စမ်းချောင်းမှာနေတဲ့ ကလေး ၂၂ ယောက်ရှိ မိခင်

ကျွန်မကလေးတွေကို နှလုံးသားနဲ့ မွေးပါတယ်’

စမ်းချောင်းမြို့နယ် တရုတ်ကျောင်းလမ်း တိုက်နံပါတ် ၃ဝ၊ ရှစ်လွှာတွင် မရှင်ငြိမ်းမယ် တစ်ယောက် ကလေးငယ်များနှင့် ဗျာများနေသည်။

ကလေးငယ်များကို သူပြုစုယုယနေပုံက မြင်ရသူကို ကြည်နူးစေသည်။ လူတိုင်းနီးပါး စားဝတ်နေရေးခက်ခဲနေသည့် ယနေ့အချိန်အခါတွင် ကလေး ၂၂ ယောက်၏ မိခင်ဖြစ်ရသည်မှာ လွယ်ကူလှသည်တော့ မဟုတ်။ ထို့ပြင် သူ့ကို မှီခိုနေသည့် ကိုယ်ဝန်ဆောင်မိခင် ၄ဝ နီးပါး အဆင်ပြေစွာ မွေးဖွားနိုင်ရန်အတွက်လည်း မရှင်ငြိမ်းမယ် လုံးပန်းနေရသည်။

ရည်းစားဖြစ်သူ (သို့မဟုတ်) ယောက်ျားဖြစ်သူတို့နှင့် စိတ်အလိုလိုက်ကာ ကိုယ်ဝန်ရရှိခဲ့ပြီးမှ အကြောင်းအမျိုးမျိုးကြောင့် လမ်းခွဲခဲ့ရသည့် အမျိုးသမီး များအဆင်ပြေလွယ်ကူစွာ မီးဖွားနိုင်ရန်အတွက် မရှင်ငြိမ်းမယ်က ၂ဝ၁၄ ခုနှစ်မှစ၍ စတင်ကူညီခဲ့ခြင်း ဖြစ်သည်။ မီးဖွားပြီးနောက် မိခင်ဖြစ်သူများက စွန့်ပစ်ခဲ့သည့် ကလေးငယ်များကို တရားဝင် မွေးစားခြင်းဖြင့် ကလေးများစွာ၏ မိခင်ဖြစ်လာခဲ့သည်။ ကလေးအများကြီးနှင့် နေရသည်ကို သူကိုယ်တိုင်က သဘောကျနေသည်။

”ကျွန်မငယ်ငယ်က အမျိုးသားတစ်ယောက်နဲ့ လက်ထပ်ခဲ့တယ်။ ပြီးတော့ ကျွန်မတို့ သဘောထားချင်း မတိုက်ဆိုင်လို့ ကွဲခဲ့ကြတယ်။ အဲဒီမှာ သူနဲ့ရတဲ့ ကိုယ်ဝန်ပါလာတယ်။ သမီးကလေး မွေးတယ်။ အဲဒီအတွက်ကြောင့် ယောက်ျားမရှိဘဲနဲ့ ကလေးမွေးရတဲ့ ခံစားချက်၊ ပတ်ဝန်းကျင်ရဲ့ ရိုက်ခတ်မှု ဒဏ်တွေကို ခံခဲ့ရတော့ ကိုယ်ချင်းစာစိတ်နဲ့ ဒီအလုပ်ကို လုပ်ဖြစ်ခဲ့တာ ပါ”ဟု For Mommy – မာမီကွတ် ခိုကိုးရာမဲ့ ကိုယ်ဝန်ဆောင်များ ကူညီရေးကို စတင်တည်ထောင်သူ မရှင်ငြိမ်းမယ်က ပြောသည်။

အသက် ၃၈ နှစ် ရှိပြီဖြစ်သည့် မရှင်ငြိမ်းမယ်တွင် သွေးသားနှင့်မွေးရသည့် ကလေးက တစ်ယောက်တည်းသာ ရှိသော်လည်း နှလုံးသားနှင့် မွေးထား သည့် ကလေးက ၂၁ ယောက်ရှိသည်။ ထို့ကြောင့် သူသည် ကလေးငယ် ၂၂ ယောက်၏ မိခင်ဖြစ်သည်။ သမီးအရင်းမှာ မူကြိုတက်နေပြီဖြစ်ပြီး နှလုံးသားနှင့်မွေးထားသည့် ကလေးငယ်များအနက် အကြီးဆုံးမှာ တစ်နှစ်နှင့် ခြောက်လသာရှိပြီး ကျန်ကလေးငယ်အများစုမှာ လသား အရွယ် လေးများ ဖြစ်သည်။

လက်ရှိနေထိုင်သည့် စမ်းချောင်းတွင် နှလုံးသားနှင့် မွေးထားသည့်ကလေးငယ် ၁၆ ဦးရှိပြီး သန်လျင် သဘာဝ တရားရိပ်သာ တွင် ကလေးငယ် ငါးဦးရှိသည်။ နေ့စဉ်သန်လျင်နှင့် စမ်းချောင်းကို ကူးချည်သန်းချည်လုပ်ကာ ကလေးငယ်များကို အချိန်ပေးနေရသည့်အပြင် လှည်တန်းတွင်ရှိ သည့် သွေးသားနှင့်မွေးထားသော သမီးငယ်အတွက် လည်း အချိန်ပေးရပြန်သည်။

သူမွေးစားထားသည့် ကလေးငယ် ၂၁ ယောက်သည် ပုံစံမျိုးစုံ၊ အလွှာမျိုးစုံ က အမျိုးသမီးများ၏ သား သမီးရင်းခြာများဖြစ်သော်လည်း သူသည် ကလေး အားလုံးကို သူ့သားသမီးအရင်းတွေလို ပြုစုစောင့်ရှောက်နေ သည်ကို တွေ့ရသည်။

မရှင်ငြိမ်းမယ်သည် မာမီကွတ်(Mommy Cook) ဟူသော အမည်ဖြင့် Facebook တွင် ကလေးငယ်များအား ကျွေးမွေးသင့်သည့် အစားအစာ များကို မျှဝေခဲ့ရာမှ သူ၏အမည်ကိုလည်း မာမီကွတ်ဟု လူသိများလာခဲ့ သည်။

”ကျွန်မတို့နိုင်ငံမှာ ကလေးငယ်တွေနဲ့ ပတ်သက်လို့ ဖြည့်စွက်စာ ကျွေးတဲ့ နေရာမှာ မိခင်တွေက ဟိုဟာ စားရင်ဘာဖြစ်မယ်၊ ဒီဟာစားရင် ဘာဖြစ်မယ် ဆိုတဲ့ ရှေးရိုးစွဲအယူအဆ ကျင့်သုံးနေကြတုန်းပဲ။ အဲဒီအတွက် အာဟာရပြည့်ဝအောင် ဘယ်လို အစားအစာတွေ ကျွေးသင့်တယ်ဆိုတာ ကို Facebook ကနေ ချက်ပြုတ်ပြရင်းနဲ့ လူသိများလာခဲ့တာ။ နောက်ပိုင်း မှာ Single Mother တွေကို ကလေးမွေးပေးတဲ့အလုပ်ကို ပရဟိတ အနေနဲ့ လုပ်ခဲ့တာ”ဟု ၄င်းက ပြောသည်။

မာမီကွတ်၏ ကလေးမွေးပေးခြင်းအလုပ်သည် အလွန်အောင်မြင်သည်ဟု ဆိုရမည်ဖြစ်သည်။ လေးနှစ်တာကာလအတွင်း ကိုယ်ဝန်ဆောင်မိခင် ၃ဝဝ နီးပါးကို အောင်မြင်စွာ မွေးဖွားနိုင်ရန် ကူညီပေးနိုင်ခဲ့ပြီး ထပ်မံ၍လည်း အားကိုးတကြီး ဆက်သွယ်လာကြသူများနှင့် ရင်ဆိုင်ကြုံတွေ့နေရသည်။

”ကျွန်မတို့ For Mommy – မာမီကွတ် ခိုကိုးရာမဲ့ ကိုယ်ဝန်ဆောင်များ ကူညီရေး Facebook ရဲ့ Messenger က ဆက်သွယ်ကြတယ်။ ကျွန်မအတွက်က သူတို့ ဘယ်သူဘယ်ဝါဖြစ်တယ်၊ ဘာတွေဖြစ်ခဲ့တယ်ဆိုတာ အရေးမကြီးဘူး။ မိခင်နဲ့ ဗိုက်ထဲက ကလေးပဲ ကျွန်မအတွက် အရေးကြီးတယ်။ သူတို့အန္တရာယ်ကင်းစွာ မွေးနိုင်ဖို့ပဲ ကျွန်မ ကြိုးစားတယ်။

အကူအညီတောင်းတဲ့သူ အများစုက အသက် (၂ဝ) ဝန်းကျင်တွေ များတယ်။ ပညာတတ်တွေလည်း ပါတယ်။ ဆွေမျိုးအရင်းက အဓမ္မပြု ကျင့်ခံရတာတွေလည်း ပါတယ်။ ဒါပေမဲ့ တချို့ကိစ္စတွေမှာ ကျွန်မတို့က သူတို့ပြောသလောက်ပဲ သိရတာ။ ရောက်လာတဲ့သူတိုင်းကို အကောင်းဆုံးဖြစ်အောင် လုပ်ဆောင်ပေးပါတယ်။ အခုဆိုရင် တစ်နိုင်ငံလုံး အတိုင်းအတာနဲ့ ကူညီပေးရသလို ဖြစ်နေတယ်”ဟု ၄င်းကပြောသည်။

ကလေးမွေးရန်အတွက် လာရောက်ဆက်သွယ်သူ အများစုကို ပြင်ဦးလွင်မြို့ ဆေးရုံကြီးတွင် မွေးဖွားနိုင်ရန် စီစဉ်ပေးထားပြီး ကိုယ်ဝန်ဆောင်များ နေရန်အတွက် တိုက်နှစ်လုံးကိုလည်း သဘာဝတရား ရိပ်သာ ဆရာတော်က လှူဒါန်းပေးထားသည်။ ပြင်ဦးလွင်တွင် မရှင်ငြိမ်းမယ်၏ မိခင်က ကိုယ်ဝန်ဆောင်များကို စောင့်ရှောက်ပေးလျက် ရှိနေပြီး မာမီကွတ်ကဟုဆိုလျှင် ပြင်ဦးလွင်ဆေးရုံက သေချာစွာ ဂရုစိုက် ကုသ၍ မွေးဖွားပေးကြောင်း သိရသည်။

မရှင်ငြိမ်းမယ်သည် ပိုလန်နိုင်ငံအခြေစိုက် ASEAN DNA Center ၏ အာဆီယံကိုယ်စားလှယ် တာဝန်ယူထားသည့်အတွက် မြန်မာနိုင်ငံမှ DNA စစ်လိုသူများ နှင့် အာဆီယံနိုင်ငံအချို့မှ DNA စစ်လိုသူများကို ကူညီ ဆောင် ရွက်ပေးခြင်းဖြင့် လစာဝင်ငွေကောင်းစွာ ရရှိနေသည်။

သို့သော် ကလေး ငယ်များနှင့် ကိုယ်ဝန်ဆောင် အမျိုးသမီးငယ်များအတွက် ကုန်ကျ စရိတ်များသည် လစဉ်မြင့်တက်လာလျက်ရှိပြီး တစ်လလျှင် သိန်း ၆ဝ နီးပါး ကုန်ကျမှုရှိလာသည့်အတွက် မနိုင်ဝန်ထမ်းရသလို ဖြစ်လာခဲ့ရသည်။ သို့ရာတွင် သူတော်ကောင်းကို နတ်ကောင်းမသည်ဟု ဆိုရမည်ဖြစ်သည်။ သန်လျင် သဘာဝတရား ရိပ်သာဆရာတော်က မာမီကွတ်အတွက် လိုအပ်သည်များကို အဓိကကူညီထောက်ပံ့ပေးလျက်ရှိနေသည်။

”ဆရာတော်ကြီးက ကျွန်မတို့ကို ဆန်၊ ဆီ၊ ဆား ငွေကြေးနဲ့ တိုက်ခန်းတွေ ပေးထားပါတယ်။ ကလေးမွေးပြီးတဲ့ အမျိုးသမီးလေးတွေကို ကလေးတွေနဲ့ တိုက်ခန်း တွေမှာ ထားပါတယ်။ အရင်တုန်းကတော့ ကျွန်မ အလှူငွေ လက်မခံခဲ့ဘူး။ ကျွန်မက မိဘမဲ့ ဂေဟာ ဖွင့်ထားတာလဲ မဟုတ်ဘူးလေ။

အခုတော့ စောင့်ရှောက်ရတဲ့ ကလေးတွေက များလာတဲ့အတွက် လာလှူတဲ့ အလှူငွေတွေကို လက်ခံဖြစ်ပါတယ်။ အခုကျွန်မ ကလေးတွေနဲ့ နေတဲ့ တိုက်ခန်းကိုလည်း အလှူရှင်တွေက ကျွန်မတို့ နေရာအခက်အခဲ ရှိတဲ့အတွက် ပေးနေတာပါ။ ဆရာတော်ကြီးက အများဆုံး ကူညီတာပေါ့”ဟု မရှင်ငြိမ်းမယ်က ပြောသည်။

ပရဟိတ စလုပ်ခါစတွင် စိတ်မထားတတ်သေးသည့်အတွက် ဝမ်းနည်းမှုများ ကြုံတွေ့ခဲ့ရသော်လည်း သဘာဝတရားရိပ်သာ ဆရာတော်ထံတွင် ယောဂီဝတ်ခဲ့ပြီးနောက် စိတ်ထားတတ်သွားပြီး သင့်တင့်စွာ နှလုံးသွင်း တတ်သွားခဲ့သည်ဟု ဆိုသည်။

”အရင်တုန်းက ကိုယ်ဝန်ဆောင်တွေငိုရင် ကိုယ်ပါ လိုက်ငိုတယ်။ ကလေးတွေ ငိုရင်လည်း ကိုယ်ပါ လိုက်ငိုတယ်။ အရင်တုန်းက ကလေးကို မွေးစားဖို့ ပေးလိုက်ရပြီဆိုရင်လည်း ဝမ်းနည်းလို့ မအိပ်နိုင်၊ မစားနိုင်ဖြစ်ခဲ့ရ တယ်။ အခုတော့ ကလေးမွေးစားချင်တယ်လို့ လာတောင်းရင် သဘာဝတရားရိပ်သာ ဆရာတော်ကြီးဆီကိုပဲ လွှတ်လိုက်တော့တယ်။

ဆရာတော်တို့ကျတော့ အသိုင်းအဝိုင်း ပိုတောင့်တယ်လေ။ ရှေ့နေကောင်းကောင်းတွေလည်း ရှိတယ်။ သေသေချာချာမေးမြန်းပြီးတော့မှ မွေးစားခွင့်ပေးတာပေါ့။ စိတ်ခံစားရတာတွေ တအားများတဲ့အတွက် ကျွန်မ နှလုံးရောဂါပါ ရသွားတယ်။ နောက်ဆရာတော်နဲ့ တွေ့တော့မှ စိတ်ထားတတ်သွား တာ”ဟု မရှင်ငြိမ်းမယ်က ပြောသည်။

မည်မျှပင် ကောင်းမွန်သည့်အလုပ်ကို လုပ်စေကာမူ အနှောင့်အယှက် အခက်အခဲများ ကြုံတွေ့ရစမြဲဖြစ်သည်။ မရှင်ငြိမ်းမယ် ကြုံတွေ့ခဲ့ရသည့် အဖြစ်ကလည်း ရင်နာစရာကောင်းလှသည်။ သူစောင့်ရှောက်ထားသည့် ကိုယ်ဝန်ဆောင်အမျိုးသမီးက သူ့ဆီက ကွန်ပျူတာ၊ ရွှေ နှင့် ငွေများကို ခိုးယူထွက်ပြေးသွားခဲ့ခြင်းဖြစ်သည်။

”အစက ဒေါသထွက်တာ။ ငါစောင့်ရှောက်ထားတာတောင် ဒီလိုလုပ်ရပါ့ မလား ဆိုပြီးတော့ စိတ်မကောင်းဖြစ်မိတယ်။ ပစ္စည်းကလည်း တချို့ တစ်ဝက် ပြန်ရပါတယ်။ အမှုတော့ မဖွင့်ဖြစ်ခဲ့ပါဘူး”ဟု ၄င်းက ဆိုသည်။

ကလေးငယ်များနှင့် ကိုယ်ဝန်ဆောင်များအတွက် ပစ္စုပ္ပန်တွင် အကောင်းဆုံး လုပ်ဆောင်ပေးနေသည့် မရှင်ငြိမ်းမယ်က အနာဂတ်အတွက် ကံစီမံရာ အတိုင်း သာဟု ပြောသည်။

”ကျွန်မ တတ်နိုင်သလောက် လုပ်နိုင်သရွေ့တော့ လုပ်သွားဦးမှာပါ။ ကျွန်မ သေသွားရင်တော့ ကလေးတွေရဲ့ ကံအတိုင်းပဲပေါ့ …”

Credit: burmese.asia

Loading...

Facebook Comments