၇ တန်းကျောင်းသူလေး ကို မုဒိမ်းကျင့် သတ်ဖြတ်ခဲ့ တဲ့ တရားခံကို မိပါပြီ

စစ်ကိုင်းတိုင်းဒေသကြီး၊ တန့်ဆည်မြို့တွင် ၇ တန်းကျောင်းသူလေးအား မုဒိမ်းကျင့် ဆွဲကြိုးယူပြီး သတ်ဖြတ်တိမ်းရှောင်နေသူကိုဖမ်းဆီးရမိပြီဖြစ်ကြောင်း တန့်ဆည်ရဲစခန်းမှ သိရသည်။ တရားခံမှာ ငယ်လေး(ခ)ဉာဏ်လင်းအောင်ဆိုသူဖြစ်ပြီး မော်လူးမြို့နယ်၊ ပင်ဝယ်ရွာဇာတိဖြစ်ပြီး အလည်လာရင်း လူသတ်မှုကျူးလွန်ခြင်းဖြစ်ကြောင်း သိရသည်။’သေဆုံးသူ ကျောင်းသူလေးမှာ ကျွန်းတောကုန်းရွာမှဖြစ်ပြီး ပြီးခဲ့သည့် တနင်္လာနေ့က သတ်ဖြတ်ခံရခြင်းဖြစ်ကြောင်း သိရသည်။

တရားခံအားလိုက်လံရှာဖွေသည့် အဖွဲ့ထဲတွင်ပါဝင်ခဲ့သူတစ်ဦးက “ညပိုင်းအချိန်ကျမှ ချောင်းဦးရွာ အရှေ့ဘက် လယ်တောက တဲမှာ ထမင်းတောင်းစားတဲ့အချိန် တဲပိုင်ရှင်က တာဝန်ရှိသူတွေကို သတင်းပေးလိုက်တာ။ တဲပိုင်ရှင်ကအသက်ကြီးနေပြီဆိုတော့ အချိုသပ် ထမင်းကျွေး အဝတ်တွေလဲခိုင်းပြီး သူမသိအောင် အုပ်ချုပ်ရေးမှူး အကြောင်းကြားတာ။ အဲဒါနဲ့ တိတ်တဆိတ် အုပ်ချုပ်ရေးမှူး၊ ရဲနဲ့ တာဝန်သိပြည်သူ အနည်းငယ်နဲ့ သွားဖမ်ရာက မိခဲ့တာ” ဟု iSee media သို့ ပြောသည်။ တရားခံအားတန့်ဆည်မြို့မရဲစခန်းက(ပ)၁၆၂/၁၈၊ ရာဇသတ်ကြီးပုဒ်မ ၃၉၄/၃၀၂ ဖြင့် အမှုဖွင့် ထားပြီး စစ်ဆေးအရေးယူလျက်ရှိကြောင်း သိရသည်။

Credit: Isee Media Page

Loading...

Facebook Comments