ငွေနှစ်သိန်းနဲ့ အသက် လဲလိုက်ရသော လူကြမ်းမင်းစိန်

အဆုတ်ရောဂါဖြင့် ကွယ်လွန်သွား သော ရုပ်ရှင်နှင့်ဗီဒီယို လူကြမ်းသရုပ် ဆောင်မင်းစိန်ကို ဇန်နဝါရီ ၇ ရက်တွင် ရေဝေးသုသာန်၌ မီးသင်္ဂြိုဟ်ခဲ့ကြောင်း သိရသည်။ ရုပ်ရှင်နှင့်ဗီဒီယို လူကြမ်းသရုပ် ဆောင်မင်းစိန်သည် အဆုတ်ရောဂါ ဖြင့် ရန်ကုန်ဆေးရုံကြီးတွင် ဇန်နဝါရီ ၅ ရက် နံနက် ၂ နာရီခွဲခန့်တွင် ကွယ်လွန်သွားကြောင်း သိရသည်။

”အခုနောက်ပိုင်း ဗီဒီယိုကပျက်၊ ရုပ်ရှင်ဇာတ်ကားတွေမှာလဲ လူကြမ်း ဇာတ်ဝင်ခန်းတွေ သိပ်မပါတော့ လူ ကြမ်းတွေက ကြုံရာကျပန်းလုပ်စားနေရတာ အဲဒီအထဲမှာ မင်းစိန်လဲပါတယ်။ သူ့မိသားစု စားဝတ်နေရေးအတွက် မိုးကုတ်မှာ စီးပွားရေးသွားလုပ်ရာကနေ နေထိုင်မကောင်း ဖြစ်လို့ ပြန်လာတာ။ မနေ့ကအထိကို အကောင်းကြီး။ နေမကောင်းလို့ ဆေးရုံတင်တယ်။

ဒီနေ့မနက်ပဲ လောကကြီးကို နှုတ်ဆက်သွားပြီ။ သူ မိုးကုတ်မှာ အလုပ်သွားလုပ်လို့ရတာက နှစ်သိန်း။ နှစ်သိန်းနဲ့ အသက်တစ်ချောင်းကို လဲလိုက်ရတယ်။ မင်းစိန် ကွယ်လွန်တာက ကိုလူချောအဖွဲ့အတွက်တော့ တကယ်ကို စိတ်မကောင်းဖြစ်ရတယ်။ မင်းစိန်တစ်ယောက် နောင်ဘဝ လူဖြစ်ရင် ဒီလိုဘဝမျိုးမှာ လူလာမဖြစ်ပါစေနဲ့လို့ ဆုတောင်းပေးချင်တယ်”ဟု ကိုလူချောအဖွဲ့ခေါင်းဆောင် သရုပ်ဆောင်အောင်ခိုင်က ပြောသည်။

ရုပ်ရှင်၊ ဗီဒီယိုဇာတ်ကားများ မရိုက်ကူးရခြင်းကြောင့် လူကြမ်းသရုပ်ဆောင်မင်းစိန် သည် မိုးကုတ်တွင် ဗီဒီယိုဇာတ်ကား အဟောင်း၊ အသစ်များကို သွားရောက်ရောင်းချခြင်း ဖြစ်ပြီး ယင်းကဲ့သို့ရောင်းချရာမှ ရရှိလာသောအကျိုးအမြတ်များဖြင့် မိသားစုစားဝတ်နေရေး ကို ဖြေရှင်းနေရသူလည်းဖြစ်သည်။လူကြမ်းသရုပ်ဆောင်မင်းစိန်သည် ကွယ်လွန်ချိန်တွင် အသက် ၅၆ နှစ်ရှိပြီး ဇနီးဖြစ်သူနှင့်အတူ သားသမီးများ ကျန်ရစ်ခဲ့ကြောင်း သိရသည်။

Credit :Theyangontimes

Loading...

Facebook Comments