AA နဲ့ တိုက်ပွဲဟာ သောင်းကျန်းသူကို နှိမ်နင်းရေးလို့ တပ်မတော် သတ်မှတ်

ရခိုင့်တပ်မတော် AA နဲ့ ဖြစ်တဲ့ တိုက်ပွဲဟာ ပြည်တွင်းစစ်မဟုတ်ဘဲ သောင်းကျန်းသူကို တိုက်တဲ့ တိုက်ပွဲ သာဖြစ်ကြောင်း တပ်မတော်က ဒီကနေ့ ပြောလိုက်ပါတယ်။

AA နဲ့ ရင်ဆိုင်တဲ့တိုက်ပွဲမှာ တပ်မတော်က လေကြောင်းကနေ ရဟတ်ယာဉ်အသုံးပြုပြီး တိုက်ခိုက်ခဲ့တာနဲ့ ပတ်သက်လို့ RFA က ဆက်သွယ်မေးမြန်းရာမှာ တပ်မတော်သတင်းမှန်ပြန်ကြားရေးက ဗိုလ်မှူးကြီး ဇော်မင်းထွန်း က အခုလိုပြောလိုက်တာပါ။

ဒီတိုက်ပွဲတွေဟာ သောင်းကျန်းသူ နှိမ်နှင်းရေးလို့ သတ်မှတ်ကြောင်း RFA ကို ပြောပါတယ်။

ပြီးခဲ့တဲ့ ဇန်န၀ါရီလ ၄ ရက်နေ့က ရခိုင့်တပ်မတော် AA က ရခိုင်ပြည်နယ် မြောက်ပိုင်း ဘူးသီးတောင်က ရဲစခန်း ၄ ခုကို ၀င်ရောက်တိုက်ခိုက်ခဲ့တာဖြစ်ပါတယ်။

တပ်မတော်ကို စစ်အင်အားတိုးမြှင့်ဖို့နဲ့ လိုအပ်ရင် ရဟတ်ယာဉ်အသုံးပြုဖို့ပါ သမ္မတရုံးက ကာကွယ်ရေးဝန်ကြီးဌာနကို ညွန်ကြားထားတာဖြစ်ပါတယ်။

ဒီသတင်းကို RFA သတင်းထောက် ကိုထက်အာကာ ပေးပို့တာပါ။

Loading...

Facebook Comments