိတွေ့တိုက်ပွဲဖြစ်ပွားခဲ့ကြောင်း၊

အဆိုပါတိုက်ပွဲ ဖြစ်စဉ်နေရာသို့ တပ်မတော်နှင့်ရဲ ပူးပေါင်းအဖွဲ့တို့ သွားရောက် ပူးပေါင်းစဉ် ဖြစ်စဉ်နေရာသို့ မရောက်မီ မီတာ ၄ဝဝ ခန့်အကွာသို့အရောက်၌ ခန့်မှန်းအင်အား ၅ဝ ဦးခန့်ရှိ AA အဖွဲ့က အသင့်စောင့်ကြို ဖြတ်တောက် တိုက်ခိုက်ခဲ့ကြောင်း၊ AA အဖွဲ့ဝင်များသည် နှစ်နိုင်ငံ နယ်နိမိတ်ခြံစည်း ရိုး၏အပြင်တစ်ဖက် ဘင်္ဂလားဒေ့ရ်ှနိုင်ငံ အတွင်းသို့ ဆုတ်ခွာထွက်ပြေးသွားခဲ့ကြောင်း၊

ဖြစ်စဉ်နေရာ အနီးတစ်ဝိုက်၌ AA အဖွဲ့ဝင်များ အသင့်စောင့်ကြို နေရာယူထားသည့် ပစ်ကျင်းများနှင့် နှစ်နိုင်ငံ နယ်စပ်ခြံစည်း ရိုးတွင် အကျယ် ၄ ပေ၊ အမြင့် ၅ ပေခန့်ရှိ ဖျက်ဆီးထားသော နေရာလေးနေရာအား တွေ့ရှိရကြောင်း တပ်မတော်သတင်းထုတ်ပြန်ချက်တွင် ဖော်ပြထားသည်။

အဆိုပါသတင်းနှင့်ပတ်သက်၍ ရန်ကုန်ခေတ်သစ်က AA ပြန်ကြားရေးတာဝန်ခံ ဦးခိုင်သုခထံ ဆက်သွယ်သော်လည်း အဆက်အသွယ်မရသေးပေ။ဓာတ်ပုံ- နယ်စပ်ခြံစည်းရုိုးဖျက်စည်းထားပုံနှင့် တိုက်ပွဲဖြစ်ပွားရာ နေရာပြပုံ။

Credit :khitthitnews

Loading...

Facebook Comments