၈ နှစ်အရွယ် ကလေးငယ် မုဒိန်းကျင့်သတ်ခံရမှု၊ အကိုဖြစ်သူကို သံသယဖြင့် ထိန်းသိမ်း

မွန်ပြည်နယ်၊ မော်လမြိုင်မြို့တွင် အသက် ၈ နှစ်အရွယ် ပထမတန်းကျောင်းသူ တဦးအား မုဒိန်းကျင့် ရေနှစ်အသတ်ခံရ မှုနှင့် ပတ်သက်၍ အသက် ၁၃ နှစ်အရွယ် အကိုဖြစ်သူအား သံသယမှုဖြင့် ဇေယျာ သီရိနယ်မြေရဲစခန်းက နိုဝင်ဘာလ ၂ ရက်တွင် ခေါ်ယူထိန်းသိမ်းထားသည်ဟု မိသားစုဝင်များထံမှ သိရသည်။

သတ်ဖြတ်ခံရသည့် ပထမတန်းကျောင်းသူမှာ အောက်တိုဘာလ ၁၈ ရက်က ညပိုင်းက ပျောက်ဆုံး ခဲ့ခြင်း ဖြစ်ပြီး မိခင်က အောက်တိုဘာလ ၁၉ နံနက်ပိုင်းတွင် ဇေယျာသီရိ နယ်မြေ ရဲစခန်းသို့ လူ ပျောက် တိုင်ချက်ဖွင့်ပြီးနောက် ယင်းနေ့ နေ့လယ်ပိုင်းတွင် နေအိမ်နှင့် ၃ ဖာလုံခန့်အကွာ လှိုင်ရတနာ လမ်းဘေး လယ်ကွင်း ရေကန်ထဲတွင် မှောက်လျက် အနေ အထားဖြင့် ရေနစ်သေဆုံးနေကြောင်း တွေ့ရှိခြင်း ဖြစ်သည်။

ထို့အတွက် သူနှင့် နောက်ဆုံးတွေ့ခဲ့သူများအပါအဝင် ရပ်ကွက် အတွင်းရှိ ကလေးငယ် ၄ ဦးကို နိုဝင်ဘာလ ၁ ရက်က ခေါ်ယူစစ်ဆေးမှုများ ပြုလုပ်ပြီးနောက် အကိုဖြစ်သူအား သံသယရှိ သည်ဟု ဆိုကာ ထိန်းသိမ်းထားခြင်း ဖြစ် သည်။

ဇေယျာသီရိနယ်မြေရဲစခန်းမှ စခန်းမှူး ရဲအုပ်မောင်ဝင်းက “သေဆုံးတဲ့ကလေးက ညကတည်းက ပျောက်သွားပြီး နံနက်မှာ ရေနစ်သေတယ် ဆိုရာမှာ ဓမ္မတာအတိုင်း သေတာဟုတ်မဟုတ် ဆေးစစ် တော့ သေတာကတော့ ရေနစ်သေတာဖြစ် ပေမယ့် ကလေးမှာ သုပ်ပိုးတွေ့တယ်လို့ ဆရာဝန်ကပြော တယ်၊ ဒါကြောင့် အဓမ္မအကျင့်ခံရပြီး ရေနစ်သတ်ခံရ တယ်ဖြစ်တယ်”ဟု ဆိုသည်။

ထိုအတွက် ပထမတန်းကျောင်းသူ သေဆုံးမှုကို မှုခင်းဆရာဝန်၏ ဆေးစာအရ နိုဝင်ဘာ ၁ ရက်က ဇေယျာသီရီ နယ်မြေရဲစခန်းတွင် ရာဇသတ်ကြီး ဥပဒေပုဒ်မ ၃၇၆ (အလိုမတူဘဲ အဓမ္မပြုကျင့်မှု)၊ ၃၀၂ (လူသတ်မှု) တို့ဖြင့် အမှုပြောင်းလဲဖွင့်လှစ်ကာ မသင်္ကာသူများကို ဆက်လက်စစ်ဆေးနေကြောင်း အဆိုပါ ရဲစခန်းမှ သိရသည်။

သေဆုံးသူ ကလေးငယ်နှင့် နောက်ဆုံးတွေ့ရှိခဲ့သူများ၊ သံသယရှိသူများကို စစ်ဆေးနေဆဲဖြစ်ကာ လတ်တလောတွင် အသက် ၁၃ နှစ်အရွယ် အကိုဖြစ်သူကို သံသယမှုဖြင့် အသက်မပြည့်သေးသည့် အတွက် စမ်းကြီး လူငယ်သင်တန်း ကျောင်းတွင် ခေါ်ယူထိန်းသိမ်းထားကြောင်း ရဲအုပ် မောင်ဝင်းက ဆိုသည်။

ကလေးငယ် ပျောက်ဆုံးသည့် ညတွင် မိသားစုဝင်များက လိုက်လံရှာဖွေမှု ပြုလုပ်ရာ အခင်းဖြစ်ပွားရာ လယ်ကွင်းဘက်သို့ သွားသည့် တံတားတခုအနီးတွင် အရက်မူးနေသည်ဟု ယူဆရသည့် အမျိုးသား တဦးအား ရပ်ထားသည့် စက်ဘီးနှင့်အတူ တွေ့ရှိခဲ့သည်ဟုလည်း မိသားစုဝင်များဘက်မှ ထုတ်ဖော် ထားသည်။

ပထမတန်းကျောင်းသူ ကလေးငယ်မှာ အောက်တိုဘာလ ၁၈ ရက် ည ၈ နာရီခွဲကျော်ခန့်က အဖိုးဖြစ် သူ ခိုင်းစေမှုဖြင့် နေအိမ်နှင့် နှစ်အိမ်ကျော်အကွာတွင် တရားခွေ သွားကူးနေသည့် အဒေါ်ဖြစ်သူအား သွားခေါ်ရန် ထွက်သွားရာမှ ပြန်လည် မရောက်လာဘဲ ပျောက်ဆုံးခြင်း ဖြစ်သည်ဟု သိရသည်။

သံသယဖြစ်ခံရသူ အသက် ၁၃ နှစ်ရွယ် အကိုဖြစ်သူမှာ အခင်းဖြစ်ပွားရာ အောက်တိုဘာလ ၁၈ ရက် ည ၈ နာရီမှ ၁၁ နာရီအထိ ရပ်ကွက်အတွင်းရှိ ဒေါ်ကရင်မ ဆိုသူ၏ နေအိမ်တွင် သူငယ်ချင်းများနှင့် အတူ ဆော့ကစားနေပြီး ည ၁၁ နာရီကျမှ သာ နေအိမ်သို့ ပြန်သွားသည်ဟု ၎င်းနှင့်အတူ ဆော့ကစား နေသည့် ကလေးများထံမှ သိရသည်။

သို့သော် ၎င်းမှာ ည ၁၂ နာရီအထိ နေအိမ်သို့ ပြန်လည် မရောက်ရှိသေးကြောင်း တအိမ်တည်းအတူနေ ဦးရွှေသိန်းက ပြောသည်။

မိခင်ဖြစ်သူမှာ ညပိုင်းကတည်းက ပွဲဈေးတန်းတွင် အလုပ်လုပ်ရန် ထွက်သွားပြီး ည ၂ နာရီ (အောက်တိုဘာလ ၁၉ ရက် နံနက် ၂) နာရီကျမှသာ နေအိမ်သို့ ပြန်လည်ရောက်ရှိလာပြီး သံသယဖြစ်ခံရသူ ကလေးငယ်မှာ နေအိမ် ဘုရားစင်ရှေ့တွင် အိပ်နေကြောင်း ဆိုသည်။

အဆိုပါ ကလေးငယ်အား ယင်းနေ့ ည ၁၀ နာရီက ရပ်ကွက်အတွင်း တယောက်တည်း သွားလာနေ သည်ကို တွေ့ရှိပြီး နောက် အိမ်နီးချင်းများက အိမ်ပြန်ရန် ပြောဆိုခဲ့ကြောင်း၊ ည ၁၁ နာရီခန့်တွင် လှိုင်ရတနာလမ်းပေါ်တွင် သူ့အရွယ် မိန်းကလေး တဦးနှင့် လူငယ်တဦးတို့ လက်တွဲ၍ မှုခင်းဖြစ်ပွား ရာနေရာဘက်သို့ လမ်းလျှောက်သွားသည်ကို တွေ့ရှိခဲ့သော်လည်း မှောင်နေသည့်အတွက် မည်သူ မည်ဝါဟု ခွဲခြား၍ မရကြောင်းနှင့် ကလေးငယ်မှာ ရင်းနှီးသူဖြင့် လိုက်ပါသွားသည့် ပုံစံမျိုး ပေါ် ကြောင်း မျက်မြင်တွေ့ရှိသူများထံမှ စုံစမ်းသိရှိရသည်

Credit: irrawaddy

Loading...

Facebook Comments