ကျောင်းသူရဲ့ကားနဲ့တိုက်မိရာမှ ဒဂုံတက္ကသိုလ် လက်ထောက်ကထိက ဆရာမဒေါ်အိကေခိုင်မင်း ကွယ်လွန်

ဒဂုံတက္ကသိုလ် ဥပဒေပညာဌာနတွင် တာဝန်ထမ်းဆောင်လျက်ရှိသော လက်ထောက်ကထိက ဆရာမဒေါ်အိကေခိုင်မင်းသည် အဝေးသင်ကျောင်းသူတစ်ဦးလိုက်ပါလာသော ကားနှင့်တိုက်မိ၍ အရေးပေါ်ဆေးရုံရောက်သွားရာမှ ကွယ်လွန်သွားရပြီဖြစ်ကြောင်း ဒဂုံတက္ကသိုလ် ဆရာဆရာမများသမဂ္ဂထံမှ သိရသည်။

အခင်းဖြစ်စဉ်မှာ အောက်တိုဘာ ၁၂ ရက် နံနက် ၁၀ နာရီကျော်အချိန်ခန့် က ဆရာမဒေါ်အိကေခိုင်မင်း လိုက်ပါလာသည့် ဆိုင်ကယ်နှင့် အဝေးသင်ကျောင်းသူတစ်ဦး လိုက်ပါလာသည့် Belta ကားနံပါတ် 2H —- တို့မှာ ဒဂုံတက္ကသိုလ် တော်ဝင်လမ်းမပေါ်တွင် ယာဉ်တိုက်မှုဖြစ်ပွားခဲ့ပြီး ဆရာမ ဒေါ်အိကေခိုင်မင်း၏ ဦးခေါင်းတွင်ပြင်းထန်စွာ ဒဏ်ရာရရှိခဲ့ကြောင်း သိရသည်။

ဒဏ်ရာရရှိသွားသော ဆရာမအား အရှေ့ ဒဂုံဆေးရုံသို့ အရေးပေါ်အဖြစ် ချက်ခြင်းပို့ ဆောင်ပေးခဲ့ပြီးနောက် ယင်းမှတစ်ဆင့် မြောက်ဥက္ကလာပဆေးရုံသို့ ဆက်လက်ပို့ ဆောင်လိုက်ရကြောင်း၊ ယင်းနောက် အောက်တိုဘာ ၁၅ ရက်(ယနေ့ ) နေ့ လယ်ပိုင်းတွင် အခင်းဖြစ်ပွားစဉ်ရရှိခဲ့သည့် ဦးခေါင်းဒဏ်ရာကြောင့် ကွယ်လွန်သွားခဲ့ရခြင်းဖြစ်ကြောင်း သိရသည်။

ကွယ်လွန်ချိန်တွင် ဆရာမ ဒေါ်အိကေခိုင်မင်းမှာ အသက်(၃၃)နှစ်အရွယ်သာ ရှိသေးကြောင်းနှင့် အခင်းဖြစ်စဉ်အတွက် လူသေမှုအဖြစ် ရဲတပ်ဖွဲ့ က ပြောင်းလဲအမှုဖွင့်၍ ယာဉ်ပိုင်ရှင်ကို CCTV မှတ်တမ်းများမှတစ်ဆင့် ရှာဖွေနေပြီဖြစ်ကြောင်းလည်း ဒဂုံတက္ကသိုလ် ဆရာဆရာမများသမဂ္ဂထံမှ သိရသည်။

ဆရာမ ဒေါ်အိကေခိုင်မင်း၏ ဈာပနကို ၎င်း၏ ဇာတိဖြစ်သည့် ပဲခူးတိုင်းဒေသကြီး၊ ပျဉ်ပုံကြီးမြို့တွင် စီစဉ်ဆောင်ရွက်သွားမည်ဖြစ်ကြောင်းလည်း သိရသည်။

Credit: Bahutha

Loading...

Facebook Comments