ရန်ကုန်မှာခေတ်စားလာတဲ့ ငွေကြေးချမ်းသာတဲ့ အမျိုးသမီးတွေကို ပစ်မှတ်ထား စပွန်ဆာတောင်းတဲ့ လုပ်ငန်း

စပွန်ဆာ ပေးဖို့ အွန်လိုင်းကနေ ချိတ်ဆက်လာတဲ့ အမျိုးသားတွေဟာ စပွန်ဆာတောင်းမယ့် အမျိုးသမီးတွေရဲ့ အကောင့်တွေကို သေချာစစ်ဆေးပြီးမှ တောင်းတတ်ကြတယ်။

ရန်ကုန်၊ နိုဝင်ဘာ ၂၈ – အသက် ၃၈ နှစ် အ ရွယ် single mother အဖြစ် ရပ်တည် နေတဲ့ ကုမ္ဗဏီပိုင်ရှင် မနွယ်နီ (အမည် လွှဲ)ရဲ့ မက်ဆင်ဂျာကို အမျိုးသားပုံ တစ်ပုံပါတဲ့ ပရိုဖိုင်ပုံတစ်ခုက စာနဲ့ ဓာတ် ပုံ သုံးပုံပို့လာခဲ့တဲ့အတွက် ဘယ်သူလဲ ဆိုပြီး ဖွင့်ကြည့်လိုက်ပါတယ်။

သူ့ဆီကို ရောက်လာတဲ့ စာသား တွေကတော့ “မမရေ စပွန်ဆာလိုချင် လို့ပါ၊ ကျောင်းလာတက်နေလို့ ငွေလို လို့ပါ၊ မမ သဘောကျဖြည့်ဆည်းပေးပါ မယ်၊ ညအိပ်လဲရပါတယ်”လို့ ရေးထား တဲ့ သည်စာသားတွေကြောင့် မနွယ်နီ တစ်ယောက် လန့်သွားပါတယ်။

မနွယ်နီဟာ လူမှုကွန်ရက်ပေါ်မှာ ပုံ တွေတင်လေ့ရှိသူတစ်ဦး မဟုတ်ပါဘူး။ သူ့အကောင့်မှာ တော်ရုံမသိသူတွေကို သူငယ်ချင်းအဖြစ် လက်မခံသလို အမျိုး သားတွေကို ဖြားယောင်းတဲ့ စာသား တွေကိုလည်း တစ်ခါမှ မတင်ဖူးသလို သမီးဖြစ်သူနဲ့ နှစ်ယောက်တွဲပုံတွေသာ အများအပြား တင်ဖူးတာပါ။

“ကျွန်မ တအားလန့်သွားတယ်၊ နောက်ကျမှ သိရတာက ဒီကောင်လေး တွေရဲ့ သူငယ်ချင်းတွေက ဖေ့စ်ဘုတ်ခ် ပေါ်ကနေ စပွန်ဆာရှာကြလို့၊ သူလဲ ကိုယ်တိုင်ရှာတာလို့ ပြောတယ်၊ ကျွန်မ က နောက်ထပ်စာတွေ ထပ်ပို့မယ်ဆို လိုင်းပေါ်မှာ တင်လိုက်ရမလားဆိုတော့ မှ စာပို့တာတွေရပ်သွားတာ၊ ငယ်ငယ် ချောချောလေးတွေ၊ ပျက်စီးနေကြတာ”လို့ သူကိုယ်တိုင်ကြုံတွေ့ခဲ့ရတာကို ပြန် ပြောပြပါတယ်။

လူမှုကွန်ရက် စာမျက်နှာတွေပေါ် မှာလည်း အမျိုးသမီးတွေအပြင် အမျိုး သားတွေအတွက် စပွန်ဆာရှာပေးတဲ့ အကျိုးဆောင်ပေ့ခ်ျတွေ အများအပြား ရှိနေကြပေမဲ့ သည်နောက်ပိုင်းတွေမှာ တော့ စပွန်ဆာလိုချင်သူတွေကိုယ်တိုင် ငွေကြေးချမ်းသာတဲ့ လူလတ်ပိုင်းအ ရွယ် အမျိုးသမီးတွေကို ပစ်မှတ်ထား လာကြပါတယ်။

စပွန်ဆာနဲ့ လိင်လုပ်သားမတူဘူး လို့ သူတို့ကိုယ်တိုင်ခွဲခြားထားပြီး အချိန် ပိုင်း၊ လပြတ်၊ တစ်နှစ်တစ်ခါပုံစံမျိုးနဲ့ စပွန်ဆာပေးဖို့ တောင်းဆိုလာကြတယ် လို့ စပွန်ဆာပေးဖို့ စာပို့ခံရသူအမျိုးသ မီး ရှစ်ဦးခန့်ရဲ့ ပြောပြချက်အရ သိရပါ တယ်။

တစ်လကို ငါးရက်အတူနေပေးရင် ဈေးတစ်မျိုး၊ နယ်ဝေးတွေသွားတဲ့အ ခါ အတူလိုက်ပေးတာ၊ တစ်ပတ်ကို သုံး ကြိမ်အတူနေပေးရင် ဈေးအမျိုးမျိုးနဲ့ သတ်မှတ်ထားကြပါတယ်။စပွန်ဆာလိုချင်လို့ မက်ဆေ့ခ်ျက နေ ဆက်သွယ်လာသူတွေက အသက် ၂၀ ကျော်ကနေ ၃၅ နှစ်တွေ အများဆုံး ဖြစ်နေကြပြီး စပွန်ဆာယူဖို့ တောင်းခံ တဲ့ အကြောင်းပြချက်တွေကလည်း အ မျိုးမျိုးပါပဲ။

မိသားစုဝမ်းရေးဖြည့်ဆည်းပေးဖို့ ငွေလိုလို့၊ နယ်ဝေးကနေ ကျောင်းလာ တက်ပြီး ငွေကြေးမလောက်လို့၊ လက် ရှိ အ လုပ် အ ကိုင် နဲ့ အ သုံး စ ရိတ် မလောက်လို့ ငွေလိုလို့၊ မိဘတွေကို ဆေးဖိုးထောက်ပံ့ပေးဖို့ ငွေလိုလို့၊ တချို့ကလဲ သင်တန်းတက်ချင်တာ၊ အနုပညာအလုပ်လုပ်ချင်လို့စတဲ့ အ ကြောင်းပြချက်တွေနဲ့ စပွန်ဆာပေးဖို့ ဆက်သွယ်လာကြပါတယ်။

အွန်လိုင်းပေါ်က စပွန်ဆာချိတ်ပေး နေတဲ့ ပေ့ခ်ျတွေမှာလည်း အမျိုးသား ငယ်တွေက စပွန်ဆာ လိုချင်တယ်ဆိုပြီး ချိတ်ဆက်မှုတွေ ရှိနေပါတယ်။ သည် ပေ့ခ်ျတွေ က နေ ချိတ်ပါက အကျိုး ဆောင်ခ ၂၀ ရာခိုင်နှုန်းကနေ ၃၀ ရာခိုင် နှုန်းလောက်အထိ ပေးရတာကြောင့် ငွေကြေးတတ်နိုင်တဲ့ သူတွေရဲ့ မက် ဆေ့ခ်ျတွေထံ စပွန်ဆာလိုချင်တယ်ဆို ပြီး ချိတ်ဆက်လာကြတယ်လို့ သိရပါ တယ်။

အသက် ၄၅ နှစ်အရွယ် မအေးမြတ် သူဟာ ကလေးနှစ်ဦးရဲ့အမေ စီးပွားရေး လုပ်ငန်းလုပ်ကိုင်နေသူတစ်ယောက်ပါ။ အမျိုးသားက သင်္ဘောကုမ္ဗဏီတစ်ခုမှာ အရာရှိလုပ်နေသူပါ။

သူ့ကိုယ်ပိုင် သုံး နေတဲ့အကောင့်မှာ မိသားစုပုံတွေတင် တာ၊ လုပ်ငန်းက ဝန်ထမ်းတွေနဲ့ ခရီး အတူသွားတဲ့ ပုံတွေတင်တာ၊ ဒါတွေကို သာ တင်တာများပေမဲ့ စပွန်ဆာလိုချင် တယ်ဆိုပြီး အသက် ၂၀ ကျော်အရွယ် အမျိုးသားတစ်ဦးရဲ့ မက်ဆေ့ခ်ျ ပို့ခြင်းခံခဲ့ရတယ်လို့ သူက ပြောပြပါ တယ်။

“ကိုယ်တိုင်က လှလှပပနေတယ်၊ ဝန်ထမ်းတွေနဲ့ပုံတင်တယ်၊ မိသားစုပုံ အမျိုးသားဆီက လက်ဆောင်ရတဲ့ အ မှတ်တရတွေပဲ တင်ဖြစ်တာပါ၊ ဒါကို ဘယ်ကနေဘယ်လိုအကောင့်ကို တွေ့ သွားလဲ မသိဘူး၊ စပွန်ဆာလိုချင်တယ် ဆိုပြီး ဆက်သွယ်လာတာ၊ ဖုန်းနဲ့ပါ ဆက်သွယ်တာ၊ တော်တော်အံ့သြရ တယ်၊ လူငယ်တွေ အလုပ်မကြိုးစားဘဲ အလွယ်လမ်းရှာနေကြတယ်”လို့ သူ တွေ့ကြုံရတဲ့ အတွေ့အကြုံကို ပြောပြ ပါတယ်။

တောင်းတဲ့ ဈေးတွေကလည်း အ မျိုးမျိုး၊ လအလိုက်ဆိုတစ်လကို အ နည်းဆုံး သုံးသိန်းကနေ ၁၀ သိန်းအထိ တောင်းဆိုတတ်ကြပါတယ်။ သူတို့မှာ ဘာရောဂါမှ မရှိကြောင်း ဆေးအစစ် ခံနိုင်တယ်လို့ ပြောဆိုတာ၊ မှတ်ပုံတင်၊ ကျောင်းသားကတ်တွေနဲ့ နမူနာပြပြီး စပွန်ဆာပေးဖို့ တောင်းဆိုတတ်ကြပါတယ်။

အွန်လိုင်းပေါ်ကနေ စပွန်ဆာချိတ် ဆက်ပေးတဲ့ ပေ့ခ်ျတွေမှာတော့ စည်း ကမ်းချက်သတ်မှတ်ထားပြီး စပွန်ဆာ ချိတ်ဆက်လိုသူနဲ့ စပွန်ဆာပေးမယ့်သူ တွေ အမျိုးသမီးတွေကို ဖိတ်ခေါ်ပါ တယ်။

တချို့ပေ့ခ်ျတွေမှာ ရေးထားတဲ့ စာ တွေကတော့ ပုံမှန်ချိတ်ဆက်ခြင်း မဟုတ်ဘဲ လက်ရွေးစင် အဖြစ် တိကျစွာ စိစစ်ရွေးချယ်ပြီး ချိတ်ဆက်ပါမယ်၊ လုံ ခြုံမှု သတင်းမပေါက်ကြားဖို့အတွက် ရာခိုင်နှုန်းပြည့်အာမခံပါသည်။ အောက် ပါ အချက်များနှင့် ပြည့်စုံရပါမယ်။

(၁) ရုပ်ရည်ချောမောပြီး အသားလတ် သူ အသားဖြူသူ ဖြစ်ရပါမယ်။ (၂) ပိန် လွန်းသူဝလွန်းသူ ပုလွန်းသူ မဖြစ်ရပါ။ (၃) လူမှုရေး အရှုပ်အရှင်းကင်းသူ အိမ် ထောင် မရှိသူ ဖြစ်ရပါမယ်။ (၄) ညအိပ် ထွက်နိုင်သူ ရံဖန်ရံခါ ခရီးသွားလာ နိုင်သူ ဖြစ်ရပါမယ်။ (၅) အချိန် တိကျသူ၊ ကတိတည်သူ၊ စကားတည်တံ့သူဖြစ် ရပါမယ်။(ဗလောင်းဗလဲ ပြောတတ်သူ မဖြစ်ရ။)

(၆) ကျောင်းသူသို့မဟုတ် ဝန် ထမ်းဖြစ်ကြောင်း အထောက်အထား ပြနိုင်ရပါမယ်။ (ကေတီဗီ၊ မာဆတ်၊ ကလပ်နဲ့ စီးပွားရေးအရ လုပ်စားသူများ လက်မခံပါ။ အမှန်တကယ် ငွေကြေး အခက်အခဲကို ဖြေရှင်းလိုသူသာ ဖြစ်ရ ပါမယ်။) ၇။ လက်ရှိ အခြား admin များ agency များနဲ့ လက်တွဲချိတ်ဆက်အ လုပ်လုပ်နေသူ မဖြစ်ရပါ။ ၈။ ကူးစက် ရောဂါ တစ်မျိုးမျိုးရှိသူ မဖြစ်ရပါ (ဆေး စစ်ပါမည်။) ၉။ အနေအထိုင် အပြော အဆို သိမ်မွေ့သူ ဖြစ်ရပါမည်။ အ ထက်ပါ အချက်အလက်နဲ့ ပြည့်စုံသူများ

c b တွင် လုံခြုံစွာ လာရောက် ဆွေးနွေးတိုင်ပင်နိုင်ပါတယ်။ စိတ်ကျေနပ်မှ အ လုပ်လုပ်ပါ။ ကိုယ်ရေးအချက်အလက် များမပေါက်ကြားဖို့နဲ့ လုံခြုံရေးအတွက် စိတ်အေးအေးထားပါ။ အတိကျဆုံး အ လုံခြုံဆုံးဖြစ်အောင် ချိတ်ဆက်ရေး သက်တမ်းလေးနှစ်ကျော် mt sponsor မှ စီစဉ်ပေးပါမယ်။

တစ်လကို ငါး သိန်းနှင့် ဆယ်သိန်းကြား ရရှိပါမယ်ဆို ပြီး ကြော်ငြာထားတာလည်း ရှိပါတယ်။သည်လို ပေ့ခ်ျမျိုး ၃၀ ကျော် ရှိနေ ပြီး တချို့ကတော့ ပေ့ခ်ျတွေကနေ ချိတ် တာထက် ကိုယ်တိုင် စိတ်ဝင်စားလို့ ချိတ်တာတွေက ပိုပြီး အဆင်ပြေတယ် လို့ စပွန်ဆာချိတ်ဖူးသူ ကျောင်းသား တစ်ဦးက ပြောပါတယ်။

သူ့ရဲ့ ပြောကြားချက်အရ အသက် ၄၀ အရွယ်တစ်ခုလတ်အမျိုးသမီးဆီ ကနေ တစ်လကို လေးသိန်းနဲ့ တစ်နှစ် တိတိ အတူနေပေးရတယ်လို့ ဆိုပါ တယ်။ နိုင်ငံခြား ခရီးစဉ်တွေသွားတာ၊ အပန်းဖြေခရီးသွားတာတွေပါ တွဲလုပ် ပေးရပြီး တစ်လလေးကြိမ်လောက် အ တူနေထိုင်ပေးရတယ်လို့ သူက ပြောပါ တယ်။

သည်လို စပွန်ဆာ တောင်းခံရတဲ့ သူတွေကတော့ အများအားဖြင့် လူသိ မှာ စိုးတာရယ်ကြောင့် အကောင့်တွေကို ဘလော့ကြတာ၊ အချို့အမျိုးသမီးတွေ က အကောင့်ဘလော့တာတွေ မလုပ် ဘဲ စာထပ်မပို့ဖို့အကြောင်း၊ သူတို့ဟာ သည် လို မိန်း မ အ မျိုး အ စား မ ဟုတ် ကြောင်းတွေကို ရှင်းပြတာတွေလည်း ရှိနေကြတယ်လို့ဆိုပါတယ်။

စပွန်ဆာတောင်းသူ အမျိုးသားအ များစုကတော့ သူတို့ရဲ့ ဓာတ်ပုံနဲ့ ကိုယ် ရေးအကျဉ်း လောက်သာပို့ပြီး ညစ် ညမ်းပုံတွေ မပို့ဘဲ ယဉ်ကျးတဲ့ ပုံစံနဲ့ သာ ပြောဆိုတတ်ကြတယ်လို့ စပွန်ဆာ ပေးဖို့ ကမ်းလှမ်းခံရဖူးသူ အမျိုးသမီး အ ချို့က ပြောပါတယ်။

အမျိုးသမီးတွေထံ စပွန်ဆာ ပေးဖို့ အွန်လိုင်းကနေ ချိတ်ဆက်လာတဲ့ အ မျိုးသားတွေဟာ အမျိုးသမီးရဲ့ အလုပ် အကိုင်၊ အနေအထိုင်၊ ဆွေမျိုးတွေနဲ့ အ တူနေထိုင်လား၊ ငွေတွေ ဘယ်လို ဝင်နေ လဲ၊ အလုပ်သွား၊ အလုပ်ပြန်ချိန်နဲ့ စပွန် ဆာတောင်းမယ့် အမျိုးသမီးတွေရဲ့ အ ကောင့်တွေကို သေချာစစ်ဆေးပြီးမှ တောင်းတတ်ကြတယ်လို့ ဆိုပါတယ်။

မနွယ်နီကတော့ သူ့ကို စပွန်ဆာ ပေးဖို့ တောင်းခံတဲ့ ကောင်လေးဟာ သူ့ ရဲ့ ဖေ့စ်ဘုတ်ခ်လှုပ်ရှားမှုတွေကို လေ့ လာထားသူ ဖြစ်ပြီး စပွန်ဆာရဖို့ ကြိုး စားပုံကို အခုလို ပြောပြပါတယ်။သူက“မမသူနဲ့နေရင် စိတ်ချမ်းသာ ဖို့နဲ့ ငွေကလွဲပြီး ကျန်တာ အကုန်ဖြည့် ဆည်းပေးမယ်ဆိုပြီး တစ်လနီးပါး လောက် အကောင့်အမျိုးမျိုးကနေ စာပို့ လာတာ၊ မမ မပေးနိုင်ရင် မမ သူငယ် ချင်းထဲက ရှာပေးဆိုပြီး ပြောလာတာ မျိုးနဲ့ပါ ကြုံရတာ၊ သုံးလလောက် ဖေ့စ် ဘုတ်ခ်တောင် မသုံးဘဲ နေလိုက်ရတာ”လို့ သူကြုံတွေ့ရတာကို ပြောပါတယ်။

Author အေးအေးအောင်
Source Kumudra
Myanmar Media

Loading...

Facebook Comments