AA နဲ့ တိုက်ပွဲမှာ လေယာဉ်သုံးခဲ့တဲ့အပေါ် ဝေဖန်မှုတွေ မြင့်တက်

NLD အစိုးရရဲ့ သမ္မတရုံးက လက်ရှိဖြစ်ပွားနေတဲ့ ရခိုင့်တပ်မတော် AA နဲ့ တိုက်ပွဲမှာ တပ်မတော်ကို လေကြောင်းကနေ တိုက်ခွင့်ပေးခဲ့တာကြောင့် ဝေဖန်မှုတွေ မြင့်တက်နေပါတယ်။ RFA သတင်းထောက် ကိုထက်အာကာ က တင်ပြထားပါတယ်။

ဲပြီးခဲ့တဲ့ ဇန်န၀ါရီလ ၇ ရက်နေ့က နိုင်ငံတော်သမ္မတရုံးက သတင်းစာရှင်းလင်းပွဲမှာ AA နဲ့ဖြစ်နေတဲ့တိုက်ပွဲမှာ တပ်မတော်အနေနဲ့ တပ်အင်အားတိုးမြင့်သုံးစွဲဖို့ လိုအပ်ရင် ရဟတ်​ယာဉ်သုံးစွဲဖို့ သမ္မတရုံးက ညွှန်ကြားထားကြောင်း သမ္မတရုံးပြောရေးဆိုခွင့်ရှိသူဦးဇော်ဌေး ကပြောလိုက်ပါတယ်။

အဲဒီလို ညွှန်ကြားတယ်လို့ သတင်းစာရှင်းလင်းပွဲပြောပြီးနောက်မှာ ပြည်တွင်းစစ်မှာ ရဟတ်​ယာဉ်သုံးတာဟာ နိုင်ငံတကာ ဥပဒေတွေကို ချိုးဖောက်တာ လူ့အခွင့်အရေးကို ချိုးဖောက်တာဆိုပြီး နိုင်ငံတော်အတိုင်ပင်ခံပုဂ္ဂိုလ်နဲ့ မြန်မာ့တပ်မတော်ကို ဝေဖန်လာကြပါတယ်။

တပ်မတော်ဘက်ကတော့ ရဟတ်​ယာဉ်သုံးတာက အစိုးရကလည်းခွင့်ပြုတယ် ပြည်တွင်းစစ်မှာ ရဟတ်​ယာဉ်မသုံးရဘူးဆိုတာကလည်း ဥပဒေမှာမရှိကြောင်း တပ်မတော်သတင်းအမှန်ပြန်ကြားရေးက ဗိုလ်မှူးကြီးဇော်မင်းထွန်း ကပြောပါတယ်။

“ရဟတ်​ယာဉ်သုံးတာက အစိုးရကလည်း ခွင့်ပြုထားတယ်၊ ကျနော်တို့က သောင်းကျန်းသူနှိမ်နှင်းရေးမှာ သုံးလို့ရတယ်ဆိုတာ နိုင်ငံတကာစံနှုန်းမှာလည်းရှိတယ်၊ ပြည်တွင်းလက်နက်ကိုင်ပဋိပက္ခတွေမှာ ရဟတ်ယာဉ် မသုံးရဘူးဆိုတာ မရှိဘူးဗျ”တပ်မတော်ကတော့ ရခိုင့်တပ်မတော်နဲ့ ဖြစ်ပွားနေတဲ့တိုက်ပွဲမှာ ရဟတ်​ယာဉ်နဲ့ တိုက်ခိုက်တဲ့အပေါ် ရခိုင့်တပ်မတော်ဘက်က ပြန်ကြားရေးတာဝန်ခံ ခိုင်သုခက အခုလိုပြောပါတယ်။

“အင်အားအလွန်ကျွံသုံးပြီး တိုက်ခိုက်တယ်ဆိုတာက သူတို့ဂုဏ်သိက္ခာဘဲဗျ၊ လေယာဉ်နဲ့ ဗုံးကျဲပြီး တိုက်ခိုက်တာ တကယ်တမ်းထိခိုက်တာက ဒေသခံပြည်သူတွေပဲဗျ၊ ဒီလိုပြည်သူတွေကို ဗုံးကျဲပြီးတိုက်ခိုက်တာဟာ လူသားတွေပေါ်မှာ ကျူးလွန်တဲ့ရာဇဝတ်မှုပဲဗျ”

တပ်မတော်က ရခိုင်တပ်မတော်ကို AA ကို သောင်းကျန်းသူလို့ စွပ်စွဲတဲ့အပေါ်ကို ခိုင်သုခက ရခိုင့်တပ်မတော်AA က သောင်းကျန်းသူမဟုတ်ဘဲ တပ်မတော်ကသာ သောင်းကျန်းသူတွေဖြစ်တယ်လို့ ဆက်ပြောပါတယ်။

အခြားတိုင်းရင်းသားလက်နတ်ကိုင်တွေကကော ရဟတ်ယာဉ်သုံးစွဲတဲ့အပေါ်ကော လက်ခံကြပါသလား။

ကရင်အမျိူးသားအစည်းရုံးက ဒုတိယ ဥက္ကဌဟောင်း နော်စီဖိုးရာစိန်ကတော့ ပြည်တွင်းစစ်ကို ရဟတ်​ယာဉ်သုံးဖို့ အစိုးရက ခွင့်ပြုတာဟာ မဖြစ်သင့်ကြောင်းနဲ့ တိုင်းရင်းသားတွေကလဲ အစိုးရအပေါ် ယုံကြည်မှုတွေ ကျဆုံးလာမယ်လို့ပြောပါတယ်။”ရဟတ်​ယာဉ်သုံးပြီး ခေတ်မှီလက်နက်တွေသုံးပြီး တိုက်တယ် မဖြစ်သင့်ဘူး ဘာလို့လဲဆိုတော့ ဒါကပြည်တွင်းမှာဖြစ်နေတဲ့ တိုက်ပွဲပြည်ပနဲ့ ဖြစ်နေတာ မဟုတ်ဘူး အဲဒီလိုကြောင့် ပြည်တွင်းငြိမ်းချမ်းရေးကို အခက်ခဲဖြစ်လိမ့်​မယ်၊ အများရဲ့ယုံကြည်မှုလည်း ကျဆုံးလာလိမ့်​မယ်”

ပြည်တွင်းစစ်မှာ ရဟတ်​ယာဉ်သုံးစွဲတာဟာ နိုင်ငံတကာ ဥပဒေတွေနဲ့ ညီညွတ်မှုရှိရဲ့လားဆိုတာ လူ့အခွင့်အရေးရှေ့နေ ဦးအောင်ထူးက အခုလိုပြောပါတယ်။”အကြမ်းဖက်အဖွဲ့စည်းဆိုတဲ့ လက္ခဏာက လုံးဝမရှိဘူး၊ အဲဒီမရှိတဲ့ အခြေခံအောက်မှာ လက်ရှိအစိုးရက လေယာဉ်ပျံသုံးတယ်ဆိုတာ နိုင်ငံတကာစည်းမျဉ်းနဲ့ ဆန့်ကျင်နေတယ်”

အဲဒီလိုရဟတ်​ယာဉ်သုံးတာဟာ လူ့အခွင့်အရေးချိုးဖောက်ရာကျပါသလားဆိုတာ မြန်မာနိုင်ငံ လူ့အခွင့်အရေးကော်မရှင်က ဦးယုလွင်အောင် ကိုမေးမြန်းကြည့်တဲ့အခါမှာ”လူတွေကပြေးကြ ဆေးမကုနိုင် ကျောင်းမတတ်နိုင် ဒါတွေကတော့ လူ့အခွင့်အရေးနဲ့ ဆိုင်တာပေါ့နော်၊ ဒါပေမဲ့ ရဟတ်​ယာဉ်သုံးတိုင်း လူ့အခွင့်အရေးချိုးဖောက်တယ်လို့တော့ ပြောလို့မရဘူးဗျ”ရခိုင်ပြည်နယ်မှာ ပြီးခဲ့တဲ့ဇန်န၀ါရီလ ၄ ရက်နေ့က စတင်ပြီး တိုက်ပွဲဖြစ်ပွားလာခဲ့တာကြောင့် စစ်ဘေးဒုက္ခသည် ၅၀၀၀ ကျော် ရှိနေပြီဖြစ်ပါတယ်။

Credit :RFA Burmese

Loading...

Facebook Comments